2 සාමුවෙල්
23 දාවිත් රජු පැවසූ අවසාන වදන් මේවාය.+
“යාකොබ්ගේ දෙවි විසින් අභිෂේක කර,+
උසස් කරනු ලැබූ තැනැත්තාද+
ඊශ්‍රායෙල් දේශයේ ගයන ගීවල විස්තර කරනු ලබන ප්‍රියමනාප පුද්ගලයාද වූ*+
යෙස්සේගේ පුත් දාවිත් පැවසූ වදන් මේවාය.+
3 ඊශ්‍රායෙල්හි දෙවි මට කතා කළේය.
ඊශ්‍රායෙල්හි පර්වතය මට කතා කර+ මෙසේ කීවේය.
‘දෙවිට ගරුබිය ඇති+ ධර්මිෂ්ඨ කෙනෙකුගේ පාලනය+
4 වලාකුළු නැති අහසක හිරුගෙන් විහිදෙන ආලෝකය මෙනි.+
වර්ෂාවකින් පසු හිරු පායා පොළොවේ තණකොළ පිබිදෙන්නේය.+
ධර්මිෂ්ඨයාගේ පාලනයද එලෙසම වන්නේය.’
5 දෙවි මාගේ පවුල දෙස බලන්නේ ඒ හා සමානවය.+
ඔහු පිළිවෙළකට සකස් කළ+ ස්ථිර ගිවිසුමක්+ මා සමඟ ඇති කළේය.
එය සදහටම පවතින්නේය.
මට ගැලවීම ලැබෙන්නේ එමගිනි.+ එය මාගේ ප්‍රීතියද වන්නේය.
දෙවි එය සාර්ථක වීමට සලස්වන්නේ එනිසාය.+
8 දාවිත් රජු යටතේ සේවය කළ බලවත්+ මනුෂ්‍යයන්ගේ විස්තර මේවාය. එඩිතර පුරුෂයෝ තුන්දෙනෙක් සිටියෝය. ඔවුන්ගේ ප්‍රධානියා තාකෙමෝනිගෙන් පැවතෙන යොෂෙබ්-බෂ්ෂෙබෙත්ය.+ ඔහු එක් අවස්ථාවකදී අටසියදෙනෙකුව තම හෙල්ලයෙන් මරා දැමුවේය. 9 ඔහුට දෙවනුව සිටියේ අහෝහිගේ පුත්‍රයා වූ දෝදෝගේ+ පුත් එලියාසර්ය.+ එක් අවස්ථාවකදී පිලිස්තිවරු ඊශ්‍රායෙල් හමුදාවට විරුද්ධව යුද්ධයට සැරසී සිටියෝය. ඒ වෙලාවේ දාවිත් සමඟ සිටි බලවත් පුරුෂයන් තිදෙනෙක් පිලිස්තිවරුන්ට අපහාස කළෝය. එලියාසර් ඔවුන්ගෙන් එක් කෙනෙකි. ඒ අවස්ථාවේදී ඊශ්‍රායෙල් හමුදාව පිලිස්තිවරුන් ඉදිරියෙන් පලා ගියෝය.+ 10 එහෙත් එලියාසර් එදින තම අත හිරි වැටෙන තෙක්ම පිලිස්තිවරුන්ට කඩුවෙන් පහර දුන්නේය. ඔහු ඔවුන්ට පහර දී අවසන් වූ පසුත් තම කඩුව බිම තැබුවේ නැත.+ එදින යෙහෝවා දෙවි ඊශ්‍රායෙල්වරුන්ට මහත් ජයග්‍රහණයක් අත් කර දුන්නේය.+ පසුව පලා ගිය සෙනඟ නැවත පැමිණ මැරුම් කෑ අයගේ වස්තුව පැහැරගත්තෝය.+
11 එලියාසර්ට පසුව හරාරිය+ අගීගේ පුත්‍රයා වන ෂම්මාහ් සිටියේය. පිලිස්තිවරු එක් රැස් වී ලේහී නම් ප්‍රදේශයේ තිබූ ධාන්‍ය කෙතකදී+ යුද්ධයට සැරසුණෝය. ඊශ්‍රායෙල්වරු ඔවුන්ට භය වී එතැනින් පලා ගියෝය. 12 එහෙත් ෂම්මාහ් කෙත මැදට ගොස් පිලිස්තිවරුන්ට දිගටම පහර දී කෙත බේරාගත්තේය. එදින යෙහෝවා දෙවි ඊශ්‍රායෙල්වරුන්ට මහත් ජයග්‍රහණයක් අත් කර දුන්නේය.+
13 අස්වනු කපන කාලයේදී ප්‍රධානීන් ලෙස කටයුතු කළ මනුෂ්‍යයන් තිස්දෙනාගෙන් තුන්දෙනෙක්+ අදුල්ලාම්හි+ ගුහාවේ සිටි දාවිත් වෙත ගියෝය. ඒ වන විට පිලිස්තිවරු රෙෆායිම් තැනිතලාවේ+ කඳවුරු බැඳගෙන සිටියෝය. 14 ඔවුන්ගේ මුර හමුදාවක්+ බෙත්ලෙහෙම්හි රඳවා තිබිණ. ඒ දවස්වලදී දාවිත් ඉතා දුෂ්කර ස්ථානයක ජීවත් විය.+ 15 දිනක් මහත් පිපාසයකින් සිටි දාවිත් මෙසේ කීවේය. “බෙත්ලෙහෙමට ඇතුල් වන දොරටුව ළඟ තියෙන පොකුණෙන් මට වතුර ටිකක් බොන්න තිබුණා නම්!”+ 16 එවිට දාවිත්ට සේවය කළ එඩිතර පුරුෂයෝ තිදෙනා පිලිස්තිවරුන්ගේ කඳවුරට කඩාවැද බෙත්ලෙහෙම්හි දොරටුව අසල තිබූ පොකුණෙන් වතුර ඇද දාවිත් වෙත ගෙන ගියෝය.+ නමුත් දාවිත් එය බිව්වේ නැත. ඔහු යෙහෝවා දෙවි ඉදිරියේ එය බිමට වත් කළේය.+ 17 ඔහු ඒ අවස්ථාවේදී මෙසේ කීවේය. “අනේ යෙහෝවා දෙවියනි, මම කොහොමද මේ වතුර බොන්නේ?+ මේ මිනිස්සු ඔවුන්ගේ ජීවිත පරදුවට තබලයි මේ වතුර ටික ගෙනාවේ. මම මේ වතුර බිව්වොත් ඒක හරියට ඔවුන්ගේ ලේ බොනවා වගෙයි.”+ ඒ නිසා ඔහු එම වතුර නොබීවේය.
එඩිතර පුරුෂයන් තිදෙනා කළ වීර ක්‍රියා අතරින් ඒවා සමහරකි.
18 ෂෙරුයියාගේ පුත්‍රයාද+ යෝවාබ්ගේ සහෝදරයාද වන අබිෂයි,+ ප්‍රධානීන් ලෙස කටයුතු කළ තිස්දෙනාගේ නායකයා විය. ඔහු තුන්සියදෙනෙකුව තම හෙල්ලයෙන් මරා දැමුවේය. එඩිතර පුරුෂයන් තුන්දෙනා හා සමානව ඔහුත් කීර්ති නාමයක් දිනාගෙන තිබිණ.+ 19 ඔහු අනික් ප්‍රධානීන් තිස්දෙනාට වඩා කැපීපෙනුණ නිසා ඔවුන්ගේ නායකයා ලෙස ඔහුව පත් කරන ලදි. නමුත් ඔහු කවදාවත් එඩිතර පුරුෂයන් තිදෙනාගේ තත්වයට පැමිණියේ නැත.+
20 දක්ෂ සටන්කරුවෙකු වූ යෙහෝයාදාගේ පුත්‍රයා+ වන බෙනායා,+ කබ්ෂෙයෙල් නුවරෙහි+ බොහෝ වීර ක්‍රියා කර තිබිණ. ඔහු මෝවබ්හි අරියෙල්ගේ පුත්‍රයන් දෙදෙනාව මරා දැමුවේය. හිම වැටෙන දවසකදී+ ඔහු වළක සිටි සිංහයෙකුවද මැරුවේය.+ 21 ඊජිප්තු ජාතික යෝධයෙකුවද ඔහු මරා දැමුවේය.+ ඒ යෝධයාගේ අතේ හෙල්ලයක් තිබුණත් ඔහු නිර්භීතව යෝධයා වෙත ගියේය. ඒ අවස්ථාවේදී ඔහුගේ අතේ තිබුණේ පොල්ලක් පමණි. ඔහු යෝධයාගේ අතින් හෙල්ලය උදුරාගෙන ඒ හෙල්ලයෙන්ම ඔහුට ඇන ඔහුව මරා දැමුවේය.+ 22 යෙහෝයාදාගේ පුත්‍රයා වන බෙනායා+ කළ වීර ක්‍රියා ඒවාය. එඩිතර පුරුෂයන් තිදෙනා හා සමානව ඔහුත් කීර්ති නාමයක් දිනාගෙන තිබිණ.+ 23 ඔහු අනික් ප්‍රධානීන් තිස්දෙනාට වඩා කැපීපෙනුණ නමුත් ඔහු කවදාවත් එඩිතර පුරුෂයන් තිදෙනාගේ තත්වයට පත් වූයේ නැත. දාවිත් ඔහුව තම ආරක්ෂක නිලධාරියා ලෙස පත් කළේය.+
24 යෝවාබ්ගේ සහෝදරයා වන අසහෙල්ද+ ප්‍රධානීන් තිස්දෙනාගෙන් කෙනෙක් විය. එඩිතර පුරුෂයන් සමහරකගේ නම් මේවාය. බෙත්ලෙහෙම්හි වැසියෙකු වූ දෝදෝගේ පුත්‍රයා වන එල්හානාන්,+ 25 හාරොද්හි වැසියන් වූ ෂම්මාහ්+ හා එලිකා, 26 පල්තිය හෙලෙෂ්,+ තෙකෝවා නුවරේ වැසියෙකු වූ ඉක්කෙෂ්ගේ පුත්‍රයා+ වන ඊරා,+ 27 අනාතොත් නුවරේ වැසියෙකු වූ+ අබි-එෂෙර්,+ හූෂාතිය+ මෙබුන්නයි, 28 අහෝහිය+ ෂල්මොන්, නෙටොෆා නම් ගම්මානයේ වැසියෙකු වූ මහරයි,+ 29 නෙටොෆාහි වැසියෙකු වූ බානාහ්ගේ පුත්‍රයා වන හෙලෙබ්,+ බෙන්ජමින් ගෝත්‍රයට අයත් නුවරක් වන ගිබෙයාහි වැසියෙකු වූ රීබයිගේ පුත්‍රයා වන ඉත්තයි,+ 30 පිරතොන් නගරේ වැසියෙකු වූ බෙනායා,+ ගයෂ් තැනිතලාවේ+ ජීවත් වූ හිද්දයි, 31 බෙත්-අරබා නුවරේ වැසියෙකු වූ අබි-අල්බොන්, බහුරීම්හි වැසියෙකු වූ අෂ්මාවෙත්,+ 32 ෂායල්බිම් නුවරේ වැසියෙකු වූ එලියාබා, යාෂෙන්ගේ පුත්‍රයන් අතරින් යොනාතාන්,+ 33 හරාරිය ෂම්මාහ්, හරාරිය ෂාරාර්ගේ පුත්‍රයා වන අහියාම්,+ 34 මයකාත්හි වැසියෙකු වූ අහස්බයිගේ පුත්‍රයා වන එලිෆෙලෙත්, ගීලොහි වැසියෙකු වූ අහිතොෆෙල්ගේ+ පුත්‍රයා වන එලියාම්, 35 කර්මෙල්හි වැසියෙකු වූ හෙෂ්රො,+ අරාබ් නුවරේ වැසියෙකු වූ පයරයි, 36 ෂොබාහි වැසියෙකු වූ නාතන්ගේ+ පුත්‍රයා වන ඉගාල්, ගාද් ගෝත්‍රයට අයත් වන බානි, 37 අම්මොන් ජාතිකයෙකු වන ෂෙලෙක්+ හා බෙයේරොත්හි වැසියෙකු වන නහරයිය. ෂෙලෙක් හා නහරයි ෂෙරුයියාගේ පුත්‍රයා වූ යෝවාබ්ගේ ආයුධ දරන්නෝ වූහ. 38 ඉත්රිය+ ඊරා, ඉත්රිය ගාරෙබ්+ සහ 39 හිත්තී ජාතික උරියා+ යන අයද එඩිතර පුරුෂයන් අතර සිටියෝය. ඔවුහු සියල්ලෝ තිස්හත්දෙනෙකි.