2 ලේකම්
31 මේ සියලු කටයුතු නිම වූ විගස එහි රැස්ව සිටි සියලුම ඊශ්‍රායෙල්වරු+ මුළු යූදා ප්‍රදේශයටද+ එහි නුවරවලටද+ බෙන්ජමින්, එෆ්‍රායිම්+ සහ මනස්සේ+ යන ප්‍රදේශවලටද ගොස් බොරු නමස්කාරය සඳහා එහි ඉදි කර තිබූ කණු+ සහ කුලුනු+ කඩා දමා, පූජනීය ස්ථානද+ පූජාසනද+ මුළුමනින්ම විනාශ කළෝය. ඉන්පසු ඊශ්‍රායෙල්වරු තම තමන්ගේ ගම්බිම් බලා පිටත්ව ගියෝය.
2 හෙසකියා රජ පූජකයන් සහ ලෙවීවරුන්+ අයත්ව සිටි කාණ්ඩ නැවතත් සංවිධානය කර+ ඔවුන්ට පැවරී තිබූ කාර්යයන් ඉටු කිරීම සඳහා+ ඔවුන්ව යෙදෙව්වේය. ඒ අනුව දවන පූජා+ සහ හවුල් පූජා+ ඔප්පු කිරීමේ සේවාවද යෙහෝවා දෙවිගේ ගෘහයේ දොරටු අසල ස්තුති+ ප්‍රශංසා+ කිරීමේ කාර්යයද වෙනත් සේවාවන්ද+ නැවතත් විධිමත්ව ආරම්භ කෙරිණ. 3 යෙහෝවා දෙවි දුන් නීතියට අනුව+ උදෑසන+ සහ සවස ඔප්පු කරන දවන පූජාවන් සඳහාද+ සබත් දිනවල ඔප්පු කරන දවන පූජාවන් සඳහාද+ නව සඳ පායන දවස්වල+ හා උත්සව පවත්වන කාලයේදී+ ඔප්පු කරන දවන පූජාවන් සඳහාද රජ තමාට හිමි දේවලින් කොටසක් වෙන් කළේය.+
4 ඉන්පසු පූජකයන්ට+ හා ලෙවීවරුන්ට+ අයිති කොටස ලබා දෙන ලෙස යෙරුසලමෙහි වැසියන්ට රජ මතක් කළේය. මන්ද ඔවුන්ට අයිති කොටස සෙනඟ ලබා දුන්නොත් යෙහෝවා දෙවිගේ නීතියේ සඳහන් දේ කිරීමට+ තමන්ගේ මුළු කාලයම යෙදවීමට ඔවුන්ට හැකි වනු ඇත.+ 5 රජු ඒ ගැන මතක් කළ විගස ඊශ්‍රායෙල්වරු+ ඉතා ත්‍යාගශීලීව ධාන්‍ය අස්වැන්නේ මුල් පලවලින්ද+ අලුත් වයින්වලින්ද+ තෙල්,+ පැණි*+ සහ අනිකුත් පලවලින්ද+ දසයෙන් කොටස නොඅඩුව ගෙනාවෝය.+ 6 ඊශ්‍රායෙල්හි වැසියෝ සහ යූදාහි නුවරවල විසූ අය+ ගොනුන්ගෙන් හා බැටළුවන්ගෙන් දසයෙන් කොටසක් ගෙනා අතර ශුද්ධ දේවල් ලෙස තම දෙවි වන යෙහෝවාට වෙන් කළ දේවලින් දසයෙන් කොටසක්ද+ රැගෙන ඇවිත් ඒවා ගොඩවල් වශයෙන් තැබූහ. මෙසේ ඔවුහු තමන් සතු දෙයින් විශාල ප්‍රමාණයක් පරිත්‍යාග කළෝය. 7 ඔවුහු තුන්වන මාසයේ+ සිට හත්වන මාසය+ දක්වා ඒවා ගෙනැවිත් ගොඩගැසුවෝය. 8 ගොඩගසා තිබූ දේවල් දුටු හෙසකියා රජ සහ ඔහුගේ අධිපතීහු+ යෙහෝවා දෙවිට ප්‍රශංසා කරමින්+ ඔහුගේ සෙනඟ වූ ඊශ්‍රායෙල් ජනයාට ආශීර්වාද කළෝය.+
9 හෙසකියා රජ එසේ ගොඩගසා තිබූ දේවල් ගැන පූජකයන්ගෙන් සහ ලෙවීවරුන්ගෙන් විමසුවේය.+ 10 එවිට සාදොක්ගේ පෙළපතින් පැමිණි+ නායක පූජකයා වූ අෂරියා+ මෙසේ කීවේය. “සෙනඟ යෙහෝවා දෙවිගේ ගෘහයට අවශ්‍ය දේවල් ගෙනෙන්න+ පටන්ගත් දවසේ ඉඳන් හැමදෙනාම හොඳට කාලා බීලා සතුටින් ඉන්නවා.+ ඒ විතරක් නෙවෙයි යෙහෝවා දෙවි තම සෙනඟට ආශීර්වාද කරලා තියෙන නිසා+ අවශ්‍ය ප්‍රමාණයටත් වැඩියෙන් දේවල් තියෙනවා.+ බලන්න තව කොච්චර දේවල් ඉතුරු වෙලා තියෙනවාද කියලා.”
11 එවිට හෙසකියා රජ යෙහෝවා දෙවිගේ ගෘහයේ තිබෙන භෝජන ශාලා+ සූදානම් කරන්න කියා පැවසුවේය. ඔවුහු එසේ කළෝය. 12 සෙනඟ සම්මාදම් කළ දේද+ දසයෙන් කොටසද+ ශුද්ධ දේවල්ද ඔවුහු ඒ තුළට ගෙනාවෝය. කිසිදු වංචාවකින් තොරව ඔවුහු ඒ කාර්යය ඉටු කළෝය.+ ඔවුන් කළ ඒ කාර්යය අධීක්ෂණය කළේ කොනනියා නම් ලෙවීවරයාය. ඔහුගේ සහෝදරයා වූ ෂිමෙයි ඔහුට සහය විය. 13 හෙසකියා රජුගේ අණ පරිදි කොනනියා සහ ඔහුගේ සහෝදරයා වූ ෂිමෙයි යටතේ යෙහීයෙල්, අසසියා, නාහත්, අසහෙල්, යෙරිමොත්, යෝෂාබාද්, එලියෙල්, ඉස්මාකියා, මාහත් සහ බෙනායා යන නිලධාරීහු සේවය කළෝය. සැබෑ දෙවිගේ ගෘහයේ සියලු කටයුතුවලදී පෙරමුණ ගෙන ක්‍රියා කළේ අෂරියාය.+ 14 ලෙවීවරයෙකු වූ ඉම්නාහ්ගේ පුත් කෝරෙ නැඟෙනහිර දොරටුවේ+ දොරටු පාලකයා විය.+ සැබෑ දෙවිට සෙනඟ කැමැත්තෙන් පූජා කළ දේද භාරව සිටියේ ඔහුය.+ සෙනඟ යෙහෝවා දෙවිට පරිත්‍යාග කළ දේවල්+ සහ අතිශුද්ධ දේවල්+ පූජකයන් හා ලෙවීවරුන් අතරේ බෙදා දුන්නේද ඔහුය. 15 එමෙන්ම ඔහු යටතේ සිටි ඒදන්, මිනියාමින්, යේෂුවා, ෂෙමායා, අමරියා සහ ෂෙකනියා යන නිලධාරීහු පූජකයන් විසූ නුවරවල සේවය කළෝය.+ ඔවුන්ට විශ්වාසයෙන් යුතුව+ භාර දී තිබූ පැවරුම වූයේ කාණ්ඩවලට අනුව සංවිධානය වී සිටි+ සෑම වයස් මට්ටමකටම අයත් ඔවුන්ගේ සෙසු සහෝදරයන්ට සෙනඟ පරිත්‍යාග කළ දේවල් එක හා සමානව බෙදා දීමය.+ 16 මීට අමතරව තම කාණ්ඩය සඳහා නියම කර තිබූ වාරයේදී යෙහෝවා දෙවිගේ ගෘහයට පැමිණ දිනපතා තම වගකීම් ඉටු කරමින් සිටි අයටද ඔවුන්ට හිමි කොටස බෙදා දෙන ලදි. පෙළපත් ලේඛනයට ඇතුළත්+ කර තිබූ වයස අවුරුදු තුනෙන් ඉහළ සියලුම පුරුෂයන්+ ඊට අයත් විය.
17 මෙසේ තම මුතුන්මිත්තන්ගේ පෙළපතට අනුව පෙළපත් ලේඛනවලට ඇතුළත්ව සිටි පූජකයන්ටද+ කාණ්ඩ වශයෙන් තමන් ඉටු කළ යුතු වගකීම්වලට අනුව සංවිධානය කර තිබූ,+ වයස අවුරුදු විස්සක්+ හා ඊට වැඩි ලෙවීවරුන්ටද+ තමන්ට හිමි කොටස ලැබිණ. 18 ලෙවීවරුන්ගේ පෙළපත් ලේඛනයට ඔවුන්ගේ කුඩා දරුවන් සියලුදෙනාද ඔවුන්ගේ භාර්යාවන්ද පුත්‍රයන්ද දූවරුන්ද ඇතුළත් කර තිබිණ. එසේ වූයේ විශ්වාසයෙන් යුතුව තමන්ට භාර දී තිබූ+ පරිශුද්ධ කාර්යයන් ඉටු කිරීම සඳහා ඔවුන් දෙවි ඉදිරියේ පවිත්‍ර තත්වයක සිටි නිසාය.+ 19 මීට අමතරව තම ගම්බිම්වල විසූ+ ආරොන්ගෙන් පැවතෙන+ පූජකයන්ගේ පවුල්වල සිටි සෑම පුරුෂයෙකු සඳහාද ලෙවීවරුන්ගේ පෙළපත් ලේඛනවලට ඇතුළත් වූ සියලුදෙනා සඳහාද නියමිත ආහාර කොටස බෙදා දීමට සෑම නුවරකටම පුරුෂයන්ව පත් කර තිබිණ.
20 හෙසකියා රජ යූදා දේශය පුරාම ඒ සඳහා අවශ්‍ය සියල්ල සංවිධානය කළේය. ඔහු තම දෙවි වන යෙහෝවා ඉදිරියේ විශ්වාසවන්තව කටයුතු කළ අතර,+ සැමවිටම දෙවි යහපත්යයි සැලකූ දේ කරමින්+ නිවැරදිව ක්‍රියා කළේය.+ 21 සැබෑ දෙවිගේ ගෘහයේ වැඩකටයුතු සංවිධානය කළෙත්+ දෙවිගේ මඟ පෙන්වීම් ලබාගැනීම සඳහා නීතිය+ හා වෙනත් අණපනත් අධ්‍යයනය කළෙත්+ ඔහු ඔහුගේ මුළු හදවතින්මය.+ සෑම කාරණයකදීම ඔහු එසේ ක්‍රියා කළ නිසා ඔහු කළ සෑම දෙයක්ම සාර්ථක විය.+