හෙබ්‍රෙව්

7 මෙල්කිසදෙක් යනු සාලම් නුවරෙහි රජුය. එමෙන්ම ඔහු මහෝත්තම දෙවිගේ පූජකයෙකි.+ ආබ්‍රහම් රජවරුන්ව සම්පූර්ණයෙන්ම පරාජය කර පැමිණි පසු ඔහු ආබ්‍රහම්ව හමු වී ඔහුට ආශීර්වාද කළේය.+ 2 ආබ්‍රහම් තමන් සතු සියල්ලෙන් දසයෙන් කොටසක් ඔහුට වෙන් කර දුන්නේය.+ මෙල්කිසදෙක් යන නමෙහි අර්ථය වන්නේ “ධර්මිෂ්ඨකමේ රජු” යන්නයි. එලෙසම සාලම් රජු+ යනු “සමාදානයේ රජුය.” 3 ඔහුගේ පියා හෝ මව හෝ ඔහුගේ පෙළපත ගැන හෝ කිසි තොරතුරක් නැත. ඔහු ඉපදුණු දවස+ හෝ ඔහු මිය ගිය දවස ගැන හෝ කිසිවෙකු දන්නේද නැත. දෙවිගේ පුත්‍රයාට සමානව+ ඔහු සදහටම පූජකයෙකි.+

4 ඒ අනුව අපගේ මුතුන්මිත්තා වන ආබ්‍රහම් කොල්ලයක් ලෙස ලබාගත් හොඳම දේවලින් දසයෙන් කොටසක් දුන් එම මිනිසා+ කොතරම් උතුම්ද කියා සලකා බලන්න. 5 ඇත්තෙන්ම ලෙවීගේ පෙළපතින් පූජක තනතුරට පත් වන අය+ ජනයාගෙන්+ දසයෙන් කොටස ලබාගත යුතු බවට ආඥාවක් දී තිබේ.+ එය නීතියේ සඳහන් වේ. එම ජනයා තමන්ගේම සහෝදරයන් වුවත් ආබ්‍රහම්ගෙන්ම පැවතෙන අය වුවත්+ ඒ සියලුදෙනාගෙන්ම ඔවුහු එම දසයෙන් කොටස ලබාගනිති. 6 නමුත් එම මිනිසා ලෙවීගේ පෙළපතට අයත් කෙනෙකු නොවුණත්+ ඔහු පොරොන්දු ලබා තිබූ ආබ්‍රහම්ගෙන් දසයෙන් කොටසක් ගෙන+ ඔහුට ආශීර්වාද කළේය.+ 7 මෙහිදී සුළු තැනැත්තාට උතුම් තැනැත්තාගේ ආශීර්වාද ලැබුණු බවට කිසි සැකයක් නැත.+ 8 සාමාන්‍යයෙන් දසයෙන් කොටස ලබා දෙන්නේ මිය යන මිනිසුන්ටය.+ නමුත් එම මිනිසාට ලබා දුන් දසයෙන් කොටස ගැන සලකා බලද්දී එය ලබා දී තිබෙන්නේ දිගටම ජීවත්ව සිටින බව ශුද්ධ ලියවිල්ලෙන් තහවුරු වී ඇති කෙනෙකුටය.+ 9 සාමාන්‍යයෙන් දසයෙන් කොටස ලබන ලෙවීගේ පෙළපත පවා ආබ්‍රහම් මාර්ගයෙන් දසයෙන් කොටස ගෙවා ඇති බව පැවසිය හැක. 10 මන්ද මෙල්කිසදෙක්ට ලෙවීගේ පෙළපතේ මුතුන්මිත්තා වන ආබ්‍රහම්ව හමු වූ විට+ ලෙවී ඒ වන විටත් ඉපදී සිටියේ නැත.+

11 පාපයෙන් තොර පරිපූර්ණ තත්වයක් ලබාගැනීමට+ ලෙවීගේ ගෝත්‍රයට අයත් පූජකයන්ව පත් කර තිබුණා නම්+ ආරොන්ට වඩා වෙනස් වූ මෙල්කිසදෙක් හා සමාන තවත් පූජකයෙකු+ අවශ්‍ය වන්නේ නැත.+ (ජනයාට දුන් නීතියේ එම පූජකයන් ඉටු කරන සේවයද ඇතුළත් කර තිබිණ.)+ 12 එසේනම් එම පූජකයන්ගේ සේවය අහෝසි කරන නිසා+ නීතියද අනිවාර්යයෙන්ම අහෝසි කළ යුතුයි.+ 13 ඉහත සඳහන් තොරතුරුවලින් අප විස්තර කරන මිනිසා වෙනත් ගෝත්‍රයක සාමාජිකයෙකි.+ ඒ ගෝත්‍රයෙන් කිසිවෙකු පූජාසනය අසල සේවය කර නැත.+ 14 අපගේ ස්වාමීන් යූදා ගෝත්‍රයෙන් පැමිණි බව ඉතා පැහැදිලිය.+ ඒ ගෝත්‍රයේ අය පූජකයන් ලෙස සේවය කරන බව මෝසෙස් සඳහන් කළේ නැත.

15 ඒ සියල්ලෙන් පැහැදිලි වන්නේ මෙල්කිසදෙක්ට සමාන+ තවත් පූජකයෙකුව පත් කරනු ලබන බවය.+ 16 එසේ ඔහුව පත් කරන්නේ නීතියේ සඳහන් ආඥාවලට අනුව ඔහු යම් මිනිස් පෙළපතකින් පැමිණි නිසා නොවේ.+ ඒ දේ සිදු වන්නේ කිසිවෙකුට විනාශ කළ නොහැකි ජීවිතයක් භුක්ති විඳීමට ඔහුට මඟ සලසන බලය මාර්ගයෙනි.+ 17 මන්ද ඔහු ගැන ශුද්ධ ලියවිල්ලේ එක් ස්ථානයක පවසන්නේ, “ඔබ මෙල්කිසදෙක් හා සමානව පූජකයෙක් ලෙස සදහටම සේවය කරන්නෙහිය”+ කියාය.

18 ඒ අනුව කලින් දී තිබූ ආඥා දුර්වල වූ නිසාත්+ ඒවායින් ප්‍රතිඵලයක් නෙළාගත නොහැකි වූ නිසාත්+ එය අවලංගු වන බව නිසැකය. 19 මන්ද නීතිය මගින් කිසිවෙකුව පාපයෙන් තොර පරිපූර්ණ තත්වයකට පත් කළේ නැත.+ නමුත් වඩා උතුම් බලාපොරොත්තුවක් මගින්+ ඒ දේ ඉටු වී ඇති අතර අප දෙවි වෙතට ළඟා වන්නේ එමගිනි.+ 20 එලෙසම ඒ ගැන දිවුරුමක්ද දී ඇත. 21 (මන්ද මිනිසුන් පූජකයන් ලෙස පත් වූයේ දිවුරා පොරොන්දුවක් වීම මාර්ගයෙන් නොවේ. නමුත් දිවුරුමක් මාර්ගයෙන් පූජකයෙකු වූ කෙනෙක් සිටියි. ඔහු ගැන දිවුරා පොරොන්දු වූ තැනැත්තාණන් ඔහු ගැන පවසන්නේ මෙයයි. “‘ඔබ පූජකයෙක් ලෙස සදහටම සේවය කරන්නෙහිය’+ කියා යෙහෝවා දෙවි පොරොන්දු වුණේය.+ ඔහු ඒ ගැන කනගාටු නොවන්නේය.”) 22 එලෙසම යේසුස් වඩා උතුම් ගිවිසුමක් සහතික කරයි.+ 23 පූජකයන් ලෙස බොහෝදෙනෙකුට අනුපිළිවෙළින් සේවය කිරීමට සිදු විය.+ එසේ වූයේ මරණය නිසා+ එක් කෙනෙකුට දිගටම පූජකයෙකු ලෙස සේවය කිරීමට නොහැකි වූ නිසාය. 24 නමුත් ඔහු සදහටම ජීවත්ව සිටින නිසා+ වෙන කිසි කෙනෙකු ඔහුගේ පූජක තනතුර ලබාගන්නේ නැත. 25 එහෙයින් ඔහු මාර්ගයෙන් දෙවිට ළඟා වන අයව සම්පූර්ණයෙන්ම ගලවාගැනීමට ඔහුට පුළුවන. එසේ වන්නේ ඔවුන් වෙනුවෙන් කන්නලව් කිරීමට ඔහු සදහටම ජීවත්ව සිටින නිසාය.+

26 ඇත්තෙන්ම අපට අවශ්‍ය වන්නේ එවැනි උත්තම පූජකයෙකි.+ මන්ද ඔහු විශ්වාසවන්ත,+ අවංක,+ පවිත්‍ර කෙනෙකි.+ ඔහු පව්කාරයන්ට වඩා හාත්පසින්ම වෙනස් කෙනෙක්+ වන අතර ඔහුගේ උතුම්කම මුළු මහත් අහසටත් වඩා ඉහළය.+ 27 අනිකුත් උත්තම පූජකයන් කරන ආකාරයට ඔහු දිනපතාම+ තමන් වෙනුවෙන්ද+ ඉන්පසුව ජනයා වෙනුවෙන්ද+ පූජා ඔප්පු කිරීමට අවශ්‍ය නැත. (මන්ද ඔහු තම ජීවිතය සදහටම එක වරක්+ පූජා කළේය.+ ඒ දේ නැවත වරක් කිරීමට අවශ්‍යතාවක් නැත.) 28 නීතිය මාර්ගයෙන් උත්තම පූජකයන් ලෙස පත් කරනු ලබන්නේ+ දුර්වලකම් ඇති පුරුෂයන්වය.+ නමුත් ඉන්පසුව දෙවි දිවුරා කරන පොරොන්දුව මාර්ගයෙන්+ පත් කරනු ලබන්නේ සදහටම පරිපූර්ණ තත්වයකට පත් කර ඇති පුත්‍රයෙකුවය.+