යෙසායා
60 “ස්ත්‍රිය, නැඟිට+ ඔබේ ආලෝකය විහිදුවන්න!+ මන්ද ඔබට ආලෝකය උදා වී ඇත.+ යෙහෝවා දෙවිගේ තේජස ඔබ වටේට බැබළෙයි.+ 2 පොළොව අඳුරෙන්+ වැසී යයි. ඝන අන්ධකාරය ලෝවැසියන්ව වෙළාගනියි. එහෙත් ඔබ මත යෙහෝවා දෙවිගේ ආලෝකය බැබළෙයි. ඔහුගේ තේජසද ඔබෙන් දිස් වෙයි.+ 3 ඔබේ දීප්තිමත් ආලෝකය+ වෙතට විවිධ ජාතීහුද රජවරුද+ ඇදී එන්නෝය.+
4 “ඔබේ දෙනෙත් ඇර වටපිට බලන්න! ඒ සියල්ලන්ම එකතු වී+ ඔබ වෙතට පැමිණෙන+ බව ඔබට පෙනෙයි. දුර ඈත සිට පැමිණෙන ඔබේ පුත්‍රයන් දෙස බලන්න. ඔවුන් ඔබේ දූවරුන්ව උකුළේ තබාගෙන සුරැකිව රැගෙන එන ආකාරය දෙසත් බලන්න.+ 5 එය දැක ඔබේ මුහුණ දීප්තිමත් වෙයි.+ ඔබේ සිත සතුටින් පිරී ඉතිරී යයි. මන්ද සමුද්‍රයේ සියලු සම්පත්ද ජාතීන්ගේ වස්තුද ඔබට හිමි වෙයි.+ 6 මිදියන් සහ ඒෆාහි+ තරුණ ඔටුවන්ගෙන් ඔබේ දේශය පිරී යයි. ෂෙබා+ දේශයේ සිට ඔටුවන් පිට නැඟී අතිමහත් පිරිසක් පැමිණෙති. රන්ද කට්ටකුමංජල්ද රැගෙන එන ඔවුහු සියල්ලන් ඉදිරියේ යෙහෝවා දෙවිට ප්‍රශංසා කරති.+ 7 කේදාර්+ ගෝත්‍රිකයන්ගේ මුළු සත්ව රැළම ඔබ වෙතට රැගෙන එනු ඇත. නෙබායොත්+ ගෝත්‍රිකයන්ගේ බැටළුවනුත් ඔබේ ප්‍රයෝජනය සඳහාය.+ ‘මාගේ පූජාසනය මත තබන උන්ව මම පිළිගන්නෙමි.+ මෙසේ, මම මාගේ ගෘහයේ අලංකාරය තව තවත් වැඩි කරන්නෙමි.’+
8 “වලාකුළක් මෙන්ද+ කූඩුවලට පියඹා එන පරෙවි රෑනක් මෙන්ද දුර ඈතින් පැමිණෙන මේ අය කවුද? 9 ‘දූපත්වල වැසියන්ගේ බලාපොරොත්තුව මමයි.’+ පෙර කාලවලදී මෙන් දුර ඈතින් තර්ෂිෂ් නැව්+ පැමිණෙයි. ඔබේ දරුවන් රැගෙන එන+ ඔවුහු තම රන් රිදීද රැගෙන එති.+ ඔවුන් ඒ සියල්ල රැගෙන එන්නේ ඊශ්‍රායෙල්හි ශුද්ධ තැනැත්තාණන්ගේ+ නාමයට+ ගෞරවය දෙන පිණිසය. මන්ද ඔබේ දෙවි වන යෙහෝවා ඔබව අලංකාරයෙන් සරසනු ඇත.+ 10 විදේශිකයෝ ඔබේ පවුරු ගොඩනඟති.+ ඔවුන්ගේ රජවරු ඔබට සේවය කරති.+ ‘මන්ද මම උදහස් වී ඔබට දඬුවම් කළ පසු+ ඔබට කරුණාව දක්වමින් දයාව පෙන්වමි.’+
11 “ඔබේ දොරටු රැයක් දවාලක් පාසා විවෘතව තිබෙයි.+ විවිධ ජාතීන්ගේ සම්පත් ඔබ වෙතට රැගෙන එන පිණිස+ ඒවා කිසිවිටෙක වසා තබන්නේ නැත. ඔවුන්ට පෙරටුවෙන් ගමන් කරන්නේ ඔවුන්ගේ රජවරුන්ය.+ 12 ඔබට සේවය නොකරන මොනයම් ජාතියක් හෝ රාජ්‍යයක් හෝ පවතින්නේ නැත. ඒවා නිසැකවම විනාශ වී යන්නේය.+
13 “‘මාගේ ශුද්ධස්ථානය අලංකාරවත් කරන පිණිසත්+ මා පය තබන ස්ථානය ගෞරවයට පත් කරන පිණිසත්+ ලෙබනොන් දේශයේ තේජස වන ජුනිපර්, හල් හා සයිප්‍රස් ගස් ඔබ වෙතට රැගෙන එනු ඇත.’+
14 “ඔබට පීඩා කරන අයගේ දරුවෝ ඔබ ඉදිරියෙහි දණ නමති.+ ඔබට අගෞරව කළ අය ඔබේ පාමුල වැටෙති.+ ඔවුහු ඔබව ඊශ්‍රායෙල්හි ශුද්ධ දෙවි වූ යෙහෝවාගේ නුවර වන සියොන්+ කියා හඳුන්වනු ඇත.
15 “‘ඔබේ දේශය මැදින් කිසිවෙක් ගමන් කළේ නැත. ඒ තරමටම ඔබව එපා කර අත්හැර දමා තිබිණ.+ එහෙත් මින් ඉදිරියට මම සදහටම ඔබව ගෞරවයට පත් කරන්නෙමි. මතු පැමිණෙන සියලු පරම්පරා ඔබ නිසා මහත් ප්‍රීතියක් අද්දකිනු ඇත.+ 16 ඔබ ජාතීන්ගේද රජවරුන්ගේද කිරි උරා බොන්නෙහිය.+ ඒ කාලයේදී, යෙහෝවා දෙවි වන මා+ ඔබේ ගැලවුම්කරු බව ඔබ+ දැනගන්නවා ඇත. යාකොබ්ගේ බලවත් තැනැත්තා+ ඔබේ මිදුම්කරු+ බව ඔබ තේරුම්ගනු ඇත. 17 මම තඹ වෙනුවට රන්ද+ යකඩ වෙනුවට රිදීද ලී වෙනුවට තඹද ගල් වෙනුවට යකඩද ගෙනෙන්නෙමි. මම ඔබව බලාගැනීමට සමාදානයෙන් හා ධර්මිෂ්ඨකමින් කටයුතු කරන රැකබලා ගන්නන්වද වැඩ පවරන්නන්වද පත් කරන්නෙමි.’+
18 “ඔබේ දේශ සීමා තුළ බලහත්කාරකම්, කොල්ල කෑම් හා විපත් යළි කෙදිනකවත් සිදු වන්නේ නැත.+ ඔබේ පවුරු, ගැලවීම+ යන නමින්ද ඔබේ දොරටු, ප්‍රශංසාව යන නමින්ද හඳුන්වනු ලබයි. 19 ඔබට ආලෝකයත් දීප්තියත් සපයන්නේ හිරු සඳු නොව, ඔබේ සදාකාලික ආලෝකයත්+ තේජසත්+ වන යෙහෝවා දෙවිය. 20 ඔබේ හිරුගේ ආලෝකය කිසිදා බැස යන්නේ නැත. ඔබේ සඳුද සදහටම පවතියි. මන්ද යෙහෝවා දෙවි ඔබේ සදාකාලික ආලෝකය වෙයි.+ ඔබේ වැලපීමේ දවස් අවසන් වනු ඇත.+ 21 ‘ඔබේ සියලු දරුවෝ ධර්මිෂ්ඨව+ හැසිරෙන්නෝය. ඔවුහු සදාකාලයටම දේශය උරුම කරගනිති.+ ඔවුහු මට අලංකාරය ගෙන දෙන පිණිස+ මගේම අත් දෙකෙන්+ සිටෙවූ පැළෑටියකි.+ 22 කුඩා තැනැත්තා දහසක් බවටත් සුළු තැනැත්තා බලවත් ජාතියක් බවටත් පත් වෙයි.+ යෙහෝවා දෙවි වන මම නියම කාලයට එය වේගයෙන් සිදු වෙන්න සලස්වමි.’”+