යෝබ්

1 ඌෂ්+ දේශයේ දෙවිට ගරුබිය+ දැක්වූ නිර්දෝෂ+ මනුෂ්‍යයෙක් වාසය කළේය. ඔහු වැරදි දෙයින් ඈත් වී සිටි+ අවංක+ මිනිසෙකි. ඔහුගේ නම යෝබ්ය.*+ 2 ඔහුට පුත්‍රයෝ හත්දෙනෙක්ද දූවරු තිදෙනෙක්ද සිටියෝය.+ 3 ඔහුට හිමි සත්ව සම්පතට,+ බැටළුවන් හත්දහසක්ද ඔටුවන් තුන්දහසක්ද ගොන් බාන් පන්සියයක්ද කොටළුදෙනුන් පන්සියයක්ද අයත් විය. විශාල සේවක පිරිසක්ද ඔහුට සිටියෝය. ඔහු නැඟෙනහිර දේශයේ+ විසූ සියලුදෙනාට වඩා ශ්‍රේෂ්ඨයෙක් ලෙස නම් දරා සිටියේය.

4 ඔහුගේ පුත්‍රයෝ තම තමන්ගේ නිවෙස්වල තමන් සැලසුම් කරගත් දිනවල භෝජන සංග්‍රහයන් පැවැත්වීමට+ පුරුදු වී සිටියෝය. ඔවුහු එම භෝජන සංග්‍රහයන්වලට තම සහෝදරියන් තිදෙනාටද ආරාධනා කළෝය. 5 එම භෝජන සංග්‍රහයන් පවත්වා අවසන් වූ විට තමන්වම පවිත්‍ර කරගන්න කියා යෝබ් තම පුත්‍රයන්ට පණිවිඩකරුවෙකු අතේ කියා යැව්වේය.+ ඉන්පසු ඔහු සිරිත් පරිදි හිමිදිරියේම නැඟිට දරුවන්ගේ ගණනට අනුව දවන පූජා+ ඔප්පු කළේය. ඔහු එසේ කළේ, ‘සමහරවිට මගේ පුත්‍රයන් තම සිතින්+ දෙවිට දොස් නඟා වරදක් කරන්න ඇති’+ කියා සිතූ නිසාය. යෝබ් සැමවිටම ක්‍රියා කළේ එලෙසයි.+

6 මේ අතරතුර සැබෑ දෙවිගේ පුත්‍රයෝ*+ නියමිත දවසේදී යෙහෝවා දෙවි ඉදිරියෙහි පෙනී සිටියෝය.+ සාතන්ද*+ එතැනට ආවේය.+

7 එවිට, “ඔබ පැමිණියේ කොහේ සිටද” කියා යෙහෝවා දෙවි ඔහුගෙන් ඇසීය. සාතන් යෙහෝවා දෙවිට පිළිතුරු දෙමින්, “මම පොළොවේ සෑම තැනකම ගමන් කර මෙතැනට පැමිණියෙමි”+ යයි කීය. 8 එවිට යෙහෝවා දෙවි සාතන්ට මෙසේ පැවසුවේය. “ඔබ මාගේ සේවක යෝබ් ගැන සිතන්නේ කුමක්ද? ඔහු මෙන් අවංක,+ නිර්දෝෂව+ හැසිරෙන, මට ගරුබිය+ දක්වන, වැරදි දෙයින් ඈත් වී සිටින+ කෙනෙක් පොළොවේ තවත් නැත.”+ 9 එවිට සාතන් යෙහෝවා දෙවිට මෙසේ කීය. “ඔහු ඔබට ගරුබිය දක්වන්නේ නිකමටද?+ 10 ඔබ ඔහුගේ නිවස හා ඔහු සතු සියල්ල වටා ආරක්ෂක පවුරක් දමා තිබෙනවා නොවේද?+ ඔහු කරන සෑම දෙයකටම ඔබ ආශීර්වාද කර ඇත.+ ඔහුගේ සත්ව රැළ දේශය පුරා පැතිර තිබෙන්නේ ඒ නිසයි. 11 එහෙත් දැන් ඔහුට විරුද්ධව ඔබේ බලය පාවිච්චි කර ඔහුට අයිති සියල්ල විනාශ කර දමන්න. එවිට ඔහු ඔබේ මුහුණටම ශාප කරන්නේ නැද්ද කියා බලන්න.”+ 12 ඒ අවස්ථාවේදී යෙහෝවා දෙවි සාතන්ට කතා කර, “ඔහු සතු සියල්ල ඔබේ අතට භාර දෙන්නෙමි. නමුත් ඔහුට පමණක් කිසිවක් නොකරන්න” යයි කීය. ඉන්පසු සාතන් යෙහෝවා දෙවි ඉදිරියෙන් පිටත්ව ගියේය.+

13 දිනක් යෝබ්ගේ දූවරුද පුත්‍රයෝද තම වැඩිමල් සහෝදරයාගේ නිවසෙහි කෑම කමින් වයින් බොමින් සිටියෝය.+ 14 පසුව පණිවිඩකාරයෙක්+ යෝබ් වෙත දිව ඇවිත් මෙසේ පැවසුවේය. “ගොනුන් කෙතේ සීසාන විට+ කොටළුදෙනුන් ඒ ළඟ ගොදුරු කමින් හිටියා. 15 ඒ වෙලාවේ, සෙබාවරුන්+ එතැනට කඩාවැද සේවකයන්ව කඩුවෙන් මරා සතුන්වත් රැගෙන ගියා. ඉතුරු වුණේ මම විතරයි. මම ඔබට ඒ ගැන දන්වන්න එතැනින් පලා ආවා.”+

16 ඔහු යෝබ්ට ඒ ගැන පවසමින් සිටියදීම තවත් සේවකයෙක් පැමිණ, “දෙවි අහසින්+ ගිනි එවා බැටළුවන්ව සහ එඬේරුන්ව දවා දැමුවා. ඉතුරු වුණේ මම විතරයි. මම එතැනින් පලා ආවේ ඔබට ඒ ගැන දන්වන්නයි” කියා පැවසීය.

17 ඔහු කතා කරමින් සිටියදීම තවත් සේවකයෙක් එතැනට පැමිණ, “කල්දිවරුන්ගේ+ කණ්ඩායම් තුනක් ඇවිත් සේවකයන්ව කඩුවෙන් මරා ඔටුවන්ව පැහැරගෙන ගියා. ඉතුරු වුණේ මම විතරයි. මම ඔවුන් අතින් බේරී ඔබට පණිවිඩය කියන්න ආවා” යයි පැවසීය.

18 ඔහු ඒ දේ පවසමින් සිටි අතරේදී තවත් සේවකයෙක් පැමිණ, “ඔබේ දූපුතුන් ඔබේ වැඩිමල් පුතාගේ නිවසේ කෑම කමින් වයින් බොමින්+ හිටියා. 19 ඒ වෙලාවේ පාළුකරයෙන් තද හුළඟක්+ හමාගෙන ඇවිත් නිවස බිමටම සමතලා කළා. ඔබේ දරුවෝ සියලුදෙනාම මිය ගියා. මම විතරයි ඉතුරු වුණේ. මම ඔබ වෙත ආවේ ඒ ගැන දන්වන්නයි” කියා පැවසීය.

22 මේ සියල්ල සිදු වූ පසුත් යෝබ් වචනයකින්වත් පව් කළේ නැත. දෙවිට දොස් පැවරුවේද නැත.+