Lipesaleme
א [Aleph]
2 Ho thaba batho ba etsang lintho tseo a ba hopotsang tsona,+
Ba mo batlang ka lipelo tsohle tsa bona.+
3 Ha ba etse lintho tse sa lokang.
Baa mo mamela.+
7 Ke tla u rorisa ka pelo e ntle
Ha ke ithuta melao ea hao e lokileng.
8 Ke tla mamela melao ea hao.
E se eka u ke ke oa ntahla ka ho feletseng.
ב [Beth]
9 Mohlankana a ka etsa’ng haeba a batla ho lula a etsa lintho tse nepahetseng?*
O lokela ho itlhokomela ’me a mamele lentsoe la hao.+
10 Ke u batla ka pelo eohle ea ka.
U se ke oa ntumella hore ke tlohele ho mamela litaelo tsa hao.+
12 Jehova, e se eka u ka rorisoa.
Nthute melao ea hao.
13 Ke phatlalatsa melao eohle eo u e buileng.
16 Ke rata litaelo tsa hao.
Nke ke ka lebala lentsoe la hao.+
ג [Gimel]
18 Ke kopa u nthuse hore ke utloisise
Lintho tse hlollang tse ngotsoeng molaong oa hao.
19 Ke mpa feela ke le molichaba naheng ena.+
U se ke oa mpatela litaelo tsa hao.
20 Ke labalabela ho tseba likahlolo tsa hao
Ka linako tsohle.
22 Etsa hore ba se ke ba ntella le ho nkhella fatše
Kaha ke entse lintho tseo u nkhopolitseng tsona.
23 Leha likhosana li kopane li bua hampe ka ’na,
Ke nahanisisa ka melao ea hao.
E joaloka baeletsi ba ka.+
ד [Daleth]
Pholosa bophelo ba ka joalokaha u tšepisitse.+
26 Ke u boleletse lintho tsohle tseo ke li entseng ’me oa nkaraba.
Nthute melao ea hao.+
27 Nthuse ho utloisisa hore na litaelo tsa hao li bolela’ng
E le hore nka nahanisisa ka lintho tse ntle tseo u li entseng.+
28 Ke ntse ke sa robale ka lebaka la ho utloa bohloko.
’Matlafatse joalokaha u ntšepisitse.
29 Nthuse hore ke se ke ka ba motho ea leshano.+
U nkhauhele ka hore u nthute molao oa hao.
30 Ke ikemiselitse ho lula ke tšepahala.+
Kea hlokomela hore melao ea hao e lokile.
31 Ke khomarela lintho tseo u nkhopotsang tsona.+
Jehova, u se ke oa lumella hore ke soetsehe.*+
ה [Heʼ]
37 Nthuse hore ke se ke ka sheba lintho tse se nang thuso.+
Ntsamaise tseleng ea hao e le hore ke lule ke phela.
39 Tlosa lintho tse ntlhabisang lihlong tse etsang hore ke tšohe
Hobane likahlolo tsa hao li lokile.+
40 Bona kamoo ke batlang ho latela litaelo tsa hao kateng.
Pholosa bophelo ba ka hobane u lokile.
ו [Waw]
41 Jehova, e se eka u ka mpontša hore oa nthata,+
E se eka u ka mpholosa joalokaha u ntšepisitse*+
42 E le hore nka araba ea ’nyefolang
Hobane ke tšepa seo u se buileng.
43 Nthuse hore ke lule ke bua ka ’nete e ka lentsoeng la hao
Hobane kea u tšepa* hore u tla ahlola ka toka.
46 Ke tla bua ka melao ea hao ka pel’a marena.
Nke ke ka hlajoa ke lihlong.+
48 Ke tla u rapela ke phahamisitse matsoho hobane ke rata litaelo tsa hao.+
Ke tla nahanisisa ka melao ea hao.+
ז [Zayin]
50 Ke matšeliso a ka ha ke utloile bohloko+
Hobane lintho tseo u li buang li etsa hore ke lule ke phela.
52 Jehova, ke hopola likahlolo tsa hao tsa khale.+
Lia ntšelisa.+
56 Ke tloaetse ho etsa joalo
Hobane ke mametse litaelo tsa hao.
ח [Heth]
57 Jehova ke eena feela eo ke nang le eena.*+
Ke tšepisitse hore ke tla mo mamela.+
59 Ke hlahlobile tsela eo ke phelang ka eona
E le hore nka khutlela ho uena ’me ka mamela likhopotso tsa hao.+
64 Jehova, lerato* la hao le bonahala lefatšeng lohle.+
Nthute melao ea hao.
ט [Teth]
65 Jehova, u nketselitse lintho tse ntle
Joalokaha u tšepisitse.
67 Pele ke hlopheha ke ne ke e-na le ho etsa lintho tse mpe*
Empa hona joale ke mamela seo u se buang.+
68 U molemo+ le lintho tseo u li etsang li molemo.
Nthute melao ea hao.+
69 Ba ikhohomosang ba bua mashano ka ’na
Empa ke mamela litaelo tsa hao ka pelo eohle ea ka.
י [Yod]
73 U nkentse oa ba oa mpopa ka matsoho a hao.
Etsa hore ke utloisise litaelo tsa hao
Ha ke ithuta tsona.+
75 Jehova, kea tseba hore likahlolo tsa hao li lokile+
Le hore u ile oa nkhalemela hobane u tšepahala.+
Empa ke tla nahanisisa ka litaelo tsa hao.+
79 E se eka ba u tšabang ba ka khutlela ho ’na,
Ba tsebang likhopotso tsa hao.
כ [Kaph]
84 Ke tla ema ho fihlela neng?
U tla ahlola batho ba ntlhorisang neng?+
85 Ba ikhohomosang le ba sa batleng ho mamela melao ea hao
Ba nchekela mekoti.
86 Litaelo tsohle tsa hao lia tšepahala.
Nthuse hobane batho ba ntlhorisa ntle ho lebaka.+
87 Ba batlile ba mphelisa lefatšeng
Empa ha kea ka ka tlohela litaelo tsa hao.
ל [Lamed]
89 Jehova, lentsoe la hao le lula le le teng ka ho sa feleng.
Le tla lula le le teng joaloka maholimo.+
90 U tšepahala melokong eohle.+
U tiisitse lefatše e le hore le ka lula le le teng.+
91 Ka lebaka la melao ea hao, lintho tsohle tseo u li bopileng li ntse li le teng le kajeno,
Kaofela li laoloa ke uena.
93 Le ka mohla nke ke ka lebala litaelo tsa hao
Hobane u sebelisitse tsona ho pholosa bophelo ba ka.+
95 Ba khopo ba batla ho mphelisa
Empa ke nahanisisa ka likhopotso tsa hao.
96 Ke bone hore lintho tse phethahetseng ho na le moo li fellang teng
Empa ha ho na moo melao ea hao e fellang teng.*
מ [Mem]
97 Ke rata molao oa hao haholo.+
Ke nahanisisa ka oona letsatsi lohle.+
100 Ke etsa lintho ka bohlale ho feta banna ba holileng
Hobane ke mamela litaelo tsa hao.
102 Ha ke khelohe melao ea hao
Hobane ke uena ea nthutileng.
104 Ke etsa lintho ka bohlale ka lebaka la litaelo tsa hao.+
Ke kahoo ke hloileng tsela e ’ngoe le e ’ngoe ea leshano.+
נ [Nun]
105 Lentsoe la hao ke lebone le khantšang moo ke hatang teng
Hape ke leseli le bonesang tsela ea ka.+
106 Ke entse kano ea ho mamela melao ea hao e lokileng
’Me ke tla e phetha.
107 Ke utloile bohloko haholo.+
Jehova, pholosa bophelo ba ka joalokaha u tšepisitse.+
108 Jehova, e se eka u ka amohela linyehelo tsa ka tsa ho u rorisa tseo ke li etsang ka ho rata*+
’Me u nthute melao ea hao.+
112 Ke ikemiselitse ho mamela melao ea hao ka linako tsohle
Ho fihlela qetellong.
ס [Samekh]
U se ke oa lumella hore tšepo ea ka e fetohe masoabi.+
119 U lahla bohle ba khopo lefatšeng joalokaha eka ke matlakala.+
Ke ka lebaka leo ke ratang likhopotso tsa hao.
120 ’Mele oa ka oa thothomela ka lebaka la ho u tšaba.
Ke tšaba likahlolo tsa hao.
ע [Ayin]
121 Ke ahlotse ka toka ebile ke entse se lokileng.
U se ke oa ntlohela hore ke oele matsohong a ba batlang ho nkhatella.
122 Ntšepise hore lintho li tla ntsamaela hantle.
E se eka ba ikhohomosang ba ke ke ba nkhatella.
128 Kahoo, ke nka litaelo tsohle tse tsoang ho uena e le tse lokileng.+
Ke hloile mashano ’ohle.+
פ [Peʼ]
129 Likhopotso tsa hao li molemo haholo
Ke kahoo ke li mamelang.
130 Batho ba ba le tsebo ha ba hlalosetsoa mantsoe a hao+
Le ba se nang boiphihlelo ba ba le kutloisiso.+
133 Ntataise ka seo u se buang e le hore ke tsamaee moo ho sireletsehileng.*
U se ke oa lumella ntho leha e le efe e mpe ho ntaola.+
צ [Tsade]
138 Lintho tseo u re hopotsang tsona li lokile
Ebile re ka li tšepa.
139 Cheseho ea ka ea ho etsa thato ea hao e tuka joaloka mollo ka pelong ea ka+
Hobane lira tsa ka li iphapanyelitse mantsoe a hao.
141 Ha ke motho oa bohlokoa ebile kea nyatseha.+
Leha ho le joalo, ha kea lebala litaelo tsa hao.
143 Le hoja ke e-ba le matšoenyeho le mathata,
Ke ntse ke rata litaelo tsa hao.
144 Likhopotso tsa hao li lula li lokile.
Etsa hore ke li utloisise+ e le hore ke lule ke phela.
ק [Qoph]
145 Nkarabe hle Jehova hobane ke u bitsa ka pelo ea ka eohle.
Ke tla mamela melao ea hao.
146 Mpholose hobane ke llela ho uena.
Ke tla mamela likhopotso tsa hao.
147 Ke tsohile esale ka meso hore ke llele ho uena ho kopa thuso+
Hobane ke tšepetse mantsoeng a hao.*
149 Jehova, e se eka u ka ’mamela hobane oa nthata.+
U pholose bophelo ba ka hobane u ahlola ka toka.
150 Batho ba etsang lintho tse hlabisang lihlong* baa nkatamela.
Ha ba sa mamela molao oa hao ho hang.
Litaelo tsohle tsa hao ke ’nete.+
ר [Resh]
154 Ntoanele* ’me u mpholose.+
Pholosa bophelo ba ka joalokaha u tšepisitse.
Pholosa bophelo ba ka hobane u ahlola ka toka.
157 Ba ntlhorisang le ba ntlhoileng ba bangata.+
Empa ha kea tlohela likhopotso tsa hao.
159 Bona kamoo ke ratang litaelo tsa hao kateng.
Jehova, pholosa bophelo ba ka hobane oa nthata.+
ש [Sin] kapa [Shin]
164 Ke u rorisa ka makhetlo a supileng ka letsatsi
Ka lebaka la likahlolo tsa hao tse lokileng.
166 Jehova, ke tšepile hore u tla mpholosa
Ebile ke mamela litaelo tsa hao.
ת [Taw]
169 Jehova, e se eka u ka nkutloa ha ke lla ke u kopa thuso.+
Nthuse ho utloisisa seo lentsoe la hao le se bolelang.+
170 E se eka u ka nkutloa ha ke u kopa hore u nkhauhele.
Mpholose joalokaha u tšepisitse.
175 Ntumelle hore ke ’ne ke phele e le hore nka u rorisa.+
E se eka melao ea hao e ka nthusa.