Nehemia

1 Mantsoe a Nehemia+ mora oa Hakalia: Joale eitse ka khoeli ea Kisleve,+ selemong sa mashome a mabeli,+ ka ba Shushane+ qhobosheaneng. 2 Joale Hanani,+ e mong oa barab’eso, a fihla, eena le banna ba bang ba tsoang Juda, eaba ke ba botsa+ ka Bajuda,+ ba neng ba phonyohile,+ ba sa kang ba isoa kholehong,+ le ka Jerusalema. 3 Ka lebaka leo ba re ho ’na: “Ba setseng, ba ba sa kang ba isoa kholehong, moo profinseng,+ ba tsietsing e khōlō haholo+ le nyelisong;+ lerako+ la Jerusalema le helehile, le liheke+ tsa eona li chesitsoe ka mollo.”

4 Eitse hang ha ke utloa mantsoe ana, ka lula fatše ka qala ho lla ’me ka siama ka matsatsi a mangata, ke itima lijo+ ke sa khaotse ebile ke rapela ka pel’a Molimo oa maholimo.+ 5 Ka tsoela pele ho re: “Oho! Jehova Molimo oa maholimo, Molimo e moholo le ea tšabehang,+ ea bolokang selekane+ le mosa o lerato ho ba mo ratang+ le ba bolokang litaelo tsa hae,+ 6 ka kōpo, tsebe ea hao e ke e mamelisise+ le mahlo a hao a tutubolohe, hore u mamele thapelo ea mohlanka oa hao,+ eo ke e rapelang ka pel’a hao kajeno, bosiu le motšehare,+ malebana le bara ba Iseraele bahlanka ba hao, ka nako eohle ke ntse ke ipolela+ malebana le libe+ tsa bara ba Iseraele tseo re u sitetsoeng ka tsona. ’Na le ba ntlo ea Ntate re entse sebe.+ 7 Ntle ho pelaelo re sebelitse ka bobolu khahlanong le uena+ ’me ha rea boloka litaelo+ le melao ea tsamaiso+ le liqeto tsa boahloli+ tseo u li laetseng mohlanka oa hao Moshe.+

8 “Ka kōpo, u hopole+ lentsoe leo u le laetseng mohlanka oa hao Moshe, le reng, ‘Haeba le ka etsa ka ho se tšepahale, ke tla le hasanya har’a lichaba.+ 9 Ha le khutletse ho ’na+ ’me le bolokile litaelo tsa ka+ le li phethile,+ le hoja batho ba habo lōna ba qhalakantsoeng ba ka ba pheletsong ea maholimo, ke tla ba bokella+ ho tsoa moo ’me ka sebele ke ba tlise+ sebakeng seo ke khethileng ho etsa hore lebitso la ka le lule ho sona.’+ 10 Ke bahlanka ba hao+ le batho ba hao,+ bao u ba lopolotseng ka matla a hao a maholo+ le ka letsoho la hao le matla.+ 11 Oho! Jehova, ka kōpo, tsebe ea hao e ke e mamelisise thapelo ea mohlanka oa hao le thapelo+ ea bahlanka ba hao ba thabelang ho tšaba lebitso la hao;+ ka kōpo, u fe mohlanka oa hao katleho kajeno+ ’me u etse hore a hauheloe ke monna enoa.”+

Joale ke ne ke le moqhatsetsi+ oa morena.

2 Eare ka khoeli ea Nisane,+ selemong sa mashome a mabeli+ sa Morena Artaxerxerse,+ veine ea e-ba ka pel’a hae, ’me ka tsela e tloaelehileng ka nka veine eo ka e fa morena.+ Empa ho ne ho se mohla nkileng ka soaba ka pel’a hae.+ 2 Kahoo morena a re ho ’na: “Ke hobane’ng ha sefahleho sa hao se soabile+ athe ha u kule? Hona hase letho haese ho soaba ha pelo.”+ Eaba ke tšoha haholo.

3 Joale ka re ho morena: “Morena a ke a phele ho isa nakong e sa lekanyetsoang!+ Ke hobane’ng ha sefahleho sa ka se sa lokela ho soaba ha motse,+ ntlo ea libaka tsa lepato tsa baholo-holo ba ka,+ o ripitliloe, le liheke tsa oona li chesitsoe ka mollo?”+ 4 Eaba morena o re ho ’na: “U batla ho fumana eng?”+ Hang-hang ka rapela+ Molimo oa maholimo.+ 5 Ka mor’a moo ka re ho morena: “Haeba ho hlile ho bonahala ho le molemo ho morena,+ le haeba mohlanka oa hao a bonahala a le molemo ka pel’a hao,+ u nthomele Juda, motseng oa libaka tsa lepato tsa baholo-holo ba ka, e le hore nka o tsosolosa.”+ 6 Eaba morena o re ho ’na, ha mofumahali oa hae a ntse a lutse ka thōko ho eena: “Leeto la hao le tla ba lelelele hakae ’me u tla khutla neng?” Kahoo ha bonahala ho le molemo+ ka pel’a morena hore a nthomele, ha ke mo fa nako e behiloeng.+

7 Ka tsoela pele ho re ho morena: “Haeba ho bonahala ho hlile ho le molemo ho morena, e-re ke fuoe mangolo+ a eang ho babusisi+ ba ka nģ’ane ho Nōka,+ e le hore ba ka ntumella hore ke fete ho fihlela ke fihla Juda; 8 le lengolo le eang ho Asafe mohlokomeli oa serapa sa morena sa lifate, e le hore a ka mpha lifate hore ke hahe liheke tsa Qhobosheane+ ea ntlo+ ka lifate, le bakeng sa lerako+ la motse le bakeng sa ntlo eo ke tlang ho kena ka ho eona.” Kahoo morena a mpha ’ona, ho ea ka letsoho le letle la Molimo oa ka holim ’a ka.+

9 Qetellong ka fihla ho babusisi+ ba ka nģ’ane ho Nōka ’me ka ba fa mangolo a morena. Ho feta moo, morena a romela hammoho le ’na balaoli ba lebotho la sesole le banna ba lipere. 10 Ha Sanbalate+ Mohorone+ le Tobia+ mohlanka, Moammone,+ ba utloa ka hona, joale ha bonahala e le ntho e mpe haholo+ ho bona hore ebe motho o ne a tlil’o batla ho hong ho molemo bakeng sa bara ba Iseraele.

11 Qetellong ka fihla Jerusalema, ’me ka hlola moo matsatsi a mararo. 12 Ka ntan’o tsoha bosiu, ’na le banna ba seng bakae ba nang le ’na, ’me ha kea ka ka bolella motho+ seo Molimo oa ka a neng a se kenya ka pelong ea ka hore ke se etsetse Jerusalema,+ hape ho ne ho se na phoofolo e ruuoang ho ’na haese phoofolo e ruuoang eo ke neng ke e palame. 13 Ka tsoa ka Heke ea Phula+ bosiu le ka pel’a Seliba sa Noha e Khōlō le ho ea Hekeng ea Lithotobolo,+ ’me kamehla ke ne ke hlahloba marako+ a Jerusalema, kamoo a neng a helehile kateng le liheke+ tsa eona li chesitsoe ka mollo. 14 Ka fetela pele Hekeng ea Seliba+ le Letamong la Morena, ’me ho ne ho se na sebaka sa hore phoofolo e ruuoang eo ke neng ke e palame e fete. 15 Empa bosiu ka ’na ka nyoloha phuleng ea molapo o phoroselang,+ ’me ka ’na ka hlahloba lerako; ka mor’a moo ka khutla ’me ka kena ka Heke ea Phula,+ eaba ke khutla joalo.

16 Batlatsi ba ’musi+ ba ne ba sa tsebe moo ke neng ke ile teng le seo ke neng ke se etsa; Bajuda le baprista le bahlomphehi le batlatsi ba ’musi le baetsi ba bang kaofela ba mosebetsi ke ne ke e-s’o ba bolelle letho. 17 Qetellong ka re ho bona: “Le bona tsietsi e khōlō eo re leng ho eona, kamoo Jerusalema e ripitliloeng kateng ’me liheke tsa eona li chesitsoe ka mollo. Tloong re tsosoloseng lerako la Jerusalema, e le hore re se ke ra hlola re tsoela pele ho ba nyeliso.”+ 18 Ka tsoela pele ho ba bolella ka letsoho+ la Molimo oa ka, kamoo le bileng molemo holim ’a ka,+ le ka mantsoe ao morena+ a neng a mpoleletse ’ona. Eaba ba re: “A re emeng, ’me re hahe.” Kahoo ba matlafatsa matsoho a bona bakeng sa mosebetsi ona o molemo.+

19 Joale ha Sanbalate+ Mohorone le Tobia+ mohlanka,+ Moammone,+ le Gesheme+ Moarabia+ ba utloa ka hona, ba qala ho re fetola litšeho+ ba re talima ka ho nyelisa ’me ba re: “Ntho ee eo le e etsang ke eng? Na le fetohela morena?”+ 20 Leha ho le joalo, ka ba araba ka re ho bona: “Molimo oa maholimo+ ke Eena ea tla re fa katleho,+ ’me rōna, bahlanka ba hae, re tla ema, ’me re tla haha; empa lōna ha le na kabelo,+ leha e le kōpo e loketseng, kapa sehopotso+ Jerusalema.”

3 Moprista ea phahameng Eliashibe+ le barab’abo, baprista, ba ema ’me ba haha Heke ea Linku.+ Ba e halaletsa+ ’me ba emisa mamati a eona; ba e halaletsa ho ea fihla Toreng ea Mea,+ ho ea fihla Toreng ea Hananiele.+ 2 Lehlakoreng la bona banna ba Jeriko+ ba ile ba haha. Lehlakoreng la bona Zakure mora oa Imri a haha.

3 Bara ba Hasena ba ile ba haha Heke ea Litlhapi;+ ba e etsa ka lifate+ ba ntan’o emisa mamati a eona,+ lithupa tsa eona tse koalang menyako le mekoallo ea eona.+ 4 Lehlakoreng la bona Meremothe+ mora oa Uria+ mora oa Hakoze a etsa mosebetsi oa ho lokisa, ’me lehlakoreng la bona Meshulame+ mora oa Berekia mora oa Meshezabele a etsa mosebetsi oa ho lokisa; lehlakoreng la bona Tsadoke mora oa Baana a etsa mosebetsi oa ho lokisa. 5 Lehlakoreng la bona Batekooa+ ba etsa mosebetsi oa ho lokisa; empa ba hlomphehang+ ba bona ha baa ka ba kena tšebeletsong ea beng ba bona.

6 Jojada mora oa Pasea le Meshulame mora oa Besodeia ba lokisa Heke ea Motse+ oa Khale; ba e etsa ka lifate ba ntan’o emisa mamati a eona le lithupa tsa eona tse koalang menyako le mekoallo ea eona.+ 7 Lehlakoreng la bona Melatia Mogibeone+ le Jadone Momeronothe,+ ba etsa mosebetsi oa ho lokisa, banna ba Gibeone+ le Mizpa,+ ba terone ea ’musisi+ ka nģ’ane ho Nōka.+ 8 Lehlakoreng la hae Uziele mora oa Harhaia, e mong oa litei tsa khauta,+ a etsa mosebetsi oa ho lokisa; lehlakoreng la hae Hanania setho sa batsoaki ba litlolo+ a etsa mosebetsi oa ho lokisa; eaba ba kata Jerusalema ka matlapa ho ea fihla Lerakong le Sephara.+ 9 Lehlakoreng la bona Refaia mora oa Hure, khosana ea halofo ea setereke sa Jerusalema, a etsa mosebetsi oa ho lokisa. 10 Lehlakoreng la bona Jedaia mora oa Harumafe a etsa mosebetsi oa ho lokisa ka pel’a ntlo ea hae;+ lehlakoreng la hae Hatushe mora oa Hashabeneia a etsa mosebetsi oa ho lokisa.

11 Malkija mora oa Harime+ le Hashube mora oa Pahathe-moabe+ ba lokisa karolo e ’ngoe e lekantsoeng, hammoho le Tora ea Lionto tsa ho Apeha.+ 12 Lehlakoreng la hae Shalume mora oa Haloheshe, khosana+ ea halofo ea setereke sa Jerusalema, a etsa mosebetsi oa ho lokisa, eena le barali ba hae.

13 Hanune le baahi ba Zanooa+ ba lokisa Heke ea Phula;+ ba e haha eaba ba emisa mamati a eona,+ lithupa tsa eona tse koalang menyako+ le mekoallo ea eona,+ le litsoe tse sekete lerakong ho ea fihla Hekeng ea Lithotobolo.+ 14 Malkija mora oa Rekabe, khosana ea setereke sa Bethe-hakereme,+ a lokisa Heke ea Lithotobolo; a e haha ’me a emisa mamati a eona, lithupa tsa eona tse koalang menyako le mekoallo ea eona.

15 Shalune mora oa Kolekoze, khosana ea setereke sa Mizpa,+ a lokisa Heke ea Seliba;+ a e haha ’me a e rulela eaba o emisa mamati a eona,+ lithupa tsa eona tse koalang menyako le mekoallo ea eona, hammoho le lerako la Letamo+ la Molatsoana o eang Serapeng sa Morena+ le ho ea fihla Litepising+ tse theohang Motseng oa Davida.+

16 Ka mor’a hae Nehemia mora oa Azbuke, khosana ea halofo ea setereke sa Bethe-zure,+ a etsa mosebetsi oa ho lokisa ho ea fihla ka pel’a Libaka tsa Lepato+ tsa Davida le ho ea fihla letamong+ le neng le entsoe le ho ea fihla Ntlong ea Ba Matla.+

17 Ka mor’a hae Balevi+ ba etsa mosebetsi oa ho lokisa, Rehume mora oa Bani;+ lehlakoreng la hae Hashabia, khosana ea halofo ea setereke sa Keila,+ a etsa mosebetsi oa ho lokisa bakeng sa setereke sa hae. 18 Ka mor’a hae barab’abo bona ba etsa mosebetsi oa ho lokisa, Bavai mora oa Henadade, khosana ea halofo ea setereke sa Keila.

19 Ezere mora oa Jeshua,+ khosana ea Mizpa,+ a qala ka lehlakoreng la hae ho lokisa karolo e ’ngoe e lekantsoeng ka pel’a moepa o eang Pokellong ea Lihlomo Setšehetsong.+

20 Ka mor’a hae Baruke mora oa Zabai+ a sebetsa ka cheseho+ ’me a lokisa karolo e ’ngoe e lekantsoeng, ho tloha Setšehetsong ho ea fihla monyakong oa ntlo ea moprista ea phahameng Eliashibe.+

21 Ka mor’a hae Meremothe mora oa Uria+ mora oa Hakoze a lokisa karolo e ’ngoe e lekantsoeng, ho tloha monyakong oa ntlo ea Eliashibe ho ea fihla moo ntlo ea Eliashibe e fellang teng.

22 Ka mor’a hae baprista, banna ba Setereke sa Jordane,+ ba etsa mosebetsi oa ho lokisa. 23 Ka mor’a bona Benjamine le Hashube ba etsa mosebetsi oa ho lokisa ka pel’a ntlo ea bona. Ka mor’a bona Azaria mora oa Maseia mora oa Anania a etsa mosebetsi oa ho lokisa haufi le ntlo ea hae. 24 Ka mor’a hae Binui mora oa Henadade a lokisa karolo e ’ngoe e lekantsoeng, ho tloha ntlong ea Azaria ho ea fihla Setšehetsong+ le ho ea fihla sekhutlong.

25 [Ka mor’a hae] Palale mora oa Uzai [a etsa mosebetsi oa ho lokisa] ka pel’a Setšehetso le tora e tsoang Ntlong ea Morena,+ e ka holimo ea Lebala la Balebeli.+ Ka mor’a hae e bile Pedaia mora oa Paroshe.+

26 Banethinime+ ba ne ba lula Ofele;+ ba etsa mosebetsi oa ho lokisa ho ea fihla ka pel’a Heke ea Metsi+ ka bochabela le toreng e hlaheletseng.

27 Ka mor’a bona Batekooa+ ba lokisa karolo e ’ngoe e lekantsoeng, ho tloha ka pel’a tora e khōlō e hlaheletseng ho ea fihla lerakong la Ofele.

28 Ka holim ’a Heke ea Lipere+ baprista ba etsa mosebetsi oa ho lokisa, e mong le e mong ka pel’a ntlo ea hae.

29 Ka mor’a bona Tsadoke+ mora oa Imere a etsa mosebetsi oa ho lokisa ka pel’a ntlo ea hae.

Ka mor’a hae Shemaia mora oa Shekania, mohlokomeli oa Heke e ka Bochabela,+ a etsa mosebetsi oa ho lokisa.

30 Ka mor’a hae Hanania mora oa Shelemia le Hanune mora oa botšelela oa Zalafe ba lokisa karolo e ’ngoe e lekantsoeng.

Ka mor’a hae Meshulame+ mora oa Berekia a etsa mosebetsi oa ho lokisa ka pel’a holo ea hae.+

31 Ka mor’a hae Malkija, setho sa mokhatlo oa litei tsa khauta,+ a etsa mosebetsi oa ho lokisa ho ea fihla ntlong ea Banethinime+ le bahoebi,+ ka pel’a Heke ea Tlhahlobo le ho ea fihla kamoreng e marulelong ea sekhutlo.

32 Pakeng tsa kamore e marulelong ea sekhutlo le Heke ea Linku+ litei tsa khauta le bahoebi ba etsa mosebetsi oa ho lokisa.

4 Joale eitse hang ha Sanbalate+ a utloa hore re ne re tsosolosa lerako, a halefa+ ’me a khopeha haholo, ’me a ’na a fetola Bajuda litšeho.+ 2 A qala ho bua ka pel’a barab’abo+ le lebotho la sesole la Samaria, e, a qala ho re: “Bajuda baa ba tepeletseng ba etsa’ng? Na ba tla itšetleha ka bona ka bobona? Na ba tla etsa sehlabelo?+ Na ba tla qeta ka letsatsi? Na ba tla phelisa majoe ho tsoa liqubung tsa lithōle+ ha li chesoa?”

3 Joale Tobia+ Moammone+ o ne a le haufi le eena, ’me a re: “Esita le seo ba se hahang, haeba phokojoe+ e ka hloella holim ’a sona, ka sebele e ne e tla heletsa lerako la bona la majoe.”

4 Utloa,+ Molimo oa rōna, kaha re fetohile ba eisehang;+ u khutlisetse nyeliso+ ea bona holim ’a lihlooho tsa bona, ’me u nehelane ka bona tlatlapong naheng ea kholeho. 5 U se ke ua koahela phoso+ ea bona le sebe sa bona ka pel’a hao. Li se ke tsa hlakoha, kaha ba sitetsoe lihahi.

6 Kahoo ra ’na ra haha lerako, ’me lerako lohle la kopana ho fihlela halofong ea bophahamo ba lona, ’me batho ba tsoela pele ho ba le pelo bakeng sa ho sebetsa.+

7 Joale eitse hang ha Sanbalate+ le Tobia+ le Baarabia+ le Baammone+ le Baashdode+ ba utloa hore ho lokisoa ha marako a Jerusalema ho ne ho tsoetse pele, kaha likheo li ne li qalile ho koaloa, ba halefa haholo. 8 Kaofela ha bona ba qala ho rera bolotsana+ hammoho ho tla loantša Jerusalema le ho mpakela khathatso. 9 Empa ra rapela+ Molimo oa rōna ’me ra lula re behile molebeli khahlanong le bona bosiu le motšehare ka lebaka la bona.

10 Bajuda ba qala ho re: “Matla a mojari oa moroalo+ a khopiloe, ho na le litšila tse ngata;+ ’me ha re khone ho haha lerakong.”

11 Ho feta moo, bahanyetsi ba rōna ba ’na ba re: “Ba ke ke ba tseba+ ebile ba ke ke ba bona ho fihlela re kena hantle feela har’a bona, ka sebele re tla ba bolaea ’me re thibele mosebetsi.”

12 Neng kapa neng ha Bajuda ba lulang haufi le bona ba kena, ba re ho rōna ka makhetlo a leshome: “[Ba tla nyoloha] libakeng tsohle moo lōna le tlang ho khutlela ho rōna.”

13 Kahoo ka beha banna likarolong tse tlaase-tlaase tsa sebaka se ka mor’a lerako libakeng tse bulehileng, ’me ka beha batho ka malapa ka lisabole tsa bona,+ marumo a bona+ le liqha tsa bona. 14 Ha ke bona tšabo ea bona ka ema kapele-pele ’me ka re ho bahlomphehi+ le batlatsi ba ’musi+ le batho ba bang kaofela: “Le se ke la tšosoa+ ke bona. Le lule le hopotse Jehova e moholo+ le Ea tšabehang;+ ’me le loanele barab’abo lōna,+ bara ba lōna le barali ba lōna, basali ba lōna le malapa a lōna.”

15 Joale eitse hang ha lira tsa rōna li utloa hore hoo ho tsebahetse ho rōna, hoo Molimo oa ’nete a neng a nyopisitse morero oa tsona+ ’me kaofela ha rōna re khutletse lerakong, e mong le e mong mosebetsing oa hae, 16 e, eitse ho tloha ka letsatsi leo ho ea pele halofo ea bahlankana ba ka+ ea tšoareha mosebetsing ’me halofo ea bona ea tšoara marumo, lithebe le liqha le liaparo tse makhakhapha a tšepe;+ ’me likhosana+ li ne li tšehetsa ntlo eohle ea Juda. 17 Ha e le lihahi lerakong le ba neng ba jere moroalo oa ba jarang mojaro, e mong le e mong o ne a tšoarehile mosebetsing ka letsoho le leng la hae ha letsoho le leng+ le ne le tšoere lerumo.+ 18 Lihahi li ne li hlometse, se seng le se seng ka sabole lethekeng la sona,+ ha li ntse li haha;+ ’me ea lokelang ho letsa lenaka+ o ne a le haufi le ’na.

19 Ka re ho bahlomphehi le batlatsi ba ’musi+ le batho ba bang kaofela: “Mosebetsi o moholo ebile o pharaletse, ’me re hasane holim ’a lerako e mong a le thōko haholo le e mong. 20 Sebakeng seo ho sona le utloang molumo oa lenaka, ke moo le tlang ho phutheha ho rōna. Molimo oa rōna o tla re loanela.”+

21 Ha re ntse re tšoarehile mosebetsing, halofo e ’ngoe ea bona le eona e ne e tšoere marumo, ho tloha ha mafube a hlaha ho fihlela ha linaleli li hlaha. 22 Ho phaella moo, ka nako eo ka re ho batho: “Banna ba ke ba hlole bosiu, e mong le e mong a e-na le mohlanka oa hae, har’a Jerusalema,+ ’me e tla ba balebeli bakeng sa rōna bosiu le basebetsi motšehare.” 23 Ha e le ’na+ le barab’eso+ le bahlanka ba ka+ le banna ba balebeli+ ba neng ba le ka mor’a ka, re ne re sa hlobole liaparo tsa rōna, e mong le e mong a tšoere lerumo+ ka letsohong la hae le letona.

5 Leha ho le joalo, ho ile ha e-ba le mohoo o moholo+ oa batho le basali ba bona khahlanong le barab’abo bona ba Bajuda.+ 2 Ho ne ho e-na le ba reng: “Re fana ka bara ba rōna le barali ba rōna hore e be tebeletso e le hore re ka fumana lijo-thollo re je ’me re tsoele pele re phela.”+ 3 Ho ne ho e-na le ba reng: “Re fana ka masimo a rōna le lirapa tsa rōna tsa morara le matlo a rōna hore e be tebeletso+ e le hore re ka fumana lijo-thollo nakong ea khaello ea lijo.” 4 Ho ne ho e-na le ba reng: “Re alimile chelete bakeng sa sethabathaba sa morena+ masimong a rōna le lirapeng tsa rōna tsa morara.+ 5 Joale nama ea rōna e tšoana le nama ea barab’abo rōna;+ bara ba rōna ba tšoana le bara ba bona, empa bonang! re etsa bara le barali ba rōna makhoba,+ ’me ho na le ba bang ba barali ba rōna ba seng ba ntse ba entsoe ’ona; ha ho na matla matsohong a rōna ha masimo a rōna le lirapa tsa rōna tsa morara e ntse e le tsa ba bang.”

6 Joale ka halefa haholo hang ha ke utloa mohoo oa bona le mantsoe ana. 7 Kahoo pelo ea ka ea nahana ka hare ho ’na, ’me ka qala ho fumana molato+ ho bahlomphehi le batlatsi ba ’musi, eaba ke tsoela pele ho re ho bona: “Le batla tsoala,+ e mong le e mong ho mor’abo.”

Ho ekelletsa moo, ka lokisetsa seboka se seholo ka lebaka la bona.+ 8 Ka re ho bona: “Re rekolotse+ barab’abo rōna ba Bajuda ba neng ba rekisitsoe lichabeng, ho fihlela moo ho neng ho le matleng a rōna; ka nako e tšoanang na le tla rekisa barab’abo lōna,+ ’me na ba tla rekisoa ho rōna?” Eaba ba hloka puo, ’me ba felloa ke mantsoe.+ 9 Ka tsoela pele ho re: “Ntho eo le e etsang ha e ntle.+ Na ha lea lokela ho tsamaea tšabong+ ea Molimo oa rōna+ ka lebaka la nyeliso+ ea lichaba, lira tsa rōna?+ 10 ’Na le barab’eso le bahlanka ba ka re fana ka chelete le lijo-thollo e le kalimo har’a bona. Ka kōpo, a re tloheleng ho alimana ka phaello hona.+ 11 Ka kōpo, le busetse ho bona letsatsing lena masimo a bona,+ lirapa tsa bona tsa morara, meru ea bona ea mehloaare le matlo a bona, le karolo ea lekholo ea chelete le lijo-thollo, veine e ncha le oli eo le e batlang e le phaello ho bona.”

12 Eaba ba re: “Re tla etsa puseletso,+ ’me re ke ke ra batla letho ho bona.+ Re tla etsa hantle feela joalokaha u bolela.”+ Kahoo ka bitsa baprista ’me ka ba hlapantša ho etsa ho ea ka lentsoe lena.+ 13 Hape, ka hlohlora sefuba sa seaparo sa ka ka ntan’o re: “Ka mokhoa ona e se eka Molimo oa ’nete a ka hlohlora ntlong ea hae le thepeng eo a iphumanetseng eona motho e mong le e mong ea sa phetheng lentsoe lena; ’me ka mokhoa ona e se eka a ka hlohloreha ’me a hloka letho.” Eaba phutheho eohle e re: “Amen!”+ Ba qala ho rorisa Jehova.+ Batho ba etsa ho ea ka lentsoe lena.+

14 Ntho e ’ngoe: Ho tloha letsatsing leo ka lona a mpehileng hore ke be ’musisi oa bona+ naheng ea Juda, ho tloha selemong sa mashome a mabeli+ ho ea selemong sa mashome a mararo a metso e ’meli+ sa Morena Artaxerxerse,+ lilemo tse leshome le metso e ’meli, ’na le barab’eso ha rea ka ra ja bohobe bo loketseng ’musisi.+ 15 Ha e le babusisi ba pele ba bileng teng pele ho ’na, ba ne ba imelitse batho, ’me ba ne ba ntse ba nka lishekele tse mashome a mane tsa silevera ho bona bakeng sa bohobe le veine letsatsi le leng le le leng. Hape, bahlanka ba bona ba ile ba hatella batho.+ Ha e le ’na, ha kea ka ka etsa ka tsela eo+ ka lebaka la ho tšaba Molimo.+

16 Ho feta moo, ke ile ka kopanela mosebetsing oa lerako lena,+ ’me ha rea ka ra fumana tšimo;+ bahlanka bohle ba ka ba ile ba phuthehela moo bakeng sa mosebetsi. 17 Bajuda le batlatsi ba ’musi, banna ba lekholo le mashome a mahlano, le ba tlang ho rōna ba tsoa lichabeng tse neng li re potolohile ba ne ba le tafoleng ea ka.+ 18 Ha e le se neng se lokisitsoe letsatsi le leng le le leng, poho e le ’ngoe, linku tse tšeletseng tse khethiloeng le linonyana li ile tsa lokisoa bakeng sa ka, le veine+ ea mofuta o mong le o mong ka bongata hanngoe ka matsatsi a mang le a mang a leshome. Hammoho le sena ha kea ka ka batla bohobe bo loketseng ’musisi, hobane tšebeletso e holim ’a batho bana e ne e le boima. 19 Molimo oa ka, u nkhopolele+ bakeng sa se molemo,+ sohle seo ke se entseng molemong oa batho bana.+

6 Joale eitse hang ha ho bolelloa Sanbalate+ le Tobia+ le Gesheme+ Moarabia+ le lira tsa rōna tse ling kaofela hore ke ne ke tsosolositse lerako+ ’me ho ne ho sa sala sekheo ho lona (le hoja ho fihlela nakong eo ke ne ke sa emisa mamati+ lihekeng),+ 2 Sanbalate le Gesheme kapele-pele ba romeletsa ho ’na, ba re: “Tloo, ’me re kopaneng+ hammoho ka taetsano metsaneng ea thota ea Ono.”+ Empa ba ne ba rerile ho ’ntša kotsi.+ 3 Kahoo ka romela manģosa ho bona,+ ka re: “Mosebetsi oo ke o etsang o moholo,+ ’me ha ke khone ho theoha. Ke hobane’ng ha mosebetsi o lokela ho khaotsa ha ke tloha ho oona ’me ke theohela ho lōna?”+ 4 Leha ho le joalo, ba nthomella lentsoe le tšoanang ka makhetlo a mane, ’me ka ’na ka ba araba ka lentsoe le tšoanang.

5 Qetellong Sanbalate+ a romela mohlanka oa hae ho ’na ka lentsoe le tšoanang ka lekhetlo la bohlano, a tšoere lengolo le butsoeng letsohong. 6 Ho lona ho ne ho ngoliloe: “Har’a lichaba ho utloiloe, le Gesheme+ oa ho bolela, hore uena le Bajuda le rera ho etsa bofetoheli.+ Ke ka lebaka leo u hahang lerako; u ba morena ho bona,+ ho ea ka mantsoe ana. 7 Ebile ho na le baprofeta bao u ba behileng hore ba hoeletse malebana le uena ho pholletsa le Jerusalema, ba re, ‘Ho na le morena Juda!’ Joale lintho tse kang tsena li tla bolelloa morena. Kahoo joale tloo, ’me re rerisane hammoho.”+

8 Leha ho le joalo, ka romeletsa ho eena, ka re: “Lintho tse kang tseo u li buang ha lia etsahala,+ empa u li qapa ho tsoa pelong ea hao.”+ 9 Etsoe kaofela ha bona ba ne ba leka ho re tšosa, ba re: “Matsoho+ a bona a tla tepella mosebetsing hoo o ke keng oa etsoa.” Empa joale matlafatsa matsoho a ka.+

10 Ke ile ka kena ka tlung ea Shemaia mora oa Delaia mora oa Mehetabele ha a ntse a koaletsoe.+ A re: “A re kopane ka taetsano+ ntlong ea Molimo oa ’nete, ka har’a tempele,+ ’me re koale mamati a tempele; etsoe ba tlil’o u bolaea, ba tlil’o u bolaea bosiu.”+ 11 Empa ka re: “Na motho ea joaloka ’na o lokela ho baleha?+ Ke mang ea joaloka ’na ea neng a ka kena ka tempeleng eaba oa phela?+ Nke ke ka kena!” 12 Kahoo ka batlisisa, ’me bonang! o ne a sa rongoa ke Molimo,+ empa o ne a boletse+ boprofeta bona khahlanong le ’na kaha Tobia le Sanbalate+ ba ne ba mo hirile.+ 13 Ka lebaka lena o ne a hiriloe+ e le hore nka tšoha+ ’me ke etse ka tsela eo, ’me ka sebele ke etse sebe+ ’me e be botumo bo bobe+ ho bona, e le hore ba ka ’nyelisa.+

14  Molimo oa ka, u hopole+ Tobia+ le Sanbalate, ho ea ka liketso tsena tsa e mong le e mong oa bona, le moprofeta oa mosali+ Noadia le baprofeta ba bang kaofela ba neng ba leka ho ntšosa ba sa khaotse.

15 Qetellong lerako+ la phethoa ka letsatsi la mashome a mabeli a metso e mehlano la Elule, ka matsatsi a mashome a mahlano a metso e ’meli.

16 Eitse hang ha lira+ tsa rōna tsohle li ho utloa le lichaba tsohle tse neng li re potolohile li ho bona, hang-hang tsa nyahama haholo mahlong a tsona, ’me tsa tseba hore mosebetsi ona o entsoe ho tsoa ho Molimo oa rōna.+ 17 Matsatsing ao hape bahlomphehi+ ba Juda ba ne ba ngola mangolo a mangata a neng a e-ea ho Tobia+ le a Tobia a neng a tla ho bona. 18 Etsoe ba bangata Juda ba ne ba hlapantšitsoe ka eena, kaha e ne e le mokhoenyana oa Shekania mora oa Ara;+ mora oa hae Johanane o ne a nkile morali oa Meshulame+ mora oa Berekia. 19 Hape, ba ne ba bua lintho tse ntle mabapi le eena ka pel’a ka ba sa khaotse.+ Mantsoe a ka ba ne ba a isa ho eena ka ho tsoelang pele. Ho ne ho e-na le mangolo ao Tobia a neng a a romela ho ntšosa.+

7 Eitse hang ha lerako le tsosolositsoe,+ hang-hang ka emisa mamati.+ Joale ha behoa balebeli ba liheke+ le libini+ le Balevi.+ 2 Ka tsoela pele ho beha mor’eso Hanani+ taolong ea Jerusalema le Hanania khosana Qhobosheane,+ kaha e ne e le monna ea tšepahalang haholo+ ’me a tšaba+ Molimo oa ’nete ho feta ba bang ba bangata. 3 Kahoo ka re ho bona: “Liheke+ tsa Jerusalema ha lia lokela ho buloa ho fihlela letsatsi le chesa; ’me ha ba ntse ba eme haufi ba lokela ho koala mamati ba a notlele.+ Le emise balebeli ba baahi ba Jerusalema, e mong le e mong sebakeng sa hae sa ho lebela ’me e mong le e mong ka pel’a ntlo ea hae.”+ 4 Joale motse o ne o pharaletse o le moholo, ’me ho ne ho e-na le batho ba seng bakae ka hare ho oona,+ ’me ho ne ho se na matlo a hahiloeng.

5 Empa Molimo oa ka a ho kenya pelong ea ka+ hore ke phuthe bahlomphehi le batlatsi ba ’musi le batho hore ba ingolise ho ea ka meloko.+ Joale ka fumana buka ea ho ngolisoa ka meloko+ ea ba ileng ba tla pele, ’me ka fumana ho ngotsoe ho eona:

6 Bana ke bara ba profinse+ ba ileng ba tsoa kholehong+ ea batho ba neng ba isitsoe kholehong bao Nebukadnezare+ morena oa Babylona a neng a ba isitse kholehong+ le bao hamorao ba ileng ba khutlela Jerusalema le Juda, e mong le e mong a khutlela motseng oa habo;+ 7 ba ileng ba kena le Zorobabele,+ Jeshua,+ Nehemia, Azaria, Raamia, Nahamani, Mordekai,+ Bilshane, Misperethe, Bigvai, Nehume, Baana.

Palo ea banna ba sechaba sa Iseraele: 8 Bara ba Paroshe,+ likete tse peli le lekholo le mashome a supileng a metso e ’meli; 9 bara ba Shefatia,+ makholo a mararo le mashome a supileng a metso e ’meli; 10 bara ba Ara,+ makholo a tšeletseng le mashome a mahlano a metso e ’meli; 11 bara ba Pahathe-moabe,+ ba bara ba Jeshua le Joabe,+ likete tse peli le makholo a robeli le leshome le metso e robeli; 12 bara ba Elame,+ sekete le makholo a mabeli le mashome a mahlano a metso e mene; 13 bara ba Zatu,+ makholo a robeli le mashome a mane a metso e mehlano; 14 bara ba Zakai,+ makholo a supileng le mashome a tšeletseng; 15 bara ba Binui,+ makholo a tšeletseng le mashome a mane a metso e robeli; 16 bara ba Bebai,+ makholo a tšeletseng le mashome a mabeli a metso e robeli; 17 bara ba Azgade,+ likete tse peli le makholo a mararo le mashome a mabeli a metso e ’meli; 18 bara ba Adonikame,+ makholo a tšeletseng le mashome a tšeletseng a metso e supileng; 19 bara ba Bigvai,+ likete tse peli le mashome a tšeletseng a metso e supileng; 20 bara ba Adine,+ makholo a tšeletseng le mashome a mahlano a metso e mehlano; 21 bara ba Atere,+ oa Ezekiase, mashome a robong a metso e robeli; 22 bara ba Hashume,+ makholo a mararo le mashome a mabeli a metso e robeli; 23 bara ba Bezai,+ makholo a mararo le mashome a mabeli a metso e mene; 24 bara ba Harife,+ lekholo le leshome le metso e ’meli; 25 bara ba Gibeone,+ mashome a robong a metso e mehlano; 26 banna ba Bethlehema+ le Netofa,+ lekholo le mashome a robeli a metso e robeli; 27 banna ba Anathothe,+ lekholo le mashome a mabeli a metso e robeli; 28 banna ba Bethe-azmavethe,+ mashome a mane a metso e ’meli; 29 banna ba Kiriathe-jearime,+ Kefira+ le Beerothe,+ makholo a supileng le mashome a mane a metso e meraro; 30 banna ba Rama+ le Geba,+ makholo a tšeletseng le mashome a mabeli a motso o mong; 31 banna ba Mikmase,+ lekholo le mashome a mabeli a metso e ’meli; 32 banna ba Bethele+ le Ai,+ lekholo le mashome a mabeli a metso e meraro; 33 banna ba Nebo+ e ’ngoe, mashome a mahlano a metso e ’meli; 34 bara ba Elame+ e mong, sekete le makholo a mabeli le mashome a mahlano a metso e mene; 35 bara ba Harime,+ makholo a mararo le mashome a mabeli; 36 bara ba Jeriko,+ makholo a mararo le mashome a mane a metso e mehlano; 37 bara ba Lode,+ Hadide+ le Ono,+ makholo a supileng le mashome a mabeli a motso o mong; 38 bara ba Senaa,+ likete tse tharo le makholo a robong le mashome a mararo.

39 Baprista: Bara ba Jedaia+ oa ntlo ea Jeshua, makholo a robong le mashome a supileng a metso e meraro; 40 bara ba Imere,+ sekete le mashome a mahlano a metso e ’meli; 41 bara ba Pashkure,+ sekete le makholo a mabeli le mashome a mane a metso e supileng; 42 bara ba Harime,+ sekete le leshome le metso e supileng.

43 Balevi: Bara ba Jeshua, ba Kadmiele,+ ba bara ba Hodva,+ mashome a supileng a metso e mene. 44 Libini,+ bara ba Asafe,+ lekholo le mashome a mane a metso e robeli. 45 Balebeli ba liheke,+ bara ba Shalume,+ bara ba Atere, bara ba Talmone,+ bara ba Akube,+ bara ba Hatita, bara ba Shobai,+ lekholo le mashome a mararo a metso e robeli.

46 Banethinime:+ Bara ba Ziha, bara ba Hasufa, bara ba Tabaothe,+ 47 bara ba Kerose, bara ba Sia, bara ba Padone,+ 48 bara ba Lebana, bara ba Hagaba,+ bara ba Salmai, 49 bara ba Hanane,+ bara ba Gidele, bara ba Gahare, 50 bara ba Reaia,+ bara ba Rezine,+ bara ba Nekoda, 51 bara ba Gazame, bara ba Uza, bara ba Pasea, 52 bara ba Besai,+ bara ba Meunime, bara ba Nefushesime,+ 53 bara ba Bakbuke, bara ba Hakufa, bara ba Karkure,+ 54 bara ba Bazlithe, bara ba Mehida, bara ba Harsha,+ 55 bara ba Barkose, bara ba Sisera, bara ba Tema,+ 56 bara ba Nezia, bara ba Hatifa.+

57 Bara ba bahlanka ba Solomone:+ Bara ba Sothai, bara ba Soferethe, bara ba Perida,+ 58 bara ba Jaala, bara ba Darkone, bara ba Gidele,+ 59 bara ba Shefatia, bara ba Hatile, bara ba Pokerethe-hazebaime, bara ba Amone.+ 60 Banethinime+ bohle le bara ba bahlanka ba Solomone ba ne ba le makholo a mararo le mashome a robong a metso e ’meli.

61 Bana ke bona ba neng ba tsoa Tele-mela, Tele-harsha, Kerube, Adone le Imere,+ ’me ba ne ba sa khone ho bolela malapa a bo-ntat’a bona le lesika la bona, hore na ke ba Iseraele kapa che: 62 bara ba Delaia, bara ba Tobia, bara ba Nekoda,+ makholo a tšeletseng le mashome a mane a metso e ’meli. 63 Ho baprista:+ bara ba Habaia, bara ba Hakoze,+ bara ba Barzilai,+ ea ileng a nka mosali ho barali ba Barzilai+ Mogileade ’me a rehelloa ka bona. 64 Bana ke bona ba ileng ba batla tlaleho ea bona ea ngoliso, ho tiisa leloko la bona phatlalatsa, ’me ha ea ka ea fumanoa,+ hoo ba ileng ba thibeloa bopristeng e le ba silafetseng.+ 65 Ka lebaka leo Tirshatha+ a ba bolella hore ha baa lokela ho ja+ linthong tse halalelang ka ho fetisisa ho fihlela moprista a ema ka Urime+ le Thumime.+

66 Phutheho eohle e le sehlopha se le seng e ne e le likete tse mashome a mane a metso e ’meli le makholo a mararo le mashome a tšeletseng,+ 67 kantle le makhoba a bona+ le makhabunyane a bona, a neng a le likete tse supileng le makholo a mararo le mashome a mararo a metso e supileng;+ ba ne ba e-na le libini tsa banna+ le libini tsa basali+ tse makholo a mabeli le mashome a mane a metso e mehlano.[68 Lipere tsa bona li ne li le makholo a supileng le mashome a mararo a metso e tšeletseng, limmoulo tsa bona li le makholo a mabeli le mashome a mane a metso e mehlano.]+ 69 Likamele li ne li le makholo a mane le mashome a mararo a metso e mehlano. Liesele+ li ne li le likete tse tšeletseng le makholo a supileng le mashome a mabeli.+

70 Ho ne ho e-na le karolo ea lihlooho+ tsa malapa a habo ntat’a+ bona e ileng ea nehela mosebetsing.+ Tirshatha+ a nehela letlotlong lidrakema tsa khauta tse sekete, likotlolo tse mashome a mahlano, liaparo tse telele tsa ka holimo tsa baprista tse makholo a mahlano le mashome a mararo.+ 71 Ho ne ho e-na le ba bang ba lihlooho tsa malapa a habo ntat’a bona ba ileng ba nehela letlotlong bakeng sa mosebetsi lidrakema tsa khauta tse likete tse mashome a mabeli le limina tsa silevera+ tse likete tse peli le makholo a mabeli. 72 Seo batho ba bang kaofela ba ileng ba nehelana ka sona e ne e le lidrakema tsa khauta tse likete tse mashome a mabeli le limina tsa silevera tse likete tse peli le liaparo tse telele tsa ka holimo tsa baprista tse mashome a tšeletseng a metso e supileng.

73 Baprista+ le Balevi le balebeli ba liheke le libini+ le ba bang ba sechaba le Banethinime+ le Baiseraele bohle ba ile ba lula metseng ea bona.+ Ha khoeli ea bosupa e thoasa,+ bara ba Iseraele ba ne ba se ba le metseng ea bona.+

8 Batho bohle ba bokana joaloka motho a le mong+ lepatlelong+ le neng le le ka pel’a Heke ea Metsi.+ Joale ba bolella mokopitsi Esdrase+ hore a tlise buka+ ea molao oa Moshe,+ oo Jehova a neng a o laetse Baiseraele.+ 2 Tumellanong le hoo moprista+ Esdrase a tlisa molao ka pel’a phutheho+ ea banna hammoho le ea basali le ea bohle ba kelello ka ho lekaneng hore ba ka mamela,+ letsatsing la pele la khoeli ea bosupa.+ 3 A tsoela pele ho o balla+ holimo ka pel’a lepatlelo le leng ka pel’a Heke ea Metsi, ho tloha ka meso+ ho fihlela har’a motšehare, ka pel’a banna le basali le ba bang ba kelello; litsebe+ tsa batho bohle li ne li mamelisisitse+ buka ea molao. 4 Mokopitsi Esdrase a ’na a ema holim ’a sethala+ sa lehong, seo ba neng ba se etselitse ketsahalo eo; ’me haufi le eena ho ne ho eme Matithia le Shema le Anaia le Uria le Hilkia le Maseia ka letsohong la hae le letona, ’me ka ho la hae le letšehali e le Pedaia le Mishaele le Malkija+ le Hashume+ le Hash-badana, Zakaria le Meshulame.

5 Esdrase a bula+ buka ka pel’a mahlo a batho bohle, kaha o ne a okametse batho bohle; ’me ha a e bula batho bohle ba ema.+ 6 Joale Esdrase a boka Jehova+ Molimo oa ’nete, E moholo, eaba batho bohle baa araba, “Amen! Amen!”+ ka ho phahamisa matsoho.+ Joale ba inama+ ’me ba khumamela Jehova lifahleho tsa bona li shebile fatše.+ 7 Jeshua le Bani le Sherebia,+ Jamine, Akube, Shabthai, Hodia, Maseia, Kelita, Azaria, Jozabade,+ Hanane, Pelaia,+ esita le Balevi, ba ne ba hlalosetsa batho molao,+ ha batho ba ntse ba eme.+ 8 Ba tsoela pele ho balla+ holimo ho tsoa bukeng, ho tsoa molaong oa Molimo oa ’nete, ha o ntse o qaqisoa, ’me o ntse o kenngoa moelelo; ba tsoela pele ho etsa hore ’malo o utloisisoe.+

9 Nehemia,+ ke hore, Tirshatha,+ le moprista Esdrase,+ mokopitsi, le Balevi ba neng ba rupela batho ba re ho batho bohle: “Letsatsi lena lea halalela ho Jehova Molimo oa lōna.+ Le se ke la siama kapa la lla.”+ Etsoe batho bohle ba ne ba lla ha ba ntse ba utloa mantsoe a molao.+ 10 A tsoela pele ho re ho bona: “Tsamaeang, le je lintho tse nonneng ’me le noe lintho tse monate, hape le romele likabelo+ ho eo ho seng letho le lokisitsoeng bakeng sa hae; etsoe letsatsi lena lea halalela ho Morena oa rōna, ’me le se ke la utloa bohloko, etsoe thabo ea Jehova ke qhobosheane ea lōna.” 11 Balevi ba ne ba laela batho bohle hore ba khutse, ba re: “Khutsang! kaha letsatsi lena lea halalela; ’me le se ke la utloa bohloko.” 12 Kahoo batho bohle ba tloha ho ea ja le ho noa le ho romela likabelo+ ’me ba thaba haholo,+ kaha ba ne ba utloisisitse mantsoe ao ba neng ba a tsebisitsoe.+

13 Ka letsatsi la bobeli lihlooho tsa bo-ntat’a batho bohle, baprista le Balevi, tsa bokana ho mokopitsi Esdrase, ’me tsa fumana temohisiso mantsoeng a molao.+ 14 Joale tsa fumana ho ngotsoe molaong oo Jehova a neng a o laetse ka Moshe+ hore bara ba Iseraele ba lokela ho lula maphepheng+ nakong ea mokete ka khoeli ea bosupa,+ 15 le hore ba lokela ho etsa phatlalatso+ ’me ba etse hore mohoo o fete ho pholletsa le metse eohle ea bona le ho pholletsa le Jerusalema,+ ba re: “E-eang sebakeng se lithaba+ ’me le tlise makhasi a mohloaare+ le makhasi a lifate tsa oli le makhasi a myrte le makhasi a palema le makhasi a lifate tse makala ho etsa maphephe, ho ea ka se ngoliloeng.”

16 Batho ba tsoa eaba baa a tlisa ’me ba iketsetsa maphephe, e mong le e mong holim ’a marulelo a hae+ le mabaleng a bona le mabaleng+ a ntlo ea Molimo oa ’nete le lepatlelong+ la Heke ea Metsi+ le lepatlelong la Heke ea Efraime.+ 17 Kahoo phutheho eohle ea ba neng ba khutlile kholehong ea etsa maphephe ’me ea lula maphepheng; etsoe bara ba Iseraele ba ne ba sa ka ba etsa ka tsela eo ho tloha matsatsing a Joshua mora oa Nune+ ho fihlela letsatsing leo, hoo ho ileng ha e-ba le ho thaba ho hoholo.+ 18 Buka ea molao oa Molimo oa ’nete ea balloa holimo letsatsi le letsatsi,+ ho tloha ka letsatsi la pele ho fihlela ka letsatsi la ho qetela; ’me ba tsoela pele ho tšoara mokete ka matsatsi a supileng, ’me ka letsatsi la borobeli ha e-ba le seboka se hlomphehang, ho ea ka molao.+

9 Letsatsing la mashome a mabeli a metso e mene la khoeli ena+ bara ba Iseraele ba bokana hore ba itime lijo+ ba apere masela a mokotla+ ’me ba itšetse ka mobu.+ 2 Peō ea Iseraele ea ikarola+ ho basele+ bohle, ea ema ’me ea bolela+ libe tsa eona+ le liphoso tsa bo-ntat’a eona.+ 3 Joale ba phahama libakeng+ tsa bona eaba ba balla holimo ho tsoa bukeng ea molao+ oa Jehova Molimo oa bona karolong ea bone ea letsatsi;+ karolong ea bone ea letsatsi ba ne ba ipolela+ ’me ba inamela Jehova Molimo oa bona.+

4 Jeshua le Bani, Kadmiele, Shebania, Buni, Sherebia,+ Bani le Kenani ba ema sethaleng+ sa Balevi ’me ba hoeletsa ka lentsoe le phahameng+ ho Jehova Molimo oa bona. 5 Balevi Jeshua le Kadmiele, Bani, Hashabeneia, Sherebia, Hodia, Shebania le Pethahia ba tsoela pele ho re: “Emang, le boke+ Jehova Molimo oa lōna ho tloha nakong e sa lekanyetsoang ho isa nakong e sa lekanyetsoang.+ Ba ke ba boke lebitso la hao le khanyang,+ le phahametseng poko le thoriso eohle.

6 “Ke uena Jehova u le mong;+ u entse maholimo,+ esita le leholimo la maholimo, le lekhotla+ lohle la ’ona, lefatše+ le sohle se holim ’a lona,+ maoatle+ le sohle se ho ’ona;+ ’me kaofela u li boloka li phela; makhotla+ a maholimo aa u inamela. 7 Ke uena Jehova Molimo oa ’nete, ea ileng a khetha Abrame+ ua mo ntša Ure ea Bakalde+ ’me ua etsa hore lebitso la hae e be Abrahama.+ 8 Ua fumana pelo ea hae e tšepahala ka pel’a hao;+ kahoo ha etsoa tumellano ea selekane+ le eena ho mo fa naha ea Bakanana, Bahethe, Baamore le Bapereze le Bajebuse le Bagirgashe, ho e fa peō ea hae;+ eaba u phetha mantsoe a hao, hobane u lokile.+

9 “Kahoo u ile ua bona+ mahloreho a baholo-holo ba rōna Egepeta, ’me ua utloa mohoo oa bona Leoatleng le Lefubelu.+ 10 Joale ua fana ka lipontšo le mehlolo khahlanong le Faro le bahlanka bohle ba hae le batho bohle ba naha ea hae,+ kaha u ne u tseba hore ba ile ba iketelletsa pele+ khahlanong le bona; eaba u iketsetsa lebitso+ joaloka letsatsing lena. 11 Ua arola leoatle+ ka pel’a bona, hoo ba ileng ba tšela bohareng ba leoatle mobung o omileng;+ eaba ba ba lelekisang u ba lahlela bolibeng+ joaloka lejoe+ metsing a matla.+ 12 Ua ba tsamaisa ka topallo ea leru motšehare,+ le ka topallo ea mollo bosiu,+ ho ba khantšetsa+ tsela eo ba lokelang ho tsamaea ka eona. 13 Ua theohela Thabeng ea Sinai+ ua bua le bona u le leholimong+ ’me ua tsoela pele ho ba fa liqeto tsa boahloli tse lokileng+ le melao ea ’nete,+ melao ea tsamaiso+ le litaelo tse molemo.+ 14 Ua ba tsebisa sabatha ea hao e halalelang,+ ’me ua ba laela litaelo le melao ea tsamaiso le molao u sebelisa mohlanka oa hao Moshe.+ 15 Ua ba fa bohobe bo tsoang leholimong ha ba lapile,+ ua ba hlahisetsa metsi a tsoang lefikeng ha ba nyoriloe,+ ’me ua tsoela pele ho ba bolella hore ba kene+ ’me ba rue naha eo u neng u phahamisitse letsoho la hao ka kano hore u tla ba fa eona.+

16 “Bona, esita le baholo-holo ba rōna, ba ile ba iketelletsa pele+ ’me ba satalatsa melala ea bona,+ ’me ha baa ka ba mamela litaelo tsa hao. 17 Kahoo ba hana ho mamela,+ ’me ha baa ka ba hopola+ liketso tsa hao tse hlollang tseo u ileng ua li etsa ka bona, empa ba satalatsa melala ea bona+ ’me ba beha eo e leng hlooho+ hore ba khutlele bohlankeng ba bona Egepeta. Empa u Molimo oa liketso tsa tšoarelo,+ ea mosa+ le ea mohau,+ ea liehang ho halefa+ le ea tletseng+ mosa o lerato, ’me ha ua ka ua ba tlohela.+ 18 E, ha ba ne ba iketselitse seemahale se entsoeng ka ho qhibilihisoa sa namane+ ’me ba qala ho re, ‘Enoa ke Molimo oa lōna ea le eteletseng pele ho tsoa Egepeta,’+ ’me ba tsoela pele ho etsa liketso tse khōlō tse hlomphollang, 19 ka mohau oa hao o mongata ha ua ka ua ba tlohela+ lefeelleng. Topallo ea leru ha ea ka ea tloha holim ’a bona motšehare ho ba tsamaisa tseleng,+ kapa topallo ea mollo bosiu ho ba khantšetsa tsela eo ba lokelang ho tsamaea ka eona.+ 20 U ile ua fana ka moea oa hao o molemo+ ho etsa hore ba be bohlale, ’me ha ua ka ua tima melomo ea bona manna a hao,+ ’me ua ba fa metsi ha ba nyoriloe.+ 21 Ua ba fa lijo lefeelleng ka lilemo tse mashome a mane.+ Ba ne ba sa haelloe ke letho.+ Liaparo tsa bona ha lia ka tsa tsofala,+ le maoto a bona ha aa ka a ruruha.+

22 “Ua ba fa mebuso+ le lichaba, ’me ua ba arola likoto;+ hoo ba ileng ba rua naha ea Sihone,+ esita le naha ea morena oa Heshbone,+ le naha ea Oge+ morena oa Bashane.+ 23 Ua etsa hore bara ba bona ba be bangata joaloka linaleli tsa maholimo.+ Joale ua ba kenya naheng+ eo u neng u e tšepisitse baholo-holo ba bona+ hore ba lokela ho kena ho eona hore ba e rue. 24 Kahoo bara ba bona+ ba kena eaba ba rua naha,+ ’me ua kokobetsa+ ka pel’a bona baahi ba naha, Bakanana,+ ua nehelana ka bona matsohong a bona, esita le marena a bona+ le lichaba tsa naha,+ hore ba etse ka bona ho ea ka ho rata ha bona.+ 25 Ba hapa metse e etselitsoeng liqhobosheane+ le mobu o nonneng+ ’me ba rua matlo a tletseng lintho tsohle tse ntle,+ liliba tse chekiloeng,+ lirapa tsa morara le meru ea mohloaare+ le lifate bakeng sa lijo ka bongata, ’me ba qala ho ja le ho khora+ le ho nona+ le ho iketla molemong oa hao o moholo.+

26 “Leha ho le joalo, ba fetoha ba sa mameleng+ eaba baa u fetohela+ ’me ba ’na ba furalla molao oa hao,+ ba bolaea baprofeta ba hao,+ ba ileng ba paka khahlanong le bona ho ba khutlisetsa ho uena;+ ba tsoela pele ho etsa liketso tse hlomphollang haholo.+ 27 Ka lebaka la sena ua nehelana ka bona matsohong a bahanyetsi ba bona,+ ba ileng ba tsoela pele ho ba bakela mahlomola;+ empa nakong ea mahlomola a bona ba ne ba hoeletsa ho uena,+ ’me u ne u utloa u le maholimong;+ tumellanong le mohau oa hao o mongata+ u ne u ba fa bapholosi+ ba neng ba ba pholosa matsohong a bahanyetsi ba bona.+

28 “Empa hang ha ba phomotse, ba ne ba boela ba etsa se sebe ka pel’a hao,+ ’me u ne u ba tlohela matsohong a lira tsa bona, tse neng li ba hatakela.+ Joale ba ne ba khutla ’me ba hoeletsa ho uena ho kōpa thuso,+ ’me u ne u utloa u le maholimong+ ’me u ba lopolla tumellanong le mohau oa hao o mongata, nako le nako.+ 29 Le hoja u ne u paka+ khahlanong le bona ho ba khutlisetsa molaong oa hao,+ ba ile ba iketelletsa pele+ ’me ba se ke ba mamela litaelo tsa hao; ba siteloa+ liqeto tsa hao tsa boahloli,+ tseo, haeba motho a ka li phetha, a tlang ho boela a phele ka tsona.+ Ba ’na ba etsa manganga,+ ba satalatsa melala ea bona,+ ’me ba se ke ba mamela.+ 30 Empa ua ba mamella ka lilemo tse ngata+ ’me ua ’na ua paka+ khahlanong le bona ka moea oa hao u sebelisa baprofeta ba hao, ’me ha baa ka ba mamela.+ Qetellong ua nehelana ka bona matsohong a lichaba tsa linaha.+ 31 Mohaung oa hao o mongata ha ua ka ua ba felisa+ kapa ua ba tlohela;+ kaha u Molimo ea mosa+ le ea mohau.+

32 “Joale, Molimo oa rōna, Molimo e moholo,+ ea matla+ le ea tšabehang,+ ea bolokang selekane+ le mosa o lerato,+ u se ke ua tlohela hore tsietsi eohle e hlahetseng rōna,+ marena a rōna,+ likhosana tsa rōna+ le baprista ba rōna+ le baprofeta ba rōna+ le baholo-holo ba rōna+ le batho ba hao bohle ho tloha matsatsing a marena a Assyria ho fihlela letsatsing lena,+ e bonahale e le nyenyane ka pel’a hao.+ 33 U lokile+ mabapi le sohle se re etsahaletseng, etsoe u sebelitse ka botšepehi,+ empa ke rōna ba entseng bokhopo.+ 34 Ha e le marena a rōna, likhosana tsa rōna, baprista ba rōna le baholo-holo ba rōna,+ ha baa phetha molao oa hao,+ leha e le ho ela hloko litaelo tsa hao+ kapa bopaki ba hao boo u ileng ua paka ka bona+ khahlanong le bona. 35 Bona—nakong ea ’muso oa bona+ le har’a lintho tsa hao tse ngata tse ntle+ tseo u ileng ua ba fa tsona le naheng e pharaletseng le e nonneng+ eo u ileng ua ba fa eona, ha baa ka ba u sebeletsa+ ’me ha baa ka ba furalla liketso tsa bona tse mpe.+ 36 Bona! Kajeno re makhoba;+ ’me ha e le naha eo u ileng ua e fa baholo-holo ba rōna hore ba je litholoana tsa eona le lintho tsa eona tse ntle, bona! re makhoba holim ’a eona,+ 37 lihlahisoa tsa eona li atela+ marena+ ao u a behileng hore a re okamele ka lebaka la libe tsa rōna,+ ’me a busa ’mele ea rōna le liphoofolo tsa rōna tse ruuoang, ho ea ka ho rata ha ’ona, ’me re mahlomoleng a maholo.+

38 “Kahoo ka lebaka la sena sohle re etsa tumellano ea tokisetso e tšepahalang,+ ka ho e ngola le ho e paka ka tiiso+ ea likhosana tsa rōna, Balevi ba rōna le baprista ba rōna.”+

10 Joale ba ileng ba paka ka tiiso+ ke:

9 Le Balevi: Jeshua+ mora oa Azania, Binui oa bara ba Henadade,+ Kadmiele 10 le barab’abo bona Shebania,+ Hodia, Kelita, Pelaia, Hanane, 11 Mika, Rehobe, Hashabia, 12 Zakure, Sherebia,+ Shebania, 13 Hodia, Bani le Beninu.

14 Lihlooho tsa sechaba: Paroshe, Pahathe-moabe,+ Elame, Zatu, Bani, 15 Buni, Azgade, Bebai, 16 Adonija, Bigvai, Adine, 17 Atere, Ezekiase, Azure, 18 Hodia, Hashume, Bezai, 19 Harife, Anathothe, Nebai, 20 Magpiashe, Meshulame, Hezire, 21 Meshezabele, Tsadoke, Jadua, 22 Pelatia, Hanane, Anaia, 23 Hoshea, Hanania, Hashube, 24 Haloheshe, Pilha, Shobeke, 25 Rehume, Hashabna, Maseia, 26 le Akija, Hanane, Anane, 27 Maluke, Harime, Baana.

28 Ha e le batho ba bang kaofela, baprista,+ Balevi,+ balebeli ba liheke,+ libini,+ Banethinime+ le e mong le e mong ea ikarolang ho lichaba tsa linaha+ ho ea molaong+ oa Molimo oa ’nete, basali ba bona, bara ba bona le barali ba bona, e mong le e mong ea nang le tsebo le kutloisiso,+ 29 ba ne ba khomarela barab’abo bona,+ ba hlomphehang ba bona,+ ’me ba kena tlamong ea bomalimabe+ le kanong,+ ho tsamaea molaong oa Molimo oa ’nete, o neng o fanoe ka letsoho la Moshe mohlanka oa Molimo oa ’nete,+ le ho boloka+ le ho phetha litaelo tsohle tsa Jehova Morena oa rōna+ le liqeto tsa hae tsa boahloli le melao ea hae ea tsamaiso;+ 30 le hore re se ke ra fana ka barali ba rōna ho lichaba tsa naha, ’me barali ba tsona re se ke ra ba nkela bara ba rōna.+

31 Ha e le lichaba tsa naha+ tse neng li tlisa thepa le lijo-thollo tsa mofuta o mong le o mong ka letsatsi la sabatha ho rekisa, ha rea lokela ho nka letho ho tsona ka sabatha+ kapa ka letsatsi le halalelang,+ ’me re lokela ho tlohela selemo sa bosupa+ le molato oa letsoho le leng le le leng.+

32 Hape, ra itlama ka litaelo tsa ho fana, e mong le e mong oa rōna, ka karolo ea boraro ea shekele selemo le selemo bakeng sa tšebeletso ea ntlo ea Molimo oa rōna,+ 33 bakeng sa bohobe bo kolohantsoeng+ le nyehelo ea lijo-thollo ea kamehla+ le nyehelo ea secheso ea kamehla ea lisabatha,+ likhoeli tse thoasitseng,+ bakeng sa mekete e behiloeng+ le bakeng sa lintho tse halalelang+ le bakeng sa linyehelo tsa libe+ ho koahela libe bakeng sa Iseraele le mosebetsi oohle oa ntlo ea Molimo oa rōna.+

34 Hape, ra lahla lotho+ malebana le phepelo ea patsi+ eo baprista, Balevi le batho ba lokelang ho e tlisa ntlong ea Molimo oa rōna, ka ntlo ea baholo-holo ba rōna, ka linako tse behiloeng, selemo le selemo, ho e chesa holim ’a aletare ea Jehova Molimo oa rōna,+ ho ea ka se ngotsoeng molaong;+ 35 le ho tlisa litholoana tsa pele tse butsoitseng tsa naha ea rōna+ le litholoana tsa pele tse butsoitseng tsa litholoana tsohle tsa sefate+ sa mofuta o mong le o mong, selemo le selemo, ntlong ea Jehova; 36 le matsibolo+ a bara ba rōna le a liphoofolo tsa rōna tse ruuoang,+ ho ea ka se ngotsoeng molaong,+ le matsibolo a mehlape ea rōna ea liphoofolo tse khōlō le a mehlape ea rōna ea likhutšoane,+ ho a tlisa ntlong ea Molimo oa rōna, ho baprista ba neng ba sebeletsa ka tlung ea Molimo oa rōna.+ 37 Hape, re lokela ho tlisa litholoana tsa pele tsa lithollo tsa rōna tse haitsoeng+ le menehelo ea rōna+ le litholoana tsa sefate+ sa mofuta o mong le o mong, veine e ncha+ le oli+ ho baprista liholong tsa ho jela+ tsa ntlo ea Molimo oa rōna, le karolo ea leshome e tsoang mobung oa rōna ho Balevi,+ kaha Balevi, ke bona ba amohelang karolo ea leshome metseng eohle ea rōna ea temo.

38 Moprista, mora oa Arone, o tla ba le Balevi ha Balevi ba amohela karolo ea leshome; Balevi ba lokela ho nyehela karolo ea leshome ea karolo ea leshome ntlong ea Molimo oa rōna+ liholong tsa ho jela+ tsa ntlo ea phepelo. 39 Etsoe bara ba Iseraele le bara ba Balevi ba lokela ho tlisa monehelo+ oa lijo-thollo, veine e ncha+ le oli, liholong tsa ho jela, ke moo ho neng ho e-na le lisebelisoa tsa sehalalelo le baprista ba neng ba sebeletsa,+ le balebeli ba liheke+ le libini;+ ha rea lokela ho hlokomoloha ntlo ea Molimo oa rōna.+

11 Joale likhosana+ tsa sechaba li ne li lula Jerusalema;+ empa ha e le batho ba bang kaofela, ba ile ba lahla lotho+ e le ho tlisa a le mong ho ba bang le ba bang ba leshome hore a lule Jerusalema motseng o halalelang,+ le likarolong tse ling tse robong metseng e meng. 2 Ho feta moo, batho ba ile ba hlohonolofatsa+ banna bohle ba ileng ba ithaopela+ ho lula Jerusalema.

3 Tsena ke lihlooho tsa profinse+ tse neng li lula Jerusalema;+ empa metseng ea Juda ho ne ho lula Baiseraele,+ baprista+ le Balevi,+ le Banethinime+ le bara ba bahlanka ba Solomone,+ e mong le e mong a lula setšeng sa hae, metseng ea bona.+

4 Hape, Jerusalema ho ne ho lula ba bang ba bara ba Juda le ba bang ba bara ba Benjamine.+ Ho bara ba Juda ho ne ho e-na le Athaia mora oa Uzia mora oa Zakaria mora oa Amaria mora oa Shefatia mora oa Mahalalele oa bara ba Pereze;+ 5 Maseia mora oa Baruke mora oa Kolekoze mora oa Hazaia mora oa Adaia mora oa Jojaribe mora oa Zakaria mora oa Moshela. 6 Bara bohle ba Pereze ba neng ba lula Jerusalema ba ne ba le makholo a mane le mashome a tšeletseng a metso e robeli, banna ba nang le bokhoni.

7 Bana e ne e le bara ba Benjamine:+ Salu mora oa Meshulame+ mora oa Joede mora oa Pedaia mora oa Kolaia mora oa Maseia mora oa Ithiele mora oa Jeshaia; 8 ka mor’a hae Gabai le Salai, makholo a robong le mashome a mabeli a metso e robeli; 9 Joele mora oa Zikri, molebeli oa bona, le Juda mora oa Hasenua holim ’a motse e le oa bobeli.

10 Ho baprista: Jedaia mora oa Jojaribe,+ Jakine,+ 11 Seraia mora oa Hilkia mora oa Meshulame+ mora oa Tsadoke+ mora oa Merajothe mora oa Ahitube,+ moeta-pele oa ntlo ea Molimo oa ’nete; 12 barab’abo bona ba etsang mosebetsi oa ntlo,+ makholo a robeli le mashome a mabeli a metso e ’meli; Adaia mora oa Jerohame+ mora oa Pelalia mora oa Amzi mora oa Zakaria mora oa Pashkure+ mora oa Malkija,+ 13 le barab’abo, lihlooho tsa malapa a habo ntat’a bona,+ makholo a mabeli le mashome a mane a metso e ’meli, le Amashesai mora oa Azarele mora oa Ahazai mora oa Meshilemothe mora oa Imere, 14 le barab’abo bona, banna ba matla ba sebete,+ lekholo le mashome a mabeli a metso e robeli, ’me ho ne ho e-na le molebeli+ oa bona, Zabdiele mora oa ba baholo.

15 Le ho Balevi:+ Shemaia mora oa Hashube mora oa Azrikame mora oa Hashabia+ mora oa Buni, 16 le Shabthai+ le Jozabade,+ ba lihlooho tsa Balevi, holim ’a mosebetsi o ka ntle oa ntlo ea Molimo oa ’nete; 17 Matania,+ mora oa Mikea mora oa Zabdi mora oa Asafe,+ motsamaisi oa ho binoa ha lithoriso,+ o ne a roka thapelong,+ ’me Bakebukia e ne e le oa bobeli ho barab’abo, le Abda mora oa Shamua mora oa Galale+ mora oa Jeduthune.+ 18 Balevi bohle motseng+ o halalelang ba ne ba le makholo a mabeli le mashome a robeli a metso e mene.

19 Balebeli ba liheke+ e ne e le Akube, Talmone+ le barab’abo bona ba neng ba lebela lihekeng,+ lekholo le mashome a supileng a metso e ’meli.

20 Ba bang kaofela ho Iseraele, ho baprista le ho Balevi, ba ne ba le metseng e meng eohle ea Juda, e mong le e mong lefeng la hae.+ 21 Banethinime+ ba ne ba lula Ofele;+ Ziha le Gishpa ba ne ba okametse Banethinime.

22 Molebeli+ oa Balevi Jerusalema e ne e le Uzi mora oa Bani mora oa Hashabia mora oa Matania+ mora oa Mika+ oa bara ba Asafe,+ libini,+ malebana le mosebetsi oa ntlo ea Molimo oa ’nete. 23 Etsoe ho ne ho e-na le taelo ea morena bakeng sa bona,+ ’me ho e-na le tokisetso e tsitsitseng bakeng sa libini kamoo letsatsi ka leng le neng le hloka kateng.+ 24 Pethahia mora oa Meshezabele oa bara ba Zera mora oa Juda o ne a le ka lehlakoreng la morena bakeng sa taba e ’ngoe le e ’ngoe ea sechaba.

25 Mabapi le metsana+ linaheng tsa bona, ho ne ho e-na le ba bang ba bara ba Juda ba neng ba lula Kiriathe-arba+ le metseng e itšetlehileng ka eona le Dibone le metseng e itšetlehileng ka eona le Jekabezele+ le metsaneng ea eona, 26 le Jeshua le Molada+ le Bethe-pelete+ 27 le Hazare-shuale+ le Beerseba+ le metseng e itšetlehileng ka eona 28 le Ziklage+ le Mekona le metseng e itšetlehileng ka eona 29 le Ene-rimone+ le Zora+ le Jarmuthe,+ 30 Zanooa,+ Adulame+ le metsaneng ea eona, Lakishe+ le masimong a eona, Azeka+ le metseng e itšetlehileng ka eona. Ba hloma liahelo ho tloha Beerseba ho ea fihla phuleng ea Hinome.+

31 Bara ba Benjamine ba ne ba le ho tloha Geba,+ Mikmashe+ le Aija+ le Bethele+ le metseng e itšetlehileng ka eona, 32 Anathothe,+ Nobe,+ Anania, 33 Hazore, Rama,+ Gitaime,+ 34 Hadide, Zeboime, Nebalate, 35 Lode+ le Ono,+ phuleng ea litsebi tsa mesebetsi ea matsoho. 36 Ho Balevi ho ne ho e-na le lihlopha tsa Juda bakeng sa Benjamine.

12 Bana e ne e le baprista le Balevi ba ileng ba nyoloha le Zorobabele+ mora oa Shalatiele+ le Jeshua:+ Seraia, Jeremia, Esdrase, 2 Amaria,+ Maluke, Hatushe, 3 Shekania, Rehume, Meremothe, 4 Ido, Ginethoi, Abija, 5 Mijamine, Madia, Bilga, 6 Shemaia,+ le Jojaribe, Jedaia,+ 7 Salu, Amoke,+ Hilkia, Jedaia.+ Bana e ne e le lihlooho tsa baprista le barab’abo bona matsatsing a Jeshua.+

8 Balevi e ne e le Jeshua,+ Binui,+ Kadmiele,+ Sherebia, Juda, Matania,+ bakeng sa ho fana ka liteboho, eena le barab’abo. 9 Bakbukia le Uni barab’abo bona ba ne ba le mabapa le bona bakeng sa mesebetsi ea ho lebela. 10 Jeshua a tsoala Jojakime,+ Jojakime a tsoala Eliashibe,+ ’me Eliashibe ea e-ba oa Jojada.+ 11 Jojada a tsoala Jonathane, ’me Jonathane a tsoala Jadua.+

12 Matsatsing a Jojakime ha e-ba le baprista, lihlooho tsa malapa+ a habo ntat’a bona: bakeng sa Seraia,+ e le Meraia; bakeng sa Jeremia, e le Hanania; 13 bakeng sa Esdrase,+ e le Meshulame; bakeng sa Amaria, e le Johanane; 14 bakeng sa Maluki, e le Jonathane; bakeng sa Shebania,+ e le Josefa; 15 bakeng sa Harime,+ e le Adna; bakeng sa Merajothe, e le Helkai; 16 bakeng sa Ido, e le Zakaria; bakeng sa Ginethone, e le Meshulame; 17 bakeng sa Abija,+ e le Zikri; bakeng sa Miniamine, ——; bakeng sa Moadia, e le Pilthai; 18 bakeng sa Bilga,+ e le Shamua; bakeng sa Shemaia, e le Jonathane; 19 bakeng sa Jojaribe, e le Matenai; bakeng sa Jedaia,+ e le Uzi; 20 bakeng sa Salai, e le Kalai; bakeng sa Amoke, e le Ebere; 21 bakeng sa Hilkia, e le Hashabia; bakeng sa Jedaia,+ e le Nethaniele.

22 Balevi matsatsing a Eliashibe,+ Jojada+ le Johanane le Jadua+ ba ile ba tlalehoa hore e be lihlooho tsa malapa a habo ntat’a bona, le baprista, ho fihlela boreneng ba Dariuse Mopersia.

23 Bara ba Levi e le lihlooho tsa malapa a habo ntat’a bona+ ba ile ba tlalehoa bukeng ea litaba tsa linako, esita le ho fihlela matsatsing a Johanane mora oa Eliashibe. 24 Lihlooho tsa Balevi e ne e le Hashabia, Sherebia+ le Jeshua mora oa Kadmiele+ le barab’abo bona mabapa le bona bakeng sa ho fana ka thoriso le ho leboha ho ea ka taelo+ ea Davida monna oa Molimo oa ’nete, sehlopha sa balebeli se bapile le sehlopha sa balebeli. 25 Matania+ le Bakbukia, Obadia, Meshulame, Talmone, Akube+ ba ne ba lebela e le balebeli ba liheke,+ sehlopha sa balebeli haufi le lipolokelo tsa liheke. 26 Bana ba ne ba le matsatsing a Jojakime+ mora oa Jeshua+ mora oa Jozadake+ le matsatsing a ’musisi Nehemia+ le moprista Esdrase,+ mokopitsi.+

27 Khakolong+ ea lerako la Jerusalema ba ile ba batla Balevi, ho ba ntša libakeng tsohle tsa bona ho ba isa Jerusalema ho ea khakola le ho thaba esita le ka liteboho+ le ka pina,+ licymbala le liletsa tse likhoele+ le ka liharepa.+ 28 Bara ba libini ba qala ho bokana esita le ho tsoa Seterekeng,+ ho tsoa hohle ho pota-pota Jerusalema le ho tsoa metsaneng ea Banetofa,+ 29 le ho tsoa Bethe-gilgale+ le ho tsoa linaheng tsa Geba+ le Azmavethe,+ etsoe ho ne ho e-na le metsana+ eo libini li neng li ikahetse eona hohle ho pota-pota Jerusalema. 30 Baprista le Balevi ba itlhoekisa+ ’me ba hloekisa batho+ le liheke+ le lerako.+

31 Joale ka hloesetsa likhosana+ tsa Juda lerakong. Ho ekelletsa moo, ka beha lihlopha tse peli tse khōlō tsa libini tsa liteboho+ le mekoloko, [’me o mong o ne o tsamaea] ho ea ka ho le letona holim ’a lerako ho ea Hekeng ea Lithotobolo.+ 32 Hoshai le halofo ea likhosana tsa Juda ba qala ho li latela, 33 le Azaria, Esdrase le Meshulame, 34 Juda le Benjamine le Shemaia le Jeremia; 35 le ho bara ba baprista ba nkileng literompeta+ Zakaria mora oa Jonathane mora oa Shemaia mora oa Matania mora oa Mikaia mora oa Zakure+ mora oa Asafe,+ 36 le barab’abo, Shemaia le Azarele, Milalai, Gilalai, Mai, Nethaniele le Juda, Hanani, ba e-na le liletsa+ tsa pina tsa Davida monna oa Molimo oa ’nete; ’me mokopitsi Esdrase+ a le ka pel’a bona. 37 Hekeng ea Seliba+ le ka pel’a bona ba nyoloha Litepising+ tsa Motse oa Davida+ ka moepa oa lerako holim ’a Ntlo ea Davida le ho ea fihla Hekeng ea Metsi+ ho ea ka bochabela.

38 Sehlopha se seng sa libini tsa liteboho+ se ne se tsamaea ka pele, ’me ’na ke tsamaea ka mor’a sona, le halofo ea batho, holim ’a lerako ka holim ’a Tora ea Lionto tsa ho Apeha+ le ho ea fihla Lerakong le Sephara,+ 39 le ka holim ’a Heke ea Efraime+ le ho ea fihla Hekeng ea Motse oa Khale+ le ho ea fihla Hekeng ea Litlhapi+ le Toreng ea Hananiele+ le Toreng ea Mea+ le ho ea fihla Hekeng ea Linku;+ eaba ba emisa Hekeng ea Balebeli.

40 Qetellong lihlopha tse peli tsa libini tsa liteboho+ tsa emisa ntlong+ ea Molimo oa ’nete, le ’na hammoho le halofo ea batlatsi ba ’musi,+ 41 le baprista Eliakime, Maseia, Miniamine, Mikaia, Elioenai, Zakaria, Hanania ba e-na le literompeta,+ 42 le Maseia le Shemaia, le Eleazare le Uzi le Johanane le Malkija le Elame le Ezere. Libini tse nang le Izrahia molebeli tsa ’na tsa etsa hore li utluoe.+

43 Letsatsing leo ba etsa mahlabelo a maholo+ ’me ba thaba,+ etsoe Molimo oa ’nete o ile a etsa hore ba thabe ka thabo e khōlō.+ Basali+ le bana+ ba thaba, hoo ho thaba ha Jerusalema ho neng ho ka utluoa hōle haholo.+

44 Ho ekelletsa moo, letsatsing leo ho ile ha behoa banna hore ba okamele liholo+ tsa lipolokelo,+ tsa menehelo,+ tsa litholoana tsa pele+ le tsa likarolo tsa leshome,+ ho bokella ka ho tsona ho tsoa masimong a metse likarolo tse batloang ke molao+ bakeng sa baprista le Balevi;+ etsoe thabo ea Juda e ne e tlisoa ke baprista le Balevi+ ba neng ba le teng. 45 Ba qala ho hlokomela mosebetsi+ oa Molimo oa bona le mosebetsi oa tlhoekiso,+ le libini+ le balebeli ba liheke,+ ho ea ka taelo ea Davida le mora oa hae Solomone. 46 Etsoe matsatsing a Davida le Asafe nakong e fetileng ho ne ho e-na le lihlooho tsa libini+ le pina ea thoriso le liteboho ho Molimo.+ 47 Baiseraele bohle matsatsing a Zorobabele+ le matsatsing a Nehemia+ ba ne ba fana ka likarolo tsa libini+ le tsa balebeli ba liheke+ ho ea ka se hlokahalang letsatsi le leng le le leng ’me ba ne ba li halaletsa ho Balevi;+ Balevi ba ne ba li halaletsa ho bara ba Arone.

13 Letsatsing leo ha baloa+ ho tsoa bukeng+ ea Moshe moo batho ba utloang; ’me ha fumanoa ho ngoliloe ho eona hore Moammone+ le Momoabe+ ha baa lokela ho kena ka phuthehong ea Molimo oa ’nete ho isa nakong e sa lekanyetsoang,+ 2 kaha ba ne ba sa khahlanyetsa bara ba Iseraele ka bohobe+ le ka metsi,+ empa ba qala ho hira Balame+ khahlanong le bona hore a ba rohake.+ Leha ho le joalo, Molimo oa rōna a fetola thohako hore e be tlhohonolofatso.+ 3 Eitse hang ha ba utloa molao,+ ba qala ho arola+ ho Iseraele sehlopha sohle se tsoakaneng.

4 Joale pele ho sena, Eliashibe+ moprista ea ikarabellang holong ea ho jela+ ea ntlo ea Molimo oa rōna e ne e le mong ka Tobia;+ 5 a mo etsetsa holo e khōlō ea ho jela,+ eo ho eona pele ba neng ba beha nyehelo ea lijo-thollo kamehla,+ libano tse tšoeu le lisebelisoa le karolo ea leshome ea lijo-thollo, veine e ncha+ le oli,+ tseo Balevi+ le libini le balebeli ba liheke ba nang le tokelo ho tsona, le monehelo bakeng sa baprista.

6 Nakong ena eohle ke ne ke se Jerusalema, etsoe selemong sa mashome a mararo a metso e ’meli+ sa Artaxerxerse+ morena oa Babylona ke ile ka tla ho morena, ’me hamorao ka kōpa ho morena hore ke be sieo.+ 7 Joale ka tla Jerusalema ’me ka hlokomela bobe boo Eliashibe+ a neng a bo entse bakeng sa Tobia+ ka ho mo etsetsa holo lebaleng la ntlo+ ea Molimo oa ’nete. 8 Ha bonahala ho le hobe haholo ho ’na.+ Kahoo ka lahlela+ thepa eohle ea ntlo ea Tobia ka ntle ho holo ea ho jela. 9 Ka mor’a moo ka ntša taelo ’me ba hloekisa+ liholo tsa ho jela;+ eaba ke khutlisetsa lisebelisoa+ tsa ntlo ea Molimo oa ’nete moo, hammoho le nyehelo ea lijo-thollo le libano tse tšoeu.+

10 Ka fumana hore Balevi ba ne ba sa fuoa likarolo+ tsa bona, hoo Balevi le libini tse etsang mosebetsi li ileng tsa qala ho baleha, e mong le e mong ho ea tšimong ea hae.+ 11 Ka qala ho fumana molato+ ho batlatsi ba ’musi+ ’me ka re: “Ke hobane’ng ha ntlo ea Molimo oa ’nete e hlokomolohuoe?”+ Ka lebaka leo ka ba phutha ’me ka ba emisa libakeng tseo ba emang ho tsona. 12 Bajuda bohle ba tlisa karolo ea leshome+ ea lijo-thollo+ le ea veine e ncha+ le ea oli+ lipolokelong.+ 13 Ka beha moprista Shelemia le mokopitsi Tsadoke le Pedaia oa Balevi hore ba laole lipolokelo; tlas’a taolo ea bona ho ne ho e-na le Hanane mora oa Zakure mora oa Matania,+ kaha ba ne ba nkoa ba tšepahala;+ ’me ho ne ho le matleng a bona ho abela+ barab’abo bona.

14 Molimo oa ka, u nkhopole+ malebana le sena, ’me u se ke ua hlakola+ liketso tsa ka tsa mosa o lerato tseo ke li entseng malebana le ntlo+ ea Molimo oa ka le ho hlokomeloa ha eona.

15 Matsatsing ao ka bona Juda batho ba hatakelang lihatelo tsa veine ka sabatha+ le ba tlisang liqubu tsa lijo-thollo le ho li belesa+ liesele,+ le veine, morara le lifeiga+ le moroalo oa mofuta o mong le o mong, ’me ba li tlisa Jerusalema ka letsatsi la sabatha;+ eaba ke paka khahlanong le bona letsatsing la ho rekisa ha bona lijo. 16 Batyre+ ba ne ba lula motseng, ba tlisa litlhapi le thepa e rekisoang+ ea mofuta o mong le o mong ’me ba rekisetsa bara ba Juda le Jerusalema ka sabatha. 17 Kahoo ka qala ho fumana molato ho bahlomphehi+ ba Juda ’me ka re ho bona: “Ntho ee e mpe eo le e etsang ke’ng, esita le ho silafatsa letsatsi la sabatha? 18 Na ee hase tsela eo baholo-holo ba lōna ba ileng ba etsa ka eona,+ hoo Molimo oa rōna a ileng a tlisa tlokotsi ee holim ’a rōna bohle,+ le holim ’a motse oo? Empa leha ho le joalo le ekeletsa Iseraele bohale bo tukang ka ho silafatsa sabatha.”+

19 Eitse hang ha liheke tsa Jerusalema li koahetsoe ke meriti pele ho sabatha, kapele-pele ka ntša taelo eaba mamati a qala ho koaloa.+ Ho ekelletsa moo ka re ha baa lokela ho a bula ho fihlela ka mor’a sabatha; ’me ka emisa ba bang ba bahlanka ba ka lihekeng e le hore ho se ke ha e-ba le moroalo o ka kenang ka letsatsi la sabatha.+ 20 Ka lebaka leo bahoebi le barekisi ba thepa e rekisoang ea mofuta o mong le o mong ba hlola bosiu ka ntle ho Jerusalema hanngoe le ka lekhetlo la bobeli. 21 Joale ka paka+ khahlanong le bona ’me ka re ho bona: “Ke hobane’ng ha le hlola bosiu ka pel’a lerako? Haeba le ho etsa hape, ke tla le isa letsoho.”+ Ho tloha ka nako eo ho ea pele ha baa ka ba tla ka sabatha.

22 Ka tsoela pele ho bolella Balevi+ hore ba lokela ho itlhoekisa+ kamehla le ho kena, ba lebele liheke+ ho halaletsa+ letsatsi la sabatha. Sena, le sona, u se hopole+ ka lebaka la ka, Molimo oa ka, ’me u nkutloele bohloko ho ea ka bongata ba mosa oa hao o lerato.+

23 Hape, matsatsing ao ka bona Bajuda ba neng ba fane ka bolulo+ ho basali ba Baashdode,+ Baammone le Bamoabe.+ 24 Ha e le bara ba bona, halofo e ne e bua Seashdode, ’me ho ne ho se le ea mong oa bona ea tsebang ho bua Sejuda,+ haese leleme la lichaba tse fapaneng. 25 Ka qala ho fumana molato ho bona ’me ka ba rohaka+ ka otla banna ba bang ba bona+ ka ba hlotha moriri ’me ka ba hlapantša ka Molimo:+ “Ha lea lokela ho fana ka barali ba lōna ho bara ba bona, ’me ha lea lokela ho amohela barali leha e le bafe ba bona bakeng sa bara ba lōna kapa bakeng sa lōna.+ 26 Na hase ka lebaka la baa Solomone morena oa Iseraele a ileng a etsa sebe?+ Har’a lichaba tse ngata ho ne ho se na morena ea joaloka eena;+ ’me o ne a ratoa ke Molimo oa hae,+ hoo Molimo a ileng a mo etsa morena oa Baiseraele bohle. Esita le eena basali basele ba ile ba etsa hore a etse sebe.+ 27 Na hase ntho e e-s’o utluoe hore le etse bobe boo bohle bo boholo ka ho etsa ka ho se tšepahale khahlanong le Molimo oa rōna ka ho fa basali basele bolulo?”+

28 E mong oa bara ba Jojada+ mora oa moprista ea phahameng Eliashibe+ e ne e le mokhoenyana oa Sanbalate+ Mohorone.+ Kahoo ka mo leleka ho ’na.+

29 Molimo oa ka, u ba hopole ka lebaka la tšilafatso+ ea boprista le selekane+ sa boprista le sa Balevi.+

30 Ka ba hloekisa+ nthong e ’ngoe le e ’ngoe esele ’me ka abela baprista le Balevi mesebetsi, e mong le e mong mosebetsing oa hae,+ 31 esita le bakeng sa phepelo ea patsi+ ka linako tse behiloeng le bakeng sa litholoana tsa pele tse butsoitseng.

Molimo oa ka, u nkhopole+ bakeng sa se molemo.+