Paradeise e Lahlehileng

Batho ba bangata ba na le kopi ea khale ea buka Ho Tloha Paradeising e Lahlehileng Ho ea Paradeising e Fumanehileng Hape kapa mohlomong ba neile motsoalle oa bona buka ena. Ho tloha ka 1958, ho ile ha hatisoa likopi tse ka holimo ho limillione tse 15 tsa buka ena.

Hobane ho ka etsahala hore libuka tsa Paradeise tse leng setokong hona joale li fele, re u khothalletsa ho iphumanela kopi ea buka ena ho nka sebaka sa ea pele, haeba u lakatsa joalo.

Ho sa na le batho ba bang ba e-so ho ka ba bala buka ena e nang le litšoantšo, mongolo o motenya le tlaleho ea Bibele e ngotsoeng ka mokhoa o bonolo ha ka utloisisoa. E qala ka ho lahleheloa ha Adama le Eva ke paradeise ho fihla ha paradeise e fumanoa hape kamorao ho Harmagedone.

Kahoo haeba u batla ho fumana buka e ncha ea Paradeise kapa u batla buka bakeng sa ea pele, hle sebelisa kupone e mona tlase.

Hle nthomelleng buka Ho Tloha Paradeising e Lahlehileng Ho ea Paradeising e Fumanehileng Hape e nang le maqephe a 256 le sekoahelo se thata, poso e lefelletsoe. Ke kentse R1,00.