Moqebelo, la 14 March
Jesu o ile a inehela bakeng sa rona ho re pholosa . . . le hore a hloekise batho bao e leng letlotlo la hae le khethehileng ba chesehelang ho etsa mesebetsi e metle.—Tite 2:14.
Ntho e ’ngoe e khethollang bahlanka ba Jehova ho batho ba ipitsang Bakreste, ke tsela eo ba chesehelang tšebeletso ea tšimo ka eona. Ke eng e ka u thusang hore u lule u cheseha kapa u eketsa cheseho ea hao mosebetsing oa boboleli? Mohlala oa Jesu o ka re thusa ho bona hore na ke joang re ka chesehelang mosebetsi oa boboleli. Ha aa ka a khaotsa ho bolela ka cheseho nakong eo a ntseng a le lefatšeng. Ha e le hantle, o sebelitse ka thata le ho feta ha nako e ntse e ea. Joaloka motho ea hlokomelang tšimo ea lifate ea ileng a qeta lilemo tse tharo a ntse a hlokomela sefate sa feie empa se sa behe litholoana, Jesu le eena o qetile lilemo tse ka bang tse tharo a ntse a pakela Bajuda, empa ba bangata ba bona ha ea ka ea e-ba balateli ba hae. Leha ho le joalo, joalokaha monna ea hlokomelang tšimo ea lifate a sa ka a fella sefate sa feie pelo, Jesu le eena ha aa ka a tela kapa a hulanya maoto mosebetsing oa boboleli. (Luka 13:6-9) Ha re ithuta linthong tseo a li rutileng ebile re etsa lintho joaloka eena, seo se tla re thusa hore le rona re lule re cheseha kajeno. w25.03 14-15 ¶1-4
LA 9-15 MARCH
ESAIA 43-44
Pina ea 63 le Thapelo | Seo re Tl’o Ithuta Sona (1 mots.)
1. Boprofeta bo Ileng ba Ngoloa Lilemo Tse 200 Pele bo Phethahala
(10 mets.)
Noka ea Babilona e tla “psha” (Esa 44:27; gm 123-124 ¶16-17)
Molaoli oa Persia ea bitsoang Saeruse e ne e tla ba “molisa” oa Molimo (Esa 44:28a; it “Saeruse” ¶7)
Saeruse o ne a tla romela batho ba Molimo Jerusalema e le hore ba tsosolose motse le tempele (Esd 1:1-3; Esa 44:28b; it “Saeruse” ¶17)
BATLISISA KA SENA: Saeruse o ile a etsa’ng ho phethahatsa lengolo la Esaia 45:1-4?
2. Matlotlo a Patiloeng
(10 mets.)
Esa 44:28—Re tseba joang hore Jehova ha aa ka a qobella Saeruse hore a mo sebeletse? (w24.02 30 ¶8)
U ithutile’ng ’malong oa Bibele oa bekeng ee?
3. ’Malo oa Bibele
(4 mets.) Esa 44:9-20 (th khaolo ea 10)
4. Ha u Qala Moqoqo
(1 mots.) KA NTLO LE NTLO. Fana ka memo ea Sehopotso. (lmd thuto ea 4 ntlha ea 3)
5. Ha u Qala Moqoqo
(3 mets.) BUA LE BATHO HA MONYETLA O HLAHA. Memela motho eo u mo tsebang Sehopotsong. (lmd thuto ea 3 ntlha ea 4)
6. Ha u Qala Moqoqo
(3 mets.) BUA LE BATHO HA MONYETLA O HLAHA. Kopa mohiri oa hao hore a u lumelle u ee Sehopotsong. (lmd thuto ea 6 ntlha ea 3)
7. Khutlela ho Batho
(4 mets.) KA NTLO LE NTLO. Kopa ho ithuta Bibele le mong’a ntlo ea ileng a amohela memo ea Sehopotso. (lmd thuto ea 7 ntlha ea 4)
Pina ea 69
8. Litlhoko Tsa Phutheho
(15 mets.)
9. Thuto ea Bibele ea Phutheho
(30 mets.) lfb selekela sa karolo ea 11 le thuto ea 68-69