Laboraro, la 25 March
Ke tlameha ho ea metseng e meng ke hase molaetsa ona o monate oa ’Muso oa Molimo hobane ke rometsoe ho etsa joalo.—Luka 4:43.
Jesu o ile a bolela ‘molaetsa o monate oa ’Muso’ ka cheseho hobane o ne a tseba hore ke mosebetsi oo Molimo a neng a batla hore a o etse. Ho bolela litaba tse monate e ne e le eona ntho e tlang pele bophelong ba Jesu. Le likhoeling tsa ho qetela tsa tšebeletso ea hae, Jesu o ile “a tsamaea metse le metsana” a ntse a ruta batho. (Luka 13:22) Hape o ile a koetlisa barutuoa ba eketsehileng hore le bona ebe baboleli joaloka eena. (Luka 10:1) Ho bolela litaba tse monate e ntse e le oona mosebetsi oa bohlokoa ka ho fetisisa oo Jehova le Jesu ba batlang hore re o etse mehleng ena. (Mat. 24:14; 28:19, 20) Re ka eketsa cheseho ea rona mosebetsing oa boboleli ka ho nka batho ka tsela eo Jehova a ba nkang ka eona. O batla hore batho ba bangata kamoo ho ka khonehang ba utloe litaba tse monate le hore ba ithute ’nete ka eena. (1 Tim. 2:3, 4) Kahoo, oa re koetlisa hore re ntlafatse tsela eo re rutang molaetsa ona o pholosang bophelo ka eona. Le haeba batho ba ke ke ba qala ho sebeletsa Jehova hona joale, ba ka ’na ba e-ba le monyetla oa ho etsa joalo pele mahlomola a maholo a fela. w25.03 15-16 ¶5-7
LA 23-29 MARCH
ESAIA 48-49
Pina ea 89 le Thapelo | Seo re Tl’o Ithuta Sona (1 mots.)
1. Rua Molemo ka ho Mamela Jehova
(10 mets.)
Jehova o ruta batho ba hae (Esa 48:17; it “Morupeli, Ho Ruta” ¶2)
Re lokela ho khetha ho mamela Jehova (Esa 48:18a; ijwbq sehlooho sa 44 ¶2-3)
Haeba re khetha ho mamela Jehova, khotso ea rona e tla “tšoana le noka” le ho loka ha rona ho “tšoane le maqhubu a leoatle” (Esa 48:18b; lv 199 ¶8)
TLHALOSO: Lentsoe la Seheberu le fetoletsoeng e le “khotso” le ka bolela ho phela hantle, ho sireletseha, ho ba le botsitso, ho thaba le ho utloana le batho.
2. Matlotlo a Patiloeng
(10 mets.)
Esa 49:8—Boprofeta boo bo phethahetse joang ka makhetlo a mararo? (it “Nako ea ho Bontša Mosa” ¶1-3)
U ithutile’ng ’malong oa Bibele oa bekeng ee?
3. ’Malo oa Bibele
(4 mets.) Esa 48:9-20 (th khaolo ea 11)
4. Ha u Qala Moqoqo
(3 mets.) BUA LE BATHO HA MONYETLA O HLAHA. Mema e mong oa lelapa ea seng a sa ee libokeng le tšimong puong e khethehileng le Sehopotsong. (lmd thuto ea 5 ntlha ea 3)
5. Khutlela ho Batho
(4 mets.) BUA LE BATHO HA MONYETLA O HLAHA. Hlalosetsa motho ea batlang ho tla Sehopotsong hore na ho etsahala’ng Sehopotsong. (lmd thuto ea 9 ntlha ea 3)
6. Khutlela ho Batho
(5 mets.) BUA LE BATHO HA MONYETLA O HLAHA. Ka mor’a puo ea Sehopotso, araba lipotso tsa motho ea tlileng ea bontšang thahasello. (lmd thuto ea 8 ntlha ea 3)
Pina ea 107
7. U ka Etsa’ng Hore Letsatsi la Bohlokoa ka ho Fetisisa Selemong le u Tsoele Molemo?
(15 mets.) Puisano.
Ha re e-ea Sehopotsong selemo le selemo, re bontša hore re mamela taelo ea Jesu le ho ananela mpho ea tefo ea topollo eo Jehova a re fileng eona. (Lu 22:19) Hape, ketsahalo ena e re fa monyetla oa ho nahana kamoo Jehova le Mora oa hae ba re ratang kateng. (Gal 2:20; 1Jo 4:9, 10) Re ka etsa’ng hore re rue molemo mphong ee eo Jehova a re fileng eona? Re ka etsa’ng ho thusa batho ba thahasellang hore le bona ba rue molemo?
Letsatsi le letsatsi bala le ho thuisa ka ’malo oa Bibele oa Sehopotso
Nahanisisa ka tefo ea topollo le hore na u ka etsa’ng ho bontša hore oa e ananela
Etsa sohle seo u ka se khonang ho memela batho bao u ba tsebang, ba lelapa le baahisani puong e khethehileng le Sehopotsong
Amohela baeti ba tlileng Sehopotsong ka mofuthu. Ha u ntse u thusa batho bao u ba memmeng, u ka sheba le ba fumaneng memo ka nako ea letšolo ’me oa ba kopa hore ba lule le uena
Lula u itokiselitse ho araba lipotso tseo baeti ba ka li botsang
Ikemisetse ho amohela batho ba seng ba sa tle libokeng le tšimong. Ka ho khetheha baholo ba lokela ho lula ba itokiselitse ho amohela batho ba ileng ba tlosoa ka phuthehong
Shebellang VIDEO ea Jesu “o Tletse ho Batla le ho Pholosa se Neng se Lahlehile” ebe u botsa bamameli potso e latelang:
Ke hobane’ng ha e le ha bohlokoa hore re amohele ka mofuthu batho ba seng ba sa tle libokeng le tšimong ha ba tlile Sehopotsong?
8. Thuto ea Bibele ea Phutheho
(30 mets.) lfb thuto ea 72-73