Cha Pili cha Mambo ya Nyakati

26 Kisha watu wote wa Yuda wakamukamata Uzia,+ mwenye alikuwa na miaka kumi na sita (16), na wakamufanya kuwa mufalme pa nafasi ya Amazia baba yake.+ 2 Alijenga upya Eloti+ na kuirudisha kwa Yuda kisha mufalme* kulalishwa na kupumuzika pamoja na mababu zake.+ 3 Uzia+ alikuwa na miaka kumi na sita (16) wakati alikuwa mufalme, na alitawala kwa miaka makumi tano na mbili (52) katika Yerusalemu. Jina la mama yake lilikuwa Yekolia wa Yerusalemu.+ 4 Aliendelea kufanya mambo yenye yalikuwa sawa mbele ya macho ya Yehova, kama vile Amazia baba yake alikuwa amefanya.+ 5 Na aliendelea kumutafuta Mungu katika siku za Zekaria, mwenye alimufundisha kumuogopa Mungu wa kweli. Katika ule wakati wenye alikuwa anamutafuta Yehova, Mungu wa kweli alimufanya apate matokeo ya muzuri.+

6 Akatoka na kupigana na Wafilisti+ na akatoboa ukuta wa Gati,+ ukuta wa Yabne,+ na ukuta wa Ashdodi.+ Kisha akajenga miji katika eneo la Ashdodi na katikati ya Wafilisti. 7 Mungu wa kweli aliendelea kumusaidia juu ya Wafilisti, juu ya Waarabu+ wenye walikuwa wanaishi katika Gurbaali, na juu ya Wameunimu. 8 Waamoni+ wakaanza kumupatia Uzia ushuru. Mwishowe sifa yake ikaenea mupaka Misri, kwa maana alipata nguvu nyingi sana. 9 Zaidi ya hayo, Uzia alijenga minara+ katika Yerusalemu karibu na Mulango Mukubwa wa Pembeni,+ Mulango Mukubwa wa Bonde,+ na Nguzo, na akavifanya kuwa imara. 10 Pia, alijenga minara+ katika jangwa na kuchimba* matangi mengi (kwa maana alikuwa na mifugo mingi sana); alifanya vile pia katika Shefela na katika eneo tambarare.* Alikuwa na walimaji na watunzaji wa mizabibu katika milima na katika Karmeli, kwa maana alipenda kilimo.

11 Zaidi ya hayo, Uzia akakuwa na jeshi lenye lilitayarishwa kwa ajili ya mapambano ya kijeshi. Walikuwa wanaenda katika vita, wakiwa wamepangwa katika vikundi. Walihesabiwa na kuandikishwa+ na Yeieli mwandishi+ na Maaseya ule ofisa, chini ya uongozi wa Hanania, mumoja wa wakubwa wa mufalme. 12 Hesabu yote ya vichwa vya jamaa za upande wa baba wenye walikuwa wanasimamia wapiganaji-vita hao wenye nguvu ilikuwa elfu mbili mia sita (2 600). 13 Hesabu ya majeshi yenye yalikuwa chini ya uongozi wao ilikuwa watu elfu mia tatu na saba na mia tano (307 500) wenye kuwa tayari kwa ajili ya vita, jeshi lenye nguvu la kusaidia mufalme juu ya adui.+ 14 Uzia alipatia jeshi lote ngao, mikuki,+ kofia za chuma, makoti ya chuma,+ pinde, na majiwe ya kombeo.+ 15 Pia, katika Yerusalemu alitengeneza mashine za vita zenye ziliundwa na mafundi; ziliwekwa kwenye minara+ na kwenye pembe za kuta na zilikuwa na uwezo wa kutupa mishale na majiwe makubwa. Basi sifa yake ikaenda na kuenea mbali sana, kwa maana alipata musaada mukubwa na akakuwa na nguvu.

16 Hata hivyo, wakati tu alikuwa na nguvu, moyo wake ukakuwa na majivuno na kufikia kuleta uharibifu wake mwenyewe, na alitenda kwa kukosa uaminifu kumuelekea Yehova Mungu wake kwa kuingia katika hekalu la Yehova ili kuchoma uvumba kwenye mazabahu ya uvumba.+ 17 Mara moja Azaria kuhani na makuhani wengine makumi munane (80) wa Yehova wenye uhodari wakamufuata ndani. 18 Wakapambana na Mufalme Uzia na kumuambia: “Haiko kazi yako, Uzia, kumuchomea Yehova uvumba!+ Ni makuhani tu ndio wanapaswa kuchoma uvumba, kwa maana wao ni wazao wa Haruni,+ wenye wametakaswa. Toka patakatifu, kwa maana umetenda kwa kukosa uaminifu na hautapokea utukufu wowote kutoka kwa Yehova Mungu kwa sababu ya jambo hili.”

19 Lakini Uzia, mwenye alikuwa na chetezo katika mukono wake ili kuchoma uvumba, akakasirika sana;+ na wakati alikuwa amekasirikia sana makuhani, ukoma+ ukatokea kwenye paji la uso wake mbele ya makuhani katika nyumba ya Yehova pembeni ya mazabahu ya uvumba. 20 Wakati Azaria mukubwa wa makuhani na makuhani wote waligeuka kumuelekea, waliona kwamba alikuwa amepigwa ukoma kwenye paji la uso wake! Basi wakamutosha pale haraka, na yeye mwenyewe akaenda inje haraka, kwa sababu Yehova alikuwa amemupiga.

21 Mufalme Uzia alibakia mwenye ukoma mupaka siku ya kifo chake, na aliendelea kukaa katika nyumba yenye ilitengwa akiwa mwenye ukoma,+ kwa maana alikuwa ametengwa na nyumba ya Yehova. Yotamu mwana wake alikuwa anasimamia nyumba ya mufalme, akihukumu watu wa inchi.+

22 Na mambo mengine ya historia ya Uzia, kuanzia mwanzo mupaka mwisho, yaliandikwa na nabii Isaya+ mwana wa Amozi. 23 Kisha Uzia akalalishwa na kupumuzika pamoja na mababu zake, na wakamuzika pamoja na mababu zake, lakini katika kiwanja cha kuzikia chenye kilikuwa cha wafalme, kwa maana walisema: “Yeye ni mwenye ukoma.” Na Yotamu+ mwana wake akakuwa mufalme pa nafasi yake.