எரேமியா

31 “அந்தச் சமயத்தில் இஸ்ரவேலின் எல்லா குடும்பங்களுக்கும் நான் கடவுளாக இருப்பேன். அவர்கள் என் ஜனங்களாக இருப்பார்கள்”+ என்று யெகோவா சொல்கிறார்.

 2 யெகோவா சொல்வது இதுதான்:

 3 யெகோவா தொலைதூரத்திலிருந்து வந்து என்முன் தோன்றி,

“நான் எப்போதுமே உன்மேல் அன்பு காட்டியிருக்கிறேன்.

என்றுமே மாறாத அன்பினால் உன்னை என் பக்கம் இழுத்திருக்கிறேன்.+

 4 நான் மறுபடியும் உன்னைக் கட்டி எழுப்புவேன், நீயும் கட்டி எழுப்பப்படுவாய்.+

 6 காலம் வரும்; அப்போது, எப்பிராயீம் மலைப்பகுதியில் இருக்கிற காவல்காரர்கள் சத்தமாக,

‘எல்லாரும் எழுந்து, சீயோனுக்குப் புறப்படுங்கள்!

நம் கடவுளாகிய யெகோவாவிடம் போகலாம்’+ என்று சொல்வார்கள்” என்றார்.

 7 யெகோவா சொல்வது இதுதான்:

“யாக்கோபைப் பார்த்து சந்தோஷமாகப் பாடுங்கள்.

நீங்கள் எல்லா தேசங்களுக்கும் மேலாக இருப்பதை நினைத்துக் கம்பீரமாக முழங்குங்கள்.+

 8 நான் அவர்களை வடக்கு தேசத்திலிருந்து கூட்டிக்கொண்டு வருவேன்.+

பூமியின் தொலைதூர இடங்களிலிருந்து கூட்டிச்சேர்ப்பேன்.+

அவர்கள் எல்லாரும் ஒரு பெரிய சபையாக இங்கே திரும்பி வருவார்கள்.+

 9 அவர்கள் அழுதுகொண்டே வருவார்கள்.+

என்னுடைய கருணைக்காகக் கெஞ்சுவார்கள்; நான் அவர்களை வழிநடத்துவேன்.

ஏனென்றால், நான் இஸ்ரவேலின் தகப்பன். எப்பிராயீம் என்னுடைய மூத்த மகன்.”+

“இஸ்ரவேலர்களைச் சிதறிப்போக வைத்தவர் அவர்களை மறுபடியும் கூட்டிச்சேர்ப்பார்.

மேய்ப்பன் மந்தையைக் கவனிப்பதுபோல் அவர்களைக் கவனித்துக்கொள்வார்.+

சோகத்தில் வாடுகிறவர்களை நான் சந்தோஷத்தில் துள்ள வைப்பேன்.+

அவர்களுடைய துக்கத்தைப் போக்கி, அவர்களுக்கு ஆறுதலும் ஆனந்தமும் தருவேன்.+

15 “யெகோவா சொல்வது இதுதான்:

‘ராமாவில் புலம்பல் சத்தமும் பயங்கரமான அழுகை சத்தமும் கேட்கிறது.+

ராகேல் தன்னுடைய மகன்களுக்காக அழுதுகொண்டிருக்கிறாள்.+

16 யெகோவா சொல்வது இதுதான்:

உன் மகன்கள் எதிரியின் தேசத்திலிருந்து திரும்பி வருவார்கள்’+ என்று யெகோவா சொல்கிறார்.

17 ‘உனக்கு நல்ல எதிர்காலம் காத்திருக்கிறது.+

‘உன் மகன்கள் சொந்த தேசத்துக்கே திரும்பி வருவார்கள்’+ என்று யெகோவா சொல்கிறார்.”

20 யெகோவா சொல்வது இதுதான்:

“எப்பிராயீம் என் அருமை மகன்தானே? என் செல்லப் பிள்ளைதானே?+

நான் பல தடவை அவனுக்கு எதிராகப் பேசினாலும் அவனை எப்போதும் நினைத்துப் பார்க்கிறேன்.

அவனுக்காக என் உள்ளம்* உருகுகிறது.+

அவனுக்குக் கண்டிப்பாக இரக்கம் காட்டுவேன்.+

திசைகாட்டும் கல்தூண்களையும் உனக்காக நாட்டி வை.

நீ போக வேண்டிய நெடுஞ்சாலையின் மேல் கவனம் வை.+

22 துரோகம் செய்கிற மகளே, நீ எத்தனை காலத்துக்குத்தான் உன் மனதை அலைய விடுவாய்?

யெகோவா பூமியில் புதிதாக ஒன்றைச் செய்திருக்கிறார்:

மனைவி தன் கணவனை* தேடி ஓடோடி வருவாள்.”

23 இஸ்ரவேலின் கடவுளும் பரலோகப் படைகளின் கடவுளுமான யெகோவா இப்படிச் சொல்கிறார்: “சிறைபிடிக்கப்பட்டுப் போனவர்களை நான் திரும்பவும் யூதாவுக்கும் அதன் நகரங்களுக்கும் கூட்டிக்கொண்டு வரும்போது அவர்கள், ‘நீதி குடியிருக்கும் பரிசுத்த மலையே,+ யெகோவா உன்னை ஆசீர்வதிப்பார்’ என்று மறுபடியும் சொல்வார்கள். 24 அங்கே யூதா ஜனங்களும், அதன் நகரவாசிகளும், விவசாயிகளும், மேய்ப்பர்களும் ஒற்றுமையாகக் குடியிருப்பார்கள்.+ 25 களைத்துப்போனவர்களுக்கு நான் புத்துணர்ச்சி கொடுப்பேன். பசியில் சோர்ந்துபோன எல்லாருக்கும் தெம்பளிப்பேன்.”+

26 உடனே நான் கண் விழித்துப் பார்த்தேன். நான் சுகமாகத் தூங்கிவிட்டிருந்தேன்.

27 யெகோவா சொல்வது இதுதான்: “இதோ, காலம் வருகிறது. அப்போது, இஸ்ரவேலிலும் யூதாவிலும் இருக்கிற மனுஷர்களையும் மிருகங்களையும் நான் பெருகப் பண்ணுவேன்.”+

28 யெகோவா சொல்வது இதுதான்: “அவர்களை எப்போது பிடுங்கலாம், இடிக்கலாம், கவிழ்க்கலாம், அழிக்கலாம், நாசமாக்கலாம்+ என்று நான் பார்த்துக்கொண்டு இருந்தது போலவே அவர்களை எப்போது கட்டலாம், நாட்டலாம்+ என்று பார்த்துக்கொண்டு இருப்பேன். 29 அந்த நாட்களில் அவர்கள் யாரும், ‘தகப்பன்கள் புளிப்பான திராட்சைகளைச் சாப்பிட்டார்கள்; ஆனால் பிள்ளைகளின் பற்கள் கூசின’+ என்று சொல்ல மாட்டார்கள். 30 யார் புளிப்பான திராட்சைகளைச் சாப்பிடுகிறார்களோ அவர்களுடைய பற்கள்தான் கூசும். ஒவ்வொருவரும் அவரவர் செய்த பாவத்துக்காகவே சாவார்கள்.”

31 யெகோவா சொல்வது இதுதான்: “இதோ, காலம் வருகிறது. அப்போது, இஸ்ரவேல் ஜனங்களோடும் யூதா ஜனங்களோடும் நான் ஒரு புதிய ஒப்பந்தம் செய்வேன்.+ 32 ஆனால், அவர்களுடைய முன்னோர்களை நான் எகிப்திலிருந்து கைப்பிடித்து நடத்திக்கொண்டு வந்தபோது செய்த ஒப்பந்தத்தைப் போல அது இருக்காது.+ ‘நான் அவர்களுடைய உண்மையான எஜமானாக* இருந்தும் அந்த ஒப்பந்தத்தை அவர்கள் மீறினார்கள்’+ என்று யெகோவா சொல்கிறார்.”

33 “அந்த நாட்களுக்குப் பின்பு நான் இஸ்ரவேல் ஜனங்களோடு செய்யப்போகிற ஒப்பந்தம் இதுதான். நான் அவர்களுடைய உள்ளத்தில்* என் சட்டங்களை வைப்பேன்.+ அவர்களுடைய இதயத்தில் அவற்றை எழுதுவேன்.+ நான் அவர்களுடைய கடவுளாக இருப்பேன், அவர்கள் என்னுடைய ஜனங்களாக இருப்பார்கள்”+ என்று யெகோவா சொல்கிறார்.

34 “அதுமுதல் அவர்கள் யாரும் தங்களுடைய சகோதரனிடமோ மற்றவர்களிடமோ, ‘யெகோவாவைப் பற்றித் தெரிந்துகொள்ளுங்கள்!’+ என்று சொல்ல மாட்டார்கள். ஏனென்றால், சிறியோர்முதல் பெரியோர்வரை எல்லாரும் என்னைப் பற்றித் தெரிந்து வைத்திருப்பார்கள்.+ நான் அவர்களுடைய குற்றத்தை மன்னிப்பேன். அவர்களுடைய பாவத்தை இனியும் நினைத்துப் பார்க்க மாட்டேன்”+ என்று யெகோவா சொல்கிறார்.

37 யெகோவா சொல்வது இதுதான்: “‘மேலே இருக்கிற வானத்தை அளக்கவோ, கீழே இருக்கிற பூமியின் அஸ்திவாரத்தைக் கண்டுபிடிக்கவோ ஒருவனால் எப்படி முடியாதோ அப்படித்தான் இஸ்ரவேல் வம்சத்தார் செய்த குற்றங்களுக்காக என்னால் அவர்களை ஒட்டுமொத்தமாக ஒதுக்கித்தள்ள முடியாது’ என்று யெகோவா சொல்கிறார்.”+

38 யெகோவா சொல்வது இதுதான்: “இதோ, காலம் வருகிறது. அப்போது, இந்த நகரம் அனானெயேல் கோபுரம்முதல்+ ‘மூலை நுழைவாசல்’வரை+ யெகோவாவுக்காகக் கட்டப்படும்.+ 39 அதன் எல்லை+ காரேப் குன்றுவரை நேராகப் போய், கோவாத்தின் திசையில் திரும்பும். 40 பிணங்களும் சாம்பலும்* நிறைந்த பள்ளத்தாக்கும், கீதரோன் பள்ளத்தாக்கு+ வரையிலான எல்லா நிலங்களும், அதாவது கிழக்கே இருக்கிற ‘குதிரை நுழைவாசலின்’+ மூலைவரை இருக்கிற எல்லா நிலங்களும், யெகோவாவுக்குப் பரிசுத்தமாக இருக்கும்.+ அது இனி ஒருபோதும் பிடுங்கப்படாது, இடிக்கப்படாது.”