ஏசாயா

35 வனாந்தரமும் வறண்ட நிலமும் பூரிப்படையும்.+

பாலைநிலம் பூ பூத்து, களைகட்டும்.+

 2 அது கண்டிப்பாகப் பூத்துக் குலுங்கும்.+

சந்தோஷம் பொங்கப் பாடும்.

எழில் கொஞ்சும் லீபனோனைப் போல் மாறும்.+

கர்மேலைப்+ போலவும் சாரோனைப்+ போலவும் செழிக்கும்.

 3 பலமில்லாத கைகளைப் பலப்படுத்துங்கள்.

தள்ளாடுகிற முழங்கால்களைத் திடப்படுத்துங்கள்.+

உங்களுடைய எதிரிகளை உங்கள் கடவுள் பழிவாங்க வருகிறார்.

அவர்களைப் பழிதீர்ப்பதற்கு வருகிறார்.+

 5 அப்போது, கண் தெரியாதவர்களுக்குக் கண் தெரியும்.+

காது கேட்காதவர்களுக்குக் காது கேட்கும்.+

 6 நடக்க முடியாதவர்கள் மான்போல் துள்ளி ஓடுவார்கள்.+

பேச முடியாதவர்கள் சந்தோஷத்தில் பாடுவார்கள்.+

வனாந்தரத்தில் தண்ணீர் ஊற்றெடுக்கும்.

பாலைநிலத்தில் ஆறுகள் பாய்ந்தோடும்.

 7 வறண்ட நிலம் நாணல் நிறைந்த குளமாக மாறும்.

தண்ணீர் இல்லாத நிலத்தில் நீரூற்றுகள் புறப்படும்.+

நரிகள் தங்கிய இடத்தில்+

பசும்புல்லும் நாணற்புல்லும் கோரைப்புல்லும் வளரும்.

 8 ஒரு நெடுஞ்சாலை இருக்கும்.+

அது பரிசுத்தமான வழி என்று அழைக்கப்படும்.

தகுதியுள்ள மக்கள் மட்டுமே போவார்கள்.

புத்திகெட்ட யாராலும் அந்த வழியில் கால்வைக்க முடியாது.

 9 அங்கே சிங்கம் இருக்காது.

கொடிய காட்டு மிருகங்கள் எதுவுமே இருக்காது.

அவை அந்த வழியிலேயே வராது.+

மீட்கப்பட்டவர்கள் மட்டுமே அதில் நடப்பார்கள்.+

எப்போதுமே பூரிப்போடும் ஆனந்தத்தோடும் இருப்பார்கள்.

அவர்களுடைய துக்கமும் துயரமும் பறந்துவிடும்.+