ትምህርቲ 48

ኣዕሩኽካ ተጠንቂቕካ ምረጽ

ብወረቐት ኣብ እተሓትመ

ናይ ቀረባ ኣዕሩኽና ኣብ ጽቡቕ ግዜ ንሓጐስና ይውስኹሉ፡ ኣብ ሕማቕ ግዜ ኸኣ የበርትዑና እዮም። እንተዀነ ግና፡ ጥዑይ ዓርኪ ዚኸውን ኵሉ ሰብ ዘይምዃኑ መጽሓፍ ቅዱስ የጠንቅቕ እዩ። እሞ ደኣ ኸመይ ጌርካ ኢኻ ጥዑያት ኣዕሩኽ ክትመርጽ እትኽእል፧ ነዚ ዚስዕብ ሕቶታት እስከ ሕሰበሉ።

1. እትመርጾም ኣዕሩኽ ብኸመይ ይጸልዉኻ፧

ብሓፈሻኡ፡ ከም መዋዕልትና ኢና እንኸውን። እቲ ምሳታቶም እነሕልፎ ግዜ፡ ብኣካል ይኹን ወይ ብማሕበራዊ ሚድያ፡ ጽቡቕ ወይ ሕማቕ ጽልዋ ይገብሩልና እዮም። ከምቲ መጽሓፍ ቅዱስ ዚብሎ፡ “ምስ ጥበበኛታት ዚመላለስ ጥበበኛ ይኸውን፣ ምስ ዓያሹ [ንየሆዋ ምስ ዘየፍቅሩ] ዚሓብር ግና ክፉእ ይረክብ።” (ምሳሌ 13:20) ንየሆዋ ዜፍቅሩን ዜምልኹን ኣዕሩኽ እንተ ጌርካ፡ ምስ የሆዋ ለጊብካ ኽትመላለስን ጽቡቕ ውሳነታት ክትገብርን ይሕግዙኻ እዮም። ካብ ጉባኤ ወጻኢ ናይ ቀረባ ዕርክነት እንተ ጌርካ ግና፡ እዚ ነገር እዚ ኻብ የሆዋ ኼርሕቐካ ይኽእል እዩ። ስለዚ ድማ እዩ መጽሓፍ ቅዱስ ኣዕሩኽና ተጠንቂቕና ኽንሓሪ ዜተባብዓና። ኣዕሩኽና ንኣምላኽ ዜፍቅሩ ሰባት ምስ ዚዀኑ፡ ንሕናን ንሳቶምን ንጥቀም ኢና። ‘ንሓድሕድና ንተባባዕን ንተሃናነጽን’ ኢና።—1 ተሰሎንቄ 5:11።

2. ናይ ኣዕሩኽ ምርጫኻ ንየሆዋ ብኸመይ ይጸልዎ፧

የሆዋ ተጠንቂቑ እዩ ፈተውቱ ዚመርጽ። “ናይ ቀረባ ዕርክነቱ . . . ምስቶም ቅኑዓት እዩ።” (ምሳሌ 3:32) ንየሆዋ ዘየፍቅሩ ኣዕሩኽ እንተ መሪጽና፡ ንሱ ኸመይ ይስምዖ፧ በዚ ኣመና ይጕሂ እዩ። (ያእቆብ 4:4 ኣንብብ።) በቲ ሓደ ሸነኽ ግና፡ ካብ ሕማቕ ዕርክነት እንተ ርሒቕና፡ ናብ የሆዋ ዀነ ናብቶም ንዕኡ ዜፍቅሩ ኸኣ ንቐርብ እንተ ዄንና፡ ንሱ በዚ ባህ ይብሎ እዩ፡ ፈተውቱ ኽንከውን እውን ይሓርየና እዩ።—መዝሙር 15:1-4።

ኣዕሚቝካ ዅዓት

ናይ ኣዕሩኽ ምርጫና ኣዝዩ ኣገዳሲ ዝዀነሉ ምኽንያት መርምር፣ ንዓኻ ብሓቂ ዚጠቕመካ ዓይነት ዕርክነት ብኸመይ ከም እተማዕብል እውን ርአ።

3. ካብ ሕማቕ ዕርክነት ተጠንቀቕ

ንኣምላኽን ንመለክዒታቱን ዘይፈትዉ ሰባት ሕማቓት ኣዕሩኽ እዮም። ቪድዮ ኣጻውት፡ ድሕሪኡ በዚ ሕቶ ተመያየጡ፦

ቪድዮ፦ ካብ ሕማቕ ዕርክነት ርሓቕ (6:17)

ከመይ ጌርና ኢና ኸይተፈለጠና ኣብ ሕማቕ ዕርክነት ክንኣቱ እንኽእል፧

ቀዳማይ ቈረንቶስ 15:33 ኣንብብ፡ ድሕሪኡ በዚ ሕቶታት ተመያየጡ፦

እንታይ ዓይነት ሰብ እዩ ንዓኻ ሕማቕ ዓርኪ ኪኸውን ዚኽእል፧ ስለምንታይ፧

መዝሙር 119:63 ኣንብብ፡ ድሕሪኡ በዚ ሕቶ ተመያየጡ፦

እንታይ ዓይነት ሰብ እዩ ጥዑይ ዓርኪ ዚዀነካ፧

ኣብ ሸሓኒ እተቐመጠ ፍረታት ቱፋሕ። ሓንቲ ዝመሽመሸት ቱፋሕ ሃመማ ኽትስሕብን ንኻልኦት ከተበላሹን ጀሚራ ኣላ። — ሓደ ዝመሽመሸ ቱፋሕ፡ ንዅሉ ኼበላሽዎ ይኽእል እዩ። ሓደ ሕማቕ ዓርኪ ብኸመይ ኪጸልወካ ይኽእል፧

4. ካባና እተፈልዩ ዓይነት ሰባት ጥዑያት ኣዕሩኽ ኪዀኑና ይኽእሉ

መጽሓፍ ቅዱስ ብዛዕባ እቶም ኣብ ጥንታዊት እስራኤል ዝነበሩ ዳዊትን ዮናታን የዘንቱ እዩ። ክልቲኦም ኣብ በበይኑ ኽሊ ዕድመን ኵነታትን እዮም ነይሮም፣ ኰይኑ ግና፡ ዜደንቕ ዕርክነት ነይርዎም እዩ። 1 ሳሙኤል 18:1 ኣንብብ፡ ድሕሪኡ በዚ ሕቶ ተመያየጡ፦