Buk Song
א [Aleph]
119 Ol man i save wokabaut stret na i no gat asua,*
Na i save bihainim lo bilong Jehova, ol i ken amamas.+
3 Ol i no save bihainim pasin i no stret;
Ol i save wokabaut long pasin bilong em.+
4 Yu bin givim tok olsem
Mipela i mas bihainim gut olgeta tok bilong yu.+
6 Olsem na bai mi no sem liklik+
Long wanem, mi save tingim gut ol lo bilong yu.
7 Taim mi kisim save long stretpela lo bilong yu
Bel bilong mi bai i stap stret na mi bai litimapim nem bilong yu.
8 Mi bai bihainim gut ol lo bilong yu.
Olsem na yu no ken lusim mi olgeta.
ב [Beth]
9 Olsem wanem yangpela man i ken wokabaut long klinpela pasin?
Em i ken mekim olsem long rot bilong lukaut gut long pasin bilong em na bihainim ol tok bilong yu.+
10 Mi givim bel tru long painim yu.
Olsem na yu no ken larim mi i lusim ol lo bilong yu.+
11 Mi putim tok bilong yu i stap long bel bilong mi+
Olsem na bai mi no ken mekim sin long yu.+
12 O Jehova, ol man i mas litimapim nem bilong yu;
Yu mas skulim mi long ol lo bilong yu.
13 Maus* bilong mi i tokaut
Long olgeta lo em yu bin givim.
14 Mi amamas olsem yu kirapim mi long tingim gen ol lo bilong yu+
Na dispela amamas i winim amamas bilong mi long ol samting i dia tumas.+
16 Mi laikim tumas ol lo bilong yu.
Mi no ken lusim tingting long tok bilong yu.+
ג [Gimel]
17 Yu mas mekim gut long mi, wokman bilong yu,
Olsem na bai mi ken i stap laip na bihainim tok bilong yu.+
18 Opim ai bilong mi na bai mi ken lukim gut
Ol gutpela gutpela samting i stap long lo bilong yu.
19 Mi man bilong narapela ples i kam sindaun long dispela graun.+
Olsem na yu no ken haitim ol lo bilong yu long mi.
20 Bel bilong mi i dai tru long
Bihainim ol lo bilong yu long olgeta taim.
21 Yu save krosim ol hambakman,
Em ol man bagarap bai painim ol, long wanem, ol i no bihainim ol lo bilong yu.+
22 Rausim tok bilas na tok nogut ol i mekim long mi,
Long wanem, mi save bihainim ol lo bilong yu we i kirapim gen tingting.
23 Maski ol hetman i sindaun wantaim na mekim tok i bagarapim mi,
Mi, wokman bilong yu, i save tingting strong long* ol lo bilong yu.
ד [Daleth]
25 Mi slip long graun na putim pes i go daun.+
Yu mas larim mi i stap laip olsem yu bin tok.+
26 Mi bin tokim yu long ol pasin bilong mi, na yu bin bekim tok bilong mi;
Yu mas skulim mi long ol lo bilong yu.+
27 Skulim mi long kliagut long mining* bilong ol tok bilong yu,
Na bai mi tingting strong long* ol gutpela wok yu bin mekim.+
28 Bel bilong mi i hevi tru, olsem na mi no slip gut.
Yu mas strongim mi long rot bilong tok bilong yu.
29 Yu mas helpim mi na bai mi no ken bihainim pasin bilong giaman,+
Na yu mas orait long mi na skulim mi long lo bilong yu.
30 Mi pasim tok olsem mi bai bihainim yu tru.+
Mi luksave olsem ol lo bilong yu i stret.
31 O Jehova, mi save holimpas ol tok bilong yu we i kirapim gen tingting,+
Olsem na yu no ken larim wanpela samting i mekim mi i bel hevi.*+
32 Mi bai bihainim ol tok bilong yu
Long wanem, yu givim sampela save moa long mi.*
ה [He]
34 Mekim mi kliagut long ol samting,
Na bai mi bihainim lo bilong yu
Na long bel olgeta bilong mi, mi bai bihainim lo bilong yu.
36 Kirapim bel bilong mi long laikim ol tok bilong yu,
Na mi no ken tingting long kisim ol samting bilong helpim mi yet.+
37 Helpim mi na ai bilong mi i no ken lukluk long ol samting i no gutpela;+
Helpim mi long wokabaut long rot bilong yu na bai mi stap laip.
38 Truim tok promis yu mekim long mi, wokman bilong yu,
Na bai ol man i pret long yu.*
39 Rausim sem mi bai kisim em mi tingting planti long en,
Long wanem, yu save mekim ol disisen i gutpela.+
40 Mi laik tru long bihainim ol tok bilong yu.
Pasin bilong yu i stret, olsem na yu mas larim mi i stap laip.
ו [Waw]
41 Jehova, mi laik bai yu soim gutpela pasin laikim* long mi,+
Yu mas kisim bek mi olsem yu bin tok promis long mekim;+
42 Na mi bai bekim tok long man i sutim tok long mi,
Long wanem, mi bilipim tok bilong yu.
43 Mi laik bai yu strongim mi long mekim tok tru,
Long wanem, mi bilip long* kot bilong yu.
44 Mi bai wok yet long bihainim lo bilong yu
Inap oltaim oltaim.+
45 Mi wok long bihainim ol tok bilong yu,
Olsem na mi bai wokabaut long ples we mi stap gut.+
47 Mi laikim tumas ol lo bilong yu,
Yes, mi laikim ol tru.+
ז [Zayin]
49 Tingim ol tok* yu bin mekim long mi, wokman bilong yu,
Em ol tok i mekim mi i bilip na wet long yu.*
50 Dispela ol tok i mekim gut bel bilong mi long taim mi gat hevi,+
Tok bilong yu i mekim mi i stap laip.
53 Mi belhat nogut tru long ol man nogut,
Long wanem, ol i givim baksait long lo bilong yu.+
54 Long wanem wanem hap mi sindaun long en
Mi mekim ol song long ol lo bilong yu.
55 O Jehova, long nait mi save tingim nem bilong yu,+
Na bai mi ken bihainim lo bilong yu.
56 Mi save mekim olsem
Long wanem, mi laik bihainim ol tok bilong yu.
ח [Heth]
58 Long bel olgeta, mi askim yu long helpim mi;+
Yu mas tingim mi+ olsem yu bin tok promis long mekim.
59 Mi skelim ol pasin bilong mi,
Na bai mi ken bihainim gen ol tok bilong yu.+
60 Mi no wet, mi hariap
Long bihainim ol lo bilong yu.+
62 Long biknait mi kirap bilong tok tenkyu long yu+
Long ol stretpela lo bilong yu.
ט [Teth]
65 O Jehova, yu bihainim tok bilong yu,
Na yu mekim gut long mi, wokman bilong yu.
67 Mi bin popaia na mekim sin na mi karim pen na hevi long dispela,
Tasol nau mi save bihainim tok bilong yu.+
68 Yu gutpela tru+ na ol wok bilong yu i gutpela.
Skulim mi long ol lo bilong yu.+
69 Ol hambakman i mekim planti tok giaman long mi,
Tasol mi bihainim ol tok bilong yu long bel olgeta bilong mi.
י [Yod]
73 Yu yet i bin wokim mi long han bilong yu.
Givim mi pasin bilong kliagut long ol samting,
Na bai mi inap lainim gut ol lo bilong yu.+
74 Ol man i pret long yu, ol i lukim mi na i amamas,
75 O Jehova, mi save olsem ol lo bilong yu i stret tasol.+
Yu stretim mi, long wanem, yu save bihainim tok bilong yu.+
76 Mi laik bai gutpela pasin laikim*+ bilong yu i mekim isi bel bilong mi,
Olsem yu bin tok promis long mi, wokman bilong yu.
77 Yu mas marimari long mi na bai mi ken i stap laip yet,+
Long wanem, mi laikim tumas lo bilong yu.+
78 Mekim ol hambakman i sem,
Long wanem, ol i mekim nogut long mi na i no gat as bilong dispela pasin bilong ol.*
Tasol mi bai tingting strong long* ol tok bilong yu.+
79 Ol man i pret long yu, ol i ken kam bek long mi,
Em ol man i save long ol lo bilong yu we i kirapim gen tingting.
כ [Kaph]
81 Mi laikim tumas bai yu kisim bek mi,+
Tok bilong yu i mekim mi i bilip na wetim gutpela samting i kamap bihain.*
82 Mi wet yet long lukim yu i inapim promis bilong yu, na ai bilong mi i taiet+
Na mi tok: “Wanem taim bai yu mekim isi bel bilong mi?”+
84 Hamas taim moa bai mi wokman bilong yu i wet?
Wanem taim bai yu mekim save long ol man i mekim nogut long mi?+
85 Ol hambakman i digim ol hul bilong mi,
Em ol man i no save bihainim lo bilong yu.
86 Ol man inap bilip tru long ol lo bilong yu.
Ol man i mekim nogut long mi na i no gat as bilong dispela pasin bilong ol; yu mas helpim mi!+
87 Klostu ol i kilim mi i dai,
Maski i olsem, mi bihainim yet ol tok bilong yu.
88 Yu gat gutpela pasin laikim* olsem na yu mas larim mi i stap laip,
Na bai mi ken bihainim ol lo bilong yu em yu bin autim.
ל [Lamed]
89 O Jehova, tok bilong yu bai i stap oltaim oltaim,
Em bai stap oltaim olsem heven i save stap oltaim.+
90 Yu save bihainim tok bilong yu oltaim oltaim.+
Yu putim graun i stap strong olgeta long ples bilong en, na em bai i stap oltaim.+
91 Ol* i bihainim tok bilong yu na ol i stap olsem i kam inap long nau,
Olgeta i wokman bilong yu.
93 Mi no ken lusim tingting long ol tok bilong yu,
Long wanem, ol i mekim mi i stap laip.+
95 Ol man nogut i wet long bagarapim mi,
Tasol mi save bihainim yet ol tok bilong yu.
96 Mi lukim planti samting i gutpela tru,
Tasol lo bilong yu i gutpela moa winim ol dispela samting.
מ [Mem]
97 Mi laikim tru lo bilong yu!+
Na mi save tingting strong long en* long san na long nait.+
98 Lo bilong yu i mekim mi i kamap saveman winim ol birua bilong mi,+
Long wanem, lo bilong yu i stap wantaim mi oltaim oltaim.
99 Mi save skelim gut ol samting winim ol tisa bilong mi,+
Long wanem, mi save tingting strong long* ol tok bilong yu bilong kirapim gen tingting.
100 Pasin mi bihainim i soim olsem mi kliagut moa long ol samting winim ol man i gat bikpela krismas,
Long wanem, mi save bihainim ol tok bilong yu.
101 Mi no laik wokabaut long rot nogut,+
Na bai mi ken bihainim tok bilong yu.
102 Mi no givim baksait long ol lo bilong yu,
Long wanem, yu save skulim mi.
104 Ol tok bilong yu i helpim mi na pasin mi mekim i soim olsem mi kliagut long ol samting.+
Olsem na mi no laik tru long bihainim rot nogut.+
נ [Nun]
105 Tok bilong yu i olsem lam i stiaim lek bilong mi,Na i olsem lait bilong soim rot long mi.+
106 Mi bin mekim tok tru antap long bihainim ol stretpela lo bilong yu,
Na mi bai truim dispela tok.
107 O Jehova, mi bin karim bikpela hevi.+
Olsem na yu mas larim mi i stap laip olsem yu bin tok.+
108 O Jehova, mi amamas long givim tenkyu long yu olsem ofa,* mi laik bai yu ken orait long en,+
Na skulim mi long ol lo bilong yu.+
109 Oltaim laip bilong mi inap lus,
Tasol mi no ken lusim tingting long lo bilong yu.+
111 Mi save holim ol tok bilong yu oltaim oltaim,
Long wanem, ol tok bilong yu i save mekim bel bilong mi i amamas.+
112 Mi pasim tok* long bihainim ol lo bilong yu
Long olgeta taim i go inap long mi dai.
ס [Samekh]
114 Yu olsem hap plang bilong pait na ples hait bilong mi,+
Tok bilong yu i mekim mi bilip na wetim gutpela samting i kamap.*+
115 Yupela ol man nogut, yupela i mas lusim mi,+Na bai mi bihainim ol lo bilong God bilong mi.
116 Yu mas strongim mi olsem yu bin tok promis long en,+
Na bai mi ken i stap laip yet;
No ken larim ol samting mi bilip na wet long en i lus nating.+
118 Yu givim baksait long olgeta manmeri i lusim ol lo bilong yu,+
Long wanem ol i manmeri bilong giaman.
119 Yu rausim ol man nogut long graun olsem ol pipia nating* tasol.+
Olsem na mi laikim tumas ol lo bilong yu we i kirapim gen tingting.
120 Mi pret tumas long yu na skin bilong mi i guria;
Mi pret long kot bilong yu.
ע [Ayin]
121 Mi bin mekim pasin i stret.
Yu no ken lusim mi long han bilong ol birua bilong mi!
122 Mi laik bai yu promis long helpim mi, wokman bilong yu;
No ken larim ol hambakman i daunim mi.
123 Mi wet yet long lukim yu i kisim bek mi,+
Na mi wet yet long lukim yu truim ol stretpela tok promis bilong yu, na ai bilong mi i taiet.+
124 Soim gutpela pasin laikim* bilong yu long mi, wokman bilong yu,+
Na skulim mi long ol lo bilong yu.+
125 Mi wokman bilong yu; olsem na yu mas mekim mi kliagut long ol samting,+
Na bai mi ken save long ol tok bilong yu we i kirapim gen tingting.
126 Jehova, taim i kamap long yu mekim save long ol,+
Long wanem, ol i brukim ol lo bilong yu.
127 Tru tumas, mi laikim tumas ol lo bilong yu
Winim gol, yes winim gutpela gol.+
128 Olsem na mi tingim olgeta tok i kam long yu i stret;+
Na mi no laik tru long bihainim rot nogut.+
פ [Pe]
129 Ol tok bilong yu bilong kirapim gen tingting i gutpela tru.
Olsem na mi save bihainim.
130 Taim wanpela i kamapim klia tok bilong yu, dispela i save givim lait,+
Na i mekim man i no gat planti save i kliagut long ol samting.+
131 Mi nek drai tru long ol lo bilong yu,
Na mi laikim ol tumas.+
133 Stiaim gut wokabaut bilong mi* long rot bilong tok bilong yu;
No ken larim wanpela samting nogut i bosim mi.+
134 Kisim bek* mi long han bilong ol man i daunim mi,
Na mi ken bihainim ol tok bilong yu.
136 Aiwara i kapsait moa yet long ai bilong mi
Long wanem, ol manmeri i no bihainim lo bilong yu.+
צ [Tsade]
138 Ol tok bilong kirapim gen tingting em yu givim i stret olgeta,
Na ol man inap bilip tru long en.
139 Ol birua bilong mi i lusim tingting long ol tok bilong yu,
Tasol mi laikim yu tumas na dispela i olsem paia i lait insait long bel bilong mi.+
141 Mi man nating tasol na ol man i no save laikim mi;+
Tasol mi no save lusim tingting long ol tok bilong yu.
143 Maski pen na hevi i painim mi,
Mi laikim yet ol lo bilong yu.
144 Ol tok bilong yu bilong kirapim gen tingting i stretpela oltaim oltaim.
Mekim mi kliagut long ol samting+ na bai mi ken i stap laip yet.
ק [Qoph]
145 O Jehova, long bel olgeta mi singaut long yu. Plis, harim singaut bilong mi.
Na mi bai bihainim ol lo bilong yu.
146 Mi singaut long yu; kisim bek mi!
Na bai mi ken bihainim ol tok bilong yu.
147 Tulait i no bruk yet na mi kirap na singaut long yu helpim mi,+
Long wanem, tok bilong yu i mekim mi i bilip na wetim gutpela samting i kamap bihain.*
149 O Jehova, yu gat gutpela pasin laikim,* olsem na yu mas harim singaut bilong mi.+
Yu save mekim stretpela pasin, olsem na yu mas larim mi i stap laip.
150 Ol man i save mekim pasin bikhet na i no sem, ol i kam klostu long mi;
Ol i no save bihainim lo bilong yu.
152 Bipo tru mi kisim save long ol tok bilong yu we i kirapim gen tingting.
Yu mekim ol i stap oltaim oltaim.+
ר [Resh]
153 Lukim ol hevi mi karim na kisim bek mi,+
Long wanem, mi no save lusim tingting long lo bilong yu.
155 Ol man nogut i no save bihainim ol lo bilong yu,+
Olsem na bai yu no kisim bek ol.
156 O Jehova, marimari bilong yu i bikpela tru.+
Yu save mekim stretpela pasin, olsem na yu mas larim mi i stap laip.
157 Ol man i mekim nogut long mi na ol birua bilong mi i planti tru;+
Tasol mi no givim baksait long ol lo bilong yu.
158 Mi nolaik tru long ol man i no stap gut long yu,
Long wanem, ol i no save bihainim tok bilong yu.+
159 Jehova, yu lukim mi, mi laikim tumas ol tok bilong yu!
Yu gat gutpela pasin laikim,* olsem na yu mas larim mi i stap laip.+
160 As bilong tok bilong yu em i tru tasol,+
Na olgeta stretpela lo bilong yu i save stap oltaim oltaim.
ש [Sin] o [Shin]
161 Ol hetman i mekim nogut long mi,+ na i no gat as bilong dispela pasin bilong ol,
Tasol maski i olsem, mi save tingim tru ol tok bilong yu.+
162 Mi amamas long tok bilong yu+
Olsem man i painim planti gutpela samting.
163 Mi heitim tru pasin giaman, yes, mi no laikim tru dispela pasin.+
Tasol mi laikim lo bilong yu.+
164 Sevenpela taim long olgeta de mi save preisim yu,
Long wanem, ol lo bilong yu i stretpela.
165 Ol man i laikim lo bilong yu, ol bai i stap bel isi tru;+
I no gat wanpela samting bai mekim ol i pundaun.
166 O Jehova, mi bilip na wet long yu kisim bek mi,
Na mi save bihainim ol lo bilong yu.
168 Mi save bihainim ol lo na ol tok bilong yu we i kirapim gen tingting,
Na yu save lukim olgeta samting mi mekim.+
ת [Taw]
169 O Jehova, harim singaut bilong mi long kisim helpim.+
Long rot bilong tok bilong yu, mekim mi i kliagut.+
170 Mi laik bai yu putim yau long singaut bilong mi.
Kisim bek mi olsem yu bin tok promis long en.
171 Yu save skulim mi long ol lo bilong yu,
Olsem na long olgeta taim mi bai litimapim nem bilong yu.+
172 Mi bai singim song long tok bilong yu,+
Long wanem, ol lo bilong yu i stretpela tasol.
174 O Jehova, mi laik tru long yu kisim bek mi,
Na mi laikim tumas lo bilong yu.+
175 Larim mi i stap laip na bai mi preisim yu;+
Mi laik bai ol lo bilong yu i ken helpim mi.