Ҳикматлар
24 Ёвузларга ҳавасинг келмасин,
Уларга шерик бўлишни орзу қилма+.
2 Чунки кўнгилларидан зўравонлик кечади,
Тилларидан ёмонлик аримайди.
5 Куч доноликдадир+,
Одамнинг билими кучини орттиради.
7 Аҳмоқ доноликка эриша олмайди+,
У шаҳар дарвозаси олдида бирон сўз айтолмайди.
8 Ёвузликни ният қилган ҳар ким
Ўтакетган фитначидир+.
9 Аҳмоқона режалар гуноҳдир,
Мазахчидан одамлар жирканади+.
10 Оғир кунда руҳинг тушса,
Кучинг ҳам заифлашади.
11 Ўлимга маҳкум этилганларни қутқар,
Қирғинга олиб кетилаётганларни қайтар+.
12 Мабодо: «Бундан бехабар қолибмиз!» — десанг,
Қалбларни текширувчи Зот буни пайқамайди деб ўйлама!+
Зеро, сени кузатиб турган Зот баридан хабардор,
У ҳар бир кишининг ишига яраша қайтаради!+
13 Ўғлим, асал егин, чунки у шифобахш,
Ҳа, тоза асал оғиз учун мазалидир.
14 Шуни билгинки, донолик ҳам сен учун фойдали+.
Уни топсанг келажагинг порлоқ бўлади,
Умидинг ҳам пучга чиқмайди+.
15 Одилнинг уйи олдида ёвуз кишидай пистирма қўйма,
Унинг турар жойини вайрон қилма.
17 Душманинг йиқилса қувонма,
Қоқилса ич-ичингдан севинма+.
18 Чунки Яҳова буни кўриб ранжийди,
Унга ғазабини сочиш ниятидан қайтади+.
19 Қабиҳлар дастидан хафа бўлма,
Ёвузларга ҳавас қилма.
20 Зеро, ёмонларнинг келажаги йўқ+,
Ёвузларнинг чироғи сўниб қолади+.
21 Ўғлим, Яҳовадан ҳамда шоҳдан қўрқ+,
Иккови* уларни қай кўйга солишини ким билади?+
23 Булар доноларнинг сўзларидир:
Маҳкамада тарафкашлик қилиш яхши эмас+.
24 Кимки ёвузга: «Сиз адолатлисиз»+,— деса,
Уни одамлар лаънатлайди, халқлар айблайди.
26 Рўйирост жавоб берганнинг юзидан ўпишади*+.
27 Ташқаридаги ишингни бажар,
Даладаги юмушингни ҳам битир, сўнг уйингни қур.
28 Яқинингга қарши асоссиз гувоҳлик берма+,
Тилинг билан ўзгаларни алдама+.
30 Ялқовнинг+ даласи ёнидан,
Фаросатсизнинг узумзори олдидан ўтдим.
31 Қарасам, ҳар ерда бегона ўт ўсибди,
Ҳамма ерни қичитқи ўт қоплабди,
Тош девори ҳам қулаб тушибди+.
32 Буларни кўриб ўйга чўмдим,
Ўзимга шундай сабоқ олдим:
33 Оз-моз ухлаб, бир оз мизғиб олсанг,
Ёнбошлаб бирпас дам олсанг,
34 Қашшоқлик қароқчи каби,
Йўқчилик қуролланган кишидай бостириб келади+.