Забур

37 Ёвуз одамлар дастидан дилинг оғримасин*.

Ёмонлик қилувчиларга ҳасад қилма+.

 2 Улар худди ўтдай тезда қуриб қолади+,

Кўк майсадай бир зумда сўлиб қолади.

 3 Яҳовага умид боғлаб, яхшилик қил+,

Ер юзида яшаб, тутган йўлингда садоқатли бўл+.

 4 Тангри Яҳова қувончинг манбаи бўлсин,

Шунда У дилингдаги орзуларингга етказади.

 5 Йўлингни Яҳовага ишониб топшир+,

Унга таян ва У сенинг фойдангни кўзлаб иш тутади+.

 6 У одиллигингни тонг шуъласидай,

Адолатингни эса кундузги қуёшдай порлатади.

 7 Яҳованинг ҳузурида сукут сақла+,

Интизорлик билан Уни кут.

Ўз режаларини амалга ошириб,

Муваффақиятга эришаётган одамларни кўрганда, ранжима+.

 8 Қаҳру ғазабни ўзингдан соқит қил+,

Жаҳлга берилиб, ёмон ишларга юз бурма*.

 9 Чунки ёвузлар йўқ қилинади+,

Яҳовага умид боғлаганлар эса ер юзига эгалик қилади+.

10 Яна бир оздан сўнг ёвузлар йўқ бўлади+,

Уларнинг жойига қарайсан-у,

Аммо уларни топа олмайсан+.

11 Камтар* кишилар эса ер юзига эгалик қилади+,

Улар тинчлик-хотиржамликда умр кечириб, беҳад шод бўлади+.

12 Ёвуз киши одилга қарши фитна уюштириб+,

Унга қарши тишларини ғижирлатади.

13 Лекин Яҳова унинг устидан кулади,

Зеро, унинг куни битишини У билади+.

14 Ёвузлар қиличини яланғочлаб, камонини тортади.

Мазлуму бечорани йўқ қилишни,

Тўғри йўлдан юрганларни қирғин қилишни кўзлайди.

15 Аммо уларнинг қиличи ўз юрагига санчилади+,

Камонлари синдириб ташланади.

16 Одил кишининг озгина мол-мулки,

Ёвузларнинг мол-дунёсидан ортиқроқдир+.

17 Боиси ёвузларнинг қўллари синдирилади,

Одилларни эса Яҳова қўллаб-қувватлайди.

18 Яҳова бенуқсон кишиларнинг ҳаёт йўлини билади,

Уларнинг мероси тоабад сақланади+.

19 Мусибат кунида улар иснодга қолмайди,

Очарчилик пайтида дастурхони тўкин-сочин бўлади.

20 Ёвузлар нобуд бўлади+,

Яҳованинг душманлари майсазорнинг чиройи каби йўққа чиқади,

Улар худди тутундай йўқ бўлиб кетади.

21 Ёвуз киши қарз олади-ю, лекин қайтариб бермайди,

Одил киши эса сахийлик ила беради+.

22 Аллоҳнинг баракасини олганлар, ер юзига эгалик қилади,

Унинг лаънатига учраганлар эса йўқ қилинади+.

23 Яҳова инсоннинг йўлларидан мамнун бўлса+,

Унинг қадамларини йўналтиради*+.

24 У қоқиниб кетса ҳам, юзтубан йиқилмайди+,

Чунки Яҳова унинг қўлидан ушлаб туради+.

25 Мен ёш эдим, энди қариб қолдим,

Аммо бирорта одил кишининг ташлаб кетилганини+,

Унинг болалари нон сўраб юрганини кўрмадим+.

26 Одил киши очиқ қўл билан доимо қарз беради+,

Унинг фарзандлари қут-баракадан баҳраманд бўлади.

27 Ёмонликдан юз ўгириб, яхшилик қил+,

Шунда абадий яшайсан.

28 Сабаби Яҳова адолатни севади,

Унга содиқ бўлганларни тарк этмайди+.

Уларни ҳамиша қўриқлайди+,

Ёвузларнинг авлоди эса йўқ бўлиб кетади+.

29 Одил кишилар ер юзига эгалик қилади+,

Улар ерда абадий яшайди+.

30 Одил кишининг оғзидан донолик чиқади*,

Унинг тили адолатни сўзлайди+.

31 Тангрисининг қонунини у қалбида сақлайди+,

Юрганда оёқлари қоқиниб кетмайди+.

32 Ёвуз одил кишини кузатиб,

Уни ўлдириш учун фурсат пойлайди.

33 Лекин Яҳова одилни унинг қўлига бериб қўймайди+,

Маҳкамада уни айбдор деб топмайди+.

34 Яҳовага умид боғлаб, Унинг йўлидан юр,

Шунда У сени юксалтириб, ер юзини мулк қилиб беради.

35 Мен шафқатсиз, ёвуз кишини кўрдим,

У худди сершох дарахтдай гуркираб ўсаётган эди+.

36 Бироқ кутилмаганда у қуриб, йўқ бўлиб кетди+,

Уни қанча изласам ҳам топа олмадим+.

37 Бенуқсон кишига эътибор бер,

Тўғри кишига+ разм солиб қара,

Бундай кишини тинчлик-осойишталик кутади+.

38 Аммо жиноятчиларнинг бари йўқ қилинади,

Ёмон одамларнинг келажаги барбод бўлади+.

39 Яҳова одил кишиларга нажот беради+,

Қайғули кунларда уларнинг қўрғони бўлади+.

Ёвузнинг қўлидан озод қилиб, омон сақлайди,

Чунки улар Ундан паноҳ топган+.