AmaHubo
2 Ngizokhuluma isaga.
Ngizosho iziphicaphicwano zakudala. +
3 Izinto esizizwile nesizaziyo,
Obaba bethu abasixoxela zona, +
4 Ngeke sisifihlele isizukulwane sabo;
Lezi zinto sizozixoxela isizukulwane esizayo +
Izenzo zikaJehova ezifanele ukudunyiswa namandla akhe, +
Izinto ezimangalisayo azenzile. +
5 Wamisa isikhumbuzo kwaJakobe
Wabeka umthetho kwa-Israyeli;
Wayala okhokho bethu
Ukuba batshele izingane zabo ngalezi zinto, +
6 Ukuze isizukulwane esizayo,
Izingane ezisazozalwa zizazi. +
Nazo zixoxele izingane zazo. +
7 Bese nazo zithembela kuNkulunkulu.
8 Khona-ke ngeke zibe njengokhokho bazo,
Isizukulwane esasinenkani nesasidlubulunda, +
Isizukulwane esasinenhliziyo engagxilile *+
Nesasingathembekile kuNkulunkulu.
9 Abakwa-Efrayimi babehlome ngomnsalo,
Kodwa babaleka ngosuku lwempi.
12 Wayenze izinto ezimangalisayo okhokho babo bebuka, +
Ezweni laseGibhithe, esifundeni saseZowani. +
15 Waqhekeza amadwala ehlane,
Wabaphuzisa baze baneliseka njengokungathi baphuza echibini elijulile. +
17 Kodwa baqhubeka bona kuye
Ngokuvukela oPhezukonke ogwadule; +
18 Bavivinya uNkulunkulu ezinhliziyweni zabo +
Ngokufuna ngenkani ukudla ababekuhalela.
“Angakwazi yini nokusinika isinkwa,
Noma anikeze abantu bakhe inyama?” +
21 Lapho uJehova ebezwa wathukuthela; +
Waletha umlilo + ukuze ajezise uJakobe,
Intukuthelo yakhe yawavuthela ama-Israyeli +
22 Ngoba awazange abe nokholo kuNkulunkulu; +
Ayengathembi ukuthi angakwazi ukuwasindisa.
23 Ngakho wayala isibhakabhaka esinamafu phezulu,
Wavula iminyango yezulu.
26 Wavusa umoya wasempumalanga emazulwini
Ngamandla akhe, wenza ukuba kuvunguze umoya waseningizimu. +
27 Wehlisela phezu kwabo inyama njengothuli,
Izinyoni ezingangesihlabathi esisogwini lolwandle.
28 Wenza ukuba ziwele phakathi kwekamu lakhe,
Nxazonke zamatende akhe.
Wabulala amadoda ayizidlakela kubo; +
Waziwisa izinsizwa zika-Israyeli.
32 Naphezu kwakho konke lokhu, baqhubeka nokona +
Ababanga nalo ukholo emisebenzini yakhe emangalisayo. +
33 Ngakho waqeda izinsuku zabo njengokungathi ziwumoya okhishwa ngamakhala, +
Neminyaka yabo ngokwesaba.
34 Kodwa njalo lapho uNkulunkulu ebulala abanye babo, babemfuna; +
Babebuya bamfune uNkulunkulu,
36 Kodwa bazama ukumkhohlisa ngemilomo yabo
Baqamba amanga ngolimi lwabo.
Kaningi wayeyibamba intukuthelo yakhe, +
Kunokuba avuse lonke ulaka lwakhe.
42 Abazange bawakhumbule amandla akhe,*
Usuku abakhulula ngalo esitheni sabo, +
43 Indlela enza ngayo izibonakaliso zakhe eGibhithe +
Nezimangaliso zakhe esifundeni saseZowani,
44 Nendlela aphendula ngayo imisele yeNayile yaba yigazi +
Kangangokuba babengenakuphuza emifudlaneni yabo.
47 Waqothula amasimu abo amagilebhisi ngesichotho +
Nezihlahla zabo zemisikhamori ngamatshe esichotho.
49 Wehlisela phezu kwabo intukuthelo yakhe evuthayo,
Ukufutheka nolaka nokucindezeleka,
Ibutho lezingelosi laletha inhlekelele.
50 Wayidedela intukuthelo yakhe.
Akazange abasindise ekufeni;
Wabanikela* esifweni esiwumshayabhuqe.
51 Ekugcineni wabulala wonke amazibulo aseGibhithe, +
Ukuqala kwamandla abo okuzala ematendeni kaHamu.
55 Waxosha izizwe phambi kwabo; +
Wababela ifa ngentambo yokukala; +
Wahlalisa izizwe zakwa-Israyeli emizini yazo. +
56 Kodwa babelokhu bemvivinya uNkulunkulu oPhezukonke, bemvukela; +
Abazange bazinake izikhumbuzo zakhe. +
57 Bamfulathela benza ngokukhohlisa njengokhokho babo. +
Babengathembekile njengomnsalo oxegayo. +
61 Wavumela umphongolo omelela amandla akhe ukuba uthunjwe;
Ubuhle bakhe wabunikela esandleni sesitha. +
67 Walilahla itende likaJosefa;
Akazange asikhethe isizwe sakwa-Efrayimi.