AmaHubo

2 Kungani izizwe zixokozela

Nabantu bevungazela* ngento engekho? +

 2 Amakhosi omhlaba ayavukela

Nezikhulu eziphakeme zibuthene* ngobunye +

Ukuze bamelane noJehova nogcotshiwe* wakhe. +

 3 Bathi: “Masigqabule ozankosi babo

Silahle nezintambo zabo!”

 4 Lowo ohlezi esihlalweni sobukhosi emazulwini uyohleka;

UJehova uyobahleka usulu.

 5 Ngaleso sikhathi uyokhuluma nabo ethukuthele

Uyobethusa ngentukuthelo yakhe evuthayo,

 6 Athi: “Mina uqobo ngiyimisile inkosi yami +

EZiyoni, + intaba yami engcwele.”

 7 Mangimemezele isinqumo sikaJehova;

Uthe kimi: “Wena uyindodana yami; +

Namuhla ngikuzele. +

 8 Cela kimi, ngizokunika izizwe zibe yifa lakho

Nemikhawulo yomhlaba ibe ngeyakho. +

 9 Uyoziphihliza ngentonga yensimbi, +

Uziphahlaze zibe izicucu njengokungathi isitsha sobumba.” +

10 Manje, nina makhosi, bonisani ukuqonda;

Bahluleli bomhlaba, kuvumeni ukuqondiswa.*

11 Khonzani uJehova ngokwesaba,

Nijabule ngokuthuthumela.

12 Hloniphani* indodana, + ukuze uNkulunkulu angavuthi ngolaka

Bese nishabalala endleleni, +

Ngoba intukuthelo yakhe igqamuka ngokushesha.