UMalaki

4 “Bheka! luyeza usuku oluvutha njengesithando somlilo, + lapho bonke abagabadelayo nabo bonke abenza okubi beyoba njengezinhlanga. Usuku oluzayo ngokuqinisekile luyobashwabadela,” kusho uJehova wamabutho, “ngeke lubashiyele mpande nagatsha. 2 Kodwa ilanga lokulunga liyokhanya kini, nina enihlonipha* igama lami, linokwelapha emisebeni yalo;* niyogxumagxuma njengamathole akhuluphele.”

3 “Niyobanyathela ababi, ngoba bayoba njengothuli ngaphansi kwezinyawo zenu ngosuku engiyothatha ngalo isinyathelo,” kusho uJehova wamabutho.

4 “Khumbulani uMthetho KaMose inceku yami, iziqondiso nezahlulelo engamyala ngazo eHorebe ukuze wonke u-Israyeli alalele. +

5 “Bhekani! Ngithumela kini u-Eliya umprofethi + ngaphambi kokuza kosuku lukaJehova olukhulu nolwesabekayo. + 6 Uyokwenza izinhliziyo zoyise zibe njengezabantwana, + nezinhliziyo zabantwana zibe njengezoyise,* ukuze ngingafiki ngishaye umhlaba ngiwubhubhise.”