Jesaja
21 ’n Oordeelsboodskap teen die wildernis van die see:*+
Dit kom soos stormwinde wat deur die suide waai,
uit die wildernis, uit ’n skrikwekkende land.+
2 ’n Vreeslike visioen is aan my oorgedra:
Die een wat bedrieglik is, tree bedrieglik op,
en die vernietiger vernietig.
Trek op, o Elam! Beleër, o Medië!+
Ek sal ’n einde maak aan al die lyding wat sy veroorsaak het.+
Krampe het my oorval,
soos die krampe van ’n vrou wat geboorte gee.
Ek is te ontsteld om te hoor.
Ek is te geskok om te sien.
4 My hart klop in my keel, ek bewe van vrees.
Die skemer waarna ek verlang het, maak my bang.
5 Dek die tafel en maak die sitplekke gereed!
Eet en drink!+
Staan op, o leiers, salf* die skild!
6 Want dit is wat Jehovah vir my gesê het:
“Laat iemand wag staan, en laat hom vertel wat hy sien.”
Hy het mooi gekyk en noukeurig aandag geskenk.
8 Toe het hy soos ’n leeu uitgeroep:
“Die hele dag staan ek op die wagtoring, o Jehovah,
en elke nag bly ek op my wagpos.+
9 Kyk na wat daar aankom:
Manne in ’n strydwa met ’n span perde!”+
Toe het hy uitgeroep:
“Sy het geval! Babilon het geval!+
Al die beelde van haar gode lê stukkend op die grond!”+
ek het julle vertel wat ek by Jehovah van die leërmagte, die God van Israel, gehoor het.
11 ’n Oordeelsboodskap teen Duma:*
Iemand roep na my van Seïr+ af:
“Wag, hoe lank voor die nag verby is?
Wag, hoe lank voor die nag verby is?”
12 Die wag het gesê:
“Die oggend kom, en ook die nag.
As julle iets wil vra, vra.
Kom weer!”
13 ’n Oordeelsboodskap teen die woestynvlakte:
In die woud in die woestynvlakte sal julle oornag,
o karavane van Dedan.+
14 Neem water vir die een wat dors is,
o inwoners van die land Tema,+
en neem kos* vir die een wat vlug.
15 Want hulle het vir die swaarde gevlug, vir die swaard wat uitgetrek is,
vir die boog wat gespan is en vir die wreedheid van die oorlog.
16 Want dít is wat Jehovah vir my gesê het: “Binne een jaar, bereken volgens die jare van ’n gehuurde werker,* sal al die heerlikheid van Kedar+ tot ’n einde kom. 17 Daar sal net ’n paar boogskutters onder die vegters van Kedar oorbly, want dit is wat Jehovah, die God van Israel, gesê het.”