Rut
4 Boas het toe na die stadspoort+ gegaan en daar gaan sit. Toe het die terugkoper waarvan Boas gepraat het,+ daar verbygekom. Boas het gesê: “Kom hier en sit asseblief, So-en-so.” En hy het na hom toe gegaan en gaan sit. 2 Daarna het Boas tien ouermanne van die stad+ geroep en gesê: “Kom sit hier.” Toe het hulle gaan sit.
3 Boas het toe vir die terugkoper+ gesê: “Naoʹmi, wat uit die gebied van Moab+ teruggekeer het, moet die stuk grond verkoop wat aan ons familielid Elimeʹleg+ behoort het. 4 Ek het gedink dat ek jou daarvan moet vertel en vir jou moet sê: ‘Koop dit voor die inwoners en die ouermanne van my volk.+ As jy dit wil terugkoop, koop dit dan terug. Maar as jy dit nie wil terugkoop nie, sê dan vir my, want jy het die reg om dit terug te koop, en ek is ná jou.’” Hy het geantwoord: “Ek is bereid om dit terug te koop.”+ 5 Toe het Boas gesê: “Die dag wanneer jy die grond by Naoʹmi koop, moet jy dit ook koop by Rut, die Moabitiese vrou, die vrou van die oorlede man, sodat die naam van die oorlede man oor sy erfdeel herstel kan word.”+ 6 Die terugkoper het toe gesê: “Ek kan dit nie terugkoop nie, want ek sal dalk my eie erfdeel benadeel. Koop dit vir jou terug met my terugkoopreg, want ek kan dit nie terugkoop nie.”
7 In vroeër tye in Israel was daar ’n gebruik om alle ooreenkomste in verband met die terugkoopreg en die oordrag daarvan te bevestig: ’n Man moes sy sandaal uittrek+ en dit vir die ander party gee. Dit is hoe ’n ooreenkoms in Israel bevestig is.* 8 Toe die terugkoper dus vir Boas sê: “Koop dit vir jou,” het hy sy sandaal uitgetrek. 9 Boas het toe vir die ouermanne en al die mense gesê: “Julle is vandag getuies+ dat ek alles wat aan Elimeʹleg behoort het en alles wat aan Giljon en Maglon behoort het, by Naoʹmi koop. 10 Ek neem ook Rut, die Moabitiese vrou, die vrou van Maglon, as my vrou om die naam van die oorlede man oor sy erfdeel te herstel+ sodat die naam van die oorlede man nie onder sy broers en uit die stadspoort van sy tuiste sal verdwyn nie. Julle is vandag getuies.”+
11 Toe het al die mense in die stadspoort en die ouermanne gesê: “Ons is getuies! Mag Jehovah die vrou wat in jou huis inkom, soos Ragel en Lea maak, die twee vrouens wat die huis van Israel gebou het.+ Mag jy voorspoedig wees in Eʹfrata+ en ’n goeie naam maak* in Betlehem.+ 12 Mag jou huis word soos die huis van Peres,+ die seun van Tamar en Juda, deur die nageslag wat Jehovah jou deur hierdie jong vrou sal gee.”+
13 Boas het Rut dus as sy vrou geneem. Hy het seksuele omgang met haar gehad, en Jehovah het haar swanger laat word, en sy het aan ’n seun geboorte gegee. 14 Toe het die vrouens vir Naoʹmi gesê: “Mag Jehovah geloof word, wat jou vandag nie sonder ’n terugkoper gelaat het nie. Mag die naam van hierdie kind in Israel verkondig word! 15 Hy het jou nuwe lewe gegee en sal op jou oudag vir jou sorg, want hy is die seun van jou skoondogter, wat jou liefhet+ en wat vir jou beter is as sewe seuns.” 16 Naoʹmi het die kind geneem en hom teen haar bors gehou, en sy het hom versorg.* 17 Toe het die buurvroue hom ’n naam gegee. Hulle het gesê: “’n Seun is vir Naoʹmi gebore,” en hulle het hom Obed+ genoem. Hy is die vader van Isai,+ Dawid se vader.
18 Hier volg die geslagslyn* van Peres:+ Peres het die vader geword van Hesron.+ 19 Hesron het die vader geword van Ram. Ram het die vader geword van Amminaʹdab.+ 20 Amminaʹdab+ het die vader geword van Nagson. Nagson het die vader geword van Salmon. 21 Salmon het die vader geword van Boas. Boas het die vader geword van Obed. 22 Obed het die vader geword van Isai,+ en Isai het die vader geword van Dawid.+