Spreuke

28 Die goddeloses vlug sonder dat iemand hulle jaag,

maar die regverdiges het die moed van ’n leeu.*+

 2 Wanneer daar opstand* in die land is, sal daar een leier ná die ander wees,+

maar ’n leier sal lank regeer as iemand met insig en kennis hom help.+

 3 ’n Arm man wat die hulpeloses uitbuit,+

is soos stortreën wat al die kos wegspoel.

 4 Dié wat die wet ignoreer, prys die goddelose,

maar dié wat die wet gehoorsaam, vererg hulle vir die goddelose.+

 5 Slegte mense kan nie verstaan wat reg is nie,

maar dié wat Jehovah se hulp vra,* kan alles verstaan.+

 6 ’n Arm man wat ’n weg van integriteit* volg,

is beter as ’n ryk man wie se weë sleg is.+

 7 ’n Verstandige seun gehoorsaam die wet,

maar iemand wat met vrate vriende is, steek sy pa in die skande.+

 8 Die een wat rykdom verkry deur rente+ en onregverdige wins,

maak dit bymekaar vir die een wat goed is vir die armes.+

 9 As iemand weier om die wet te gehoorsaam,

is selfs sy gebed iets afskuweliks.+

10 Die een wat die getroues mislei om ’n verkeerde pad te volg, sal in sy eie strik trap,+

maar dié wat ’n rein lewe lei, sal met goeie dinge beloon word.+

11 ’n Ryk man is wys in sy eie oë,+

maar ’n arm man met insig kan dwarsdeur hom sien.+

12 Dit is wonderlik wanneer die regverdiges oorwin,

maar wanneer die goddeloses begin regeer, kruip mense weg.+

13 Iemand wat sy oortredings geheim hou, sal nie sukses hê nie,+

maar die persoon wat dit bely en ophou daarmee, sal genade ontvang.+

14 Gelukkig is die man wat altyd waaksaam is,*

maar die een wat sy hart verhard, sal deur rampspoed getref word.+

15 Soos ’n brullende leeu en ’n beer wat op ’n mens afstorm,

so is ’n goddelose heerser wat oor ’n hulpelose volk regeer.+

16 ’n Leier sonder insig misbruik sy mag,+

maar die een wat oneerlike wins haat, sal lank lewe.+

18 Die een wat ’n rein lewe lei, sal gered word,+

maar die een wat ’n verkeerde weg volg, sal skielik val.+

19 Die een wat sy grond bewerk, sal baie kos hê,

maar die een wat nuttelose dinge najaag, sal arm word.+

20 ’n Betroubare man sal baie seëninge kry,+

maar die een wat probeer om vinnig ryk te word, sal nie onskuldig bly nie.+

21 Dit is nie goed om partydig te wees nie,+

maar iemand sal dalk iets verkeerds doen vir ’n stukkie brood.

22 ’n Gierige* man jaag rykdom na,

maar hy besef nie dat armoede hom sal inhaal nie.

23 Die een wat iemand teregwys,+ sal agterna meer waardeer word+

as die een wat sy tong gebruik om te vlei.

24 Die een wat van sy pa en ma steel en sê: “Dit is nie verkeerd nie,”+

is so goed as ’n misdadiger.+

25 ’n Gierige* persoon veroorsaak onenigheid,

maar iemand wat op Jehovah vertrou, sal voorspoedig wees.+

26 Die een wat op sy eie hart vertrou, is dwaas,+

maar die een wat wys optree, sal veilig wees.+

27 Iemand wat aan die armes gee, sal niks kortkom nie,+

maar baie vervloekinge wag op die een wat die armes ignoreer.

28 Wanneer die goddeloses begin regeer, kruip mense weg,

Maar wanneer hulle sterf, word die regverdiges baie.+