115 Ons verdien niks, o Jehovah, ons verdien niks,
maar u naam verdien om verheerlik te word+
as gevolg van u lojale liefde en u getrouheid.+
2 Hoekom moet die nasies vra:
“Waar is hulle God?”+
3 Ons God is in die hemel.
Wat hy ook al wil, dit doen hy.
4 Hulle afgode is silwer en goud,
die werk van mensehande.+
5 Hulle het ’n mond, maar hulle kan nie praat nie,+
oë, maar hulle kan nie sien nie.
6 Hulle het ore, maar hulle kan nie hoor nie,
’n neus, maar hulle kan nie ruik nie.
7 Hulle het hande, maar hulle kan nie voel nie,
voete, maar hulle kan nie loop nie.+
Geen geluid kom uit hulle keel nie.+
8 Die mense wat hulle maak, sal net soos hulle word,+
en so ook almal wat op hulle vertrou.+
9 O Israel, vertrou op Jehovah+
– hy is julle hulp en julle skild.+
10 O huis van Aäron,+ vertrou op Jehovah
– hy is julle hulp en julle skild.
11 Julle wat Jehovah vrees, vertrou op Jehovah+
– hy is julle hulp en julle skild.+
12 Jehovah dink aan ons, en hy sal ons seën.
Hy sal die huis van Israel seën.+
Hy sal die huis van Aäron seën.
13 Jehovah sal dié seën wat hom vrees,
klein sowel as groot.
14 Jehovah sal julle laat toeneem,
julle en julle kinders.+
15 Mag julle geseën word deur Jehovah,+
die Maker van hemel en aarde.+
16 Die hemel behoort aan Jehovah,+
maar die aarde het hy aan die mense gegee.+
17 Die dooies loof Jah nie,+
en ook nie dié wat in die stilte van die dood afgaan nie.+
18 Maar ons sal Jah loof,
van nou af en tot in alle ewigheid.
Loof Jah!