ઓબાદ્યા

તેણે અદોમ* વિશે વિશ્વના માલિક* યહોવાનો* આ સંદેશો જણાવ્યો,+

“અમને યહોવા પાસેથી ખબર મળી છે,

પ્રજાઓમાં સંદેશવાહક મોકલવામાં આવ્યો છે, જે કહે છે,

‘ઊભા થાઓ, ચાલો આપણે અદોમ સામે લડવા તૈયાર થઈએ.’”+

 ૨ “જો! મેં તને પ્રજાઓમાં સાવ નકામો બનાવી દીધો છે;

તને એકદમ તુચ્છ ગણવામાં આવે છે.+

 ૩ ઓ ખડકોની બખોલમાં રહેનાર,

તારા ઘમંડી દિલે તને છેતર્યો છે,+

ઓ ઊંચી જગ્યાએ રહેનાર, તું પોતાના દિલમાં કહે છે,

‘કોની મજાલ કે મને નીચે પાડે?’

 ૪ ભલે તું ગરુડની જેમ તારો માળો ઊંચે બાંધે,*

છેક તારાઓ વચ્ચે તારું ઘર બનાવે,

તોપણ હું તને ત્યાંથી નીચે પાડી દઈશ,” એવું યહોવા કહે છે.

 ૫ “જો રાતે તારે ત્યાં ચોર-લુટારા આવે,

તો શું તેઓ થોડું-ઘણું રહેવા નહિ દે?

જો દ્રાક્ષ વીણનારા તારી પાસે આવે,

તો શું તેઓ થોડી-ઘણી દ્રાક્ષ પડતી નહિ મૂકે?+

તને ખ્યાલ પણ નહિ આવે

અને તારી સાથે રોટલી ખાનારાઓ તારા માટે જાળ બિછાવી દેશે.”

 ૮ યહોવા જાહેર કરે છે, “એ દિવસે,

હું અદોમના બુદ્ધિશાળી માણસોનો નાશ કરીશ,+

એસાવના પહાડી વિસ્તારના સમજદાર લોકોનો સફાયો કરીશ.

 ૯ હે તેમાન,+ તારા શૂરવીરો થરથર કાંપશે,+

કેમ કે એસાવના પહાડી વિસ્તારનો એકેએક માણસ માર્યો જશે.+

૧૦ તેં* તારા ભાઈ યાકૂબ પર જુલમ ગુજાર્યો છે,+

એટલે તારે શરમાવું પડશે,+

તારું અસ્તિત્વ કાયમ માટે ભૂંસાઈ જશે.+

૧૧ જ્યારે પારકાઓ તેની સેનાને ગુલામ બનાવીને લઈ ગયા,+

ત્યારે તું રસ્તાની કોરે ઊભો ઊભો તમાશો જોતો રહ્યો.

જ્યારે પરદેશીઓએ શહેરમાં* ઘૂસીને યરૂશાલેમ માટે ચિઠ્ઠીઓ* નાખી,+

ત્યારે તું પણ તેઓના જેવો દુષ્ટ બન્યો.

૧૨ તેં આ બહુ ખોટું કર્યું,

તારા ભાઈની બરબાદીના દિવસે તેં આનંદ-ઉલ્લાસ કર્યો,+

યહૂદાના લોકોનો નાશ થયો એ દિવસે તું ખૂબ હરખાયો,+

તેઓની મુસીબતની ઘડીએ તેં તેઓની હાંસી ઉડાવી.

૧૩ મારા લોકોની બરબાદીના દિવસે તું શહેરમાં* ઘૂસી ગયો,+

વિપત્તિના દિવસે તેઓની દુર્દશા જોઈને તું ખુશ થયો,

સંકટના દિવસે તેં તેઓની સંપત્તિ પર હાથ નાખ્યો.+

૧૪ જેઓ જીવ બચાવીને ભાગી રહ્યા હતા, તેઓનો રસ્તો રોકીને તેં તેઓને મારી નાખ્યા,+

જેઓ વિપત્તિમાંથી બચી ગયા હતા, તેઓને તેં દુશ્મનોના હાથમાં સોંપી દીધા.+

૧૬ જેમ તેં મારા પવિત્ર પર્વત પર દ્રાક્ષદારૂ પીધો,

તેમ બધી પ્રજાઓએ મારા કોપનો દ્રાક્ષદારૂ પીવો પડશે.+

તેઓ એ પીશે, એને ગટગટાવી જશે,

તેઓ હતા ન હતા થઈ જશે.

૧૭ પણ બચી જનારાઓ તો સિયોન પર્વત પર હશે,+

એ પવિત્ર થશે.+

૧૮ યાકૂબના વંશજો* આગ બનશે,

યૂસફના વંશજો* જ્વાળા બનશે,

પણ એસાવના વંશજો* સૂકા ઘાસ જેવા બનશે,

તેઓ તેને બાળીને ખાખ કરી નાખશે.

એસાવના વંશજોમાંથી* કોઈ નહિ બચે,+

કેમ કે યહોવાએ પોતે એવું કહ્યું છે.

૧૯ તેઓ નેગેબને અને એસાવના પહાડી વિસ્તારને કબજે કરશે,+

શેફેલાહને અને પલિસ્તીઓના દેશને તાબે કરશે,+

એફ્રાઈમનો અને સમરૂનનો પ્રદેશ જીતી લેશે.+

૨૦ આ કિલ્લામાંથી* ગુલામીમાં* ગયેલા લોકો,+

હા, ઇઝરાયેલના લોકો કનાનથી છેક સારફત+ સુધીનો પ્રદેશ કબજે કરશે.

૨૧ બચાવ કરનારાઓ સિયોન પર્વત પર જશે,

તેઓ એસાવના પહાડી વિસ્તારનો ન્યાય કરશે,+

અને યહોવા પોતે રાજા તરીકે રાજ કરશે.”+