નીતિવચનો

૪ મારા દીકરાઓ, તમારા પિતાની શિખામણ* સાંભળો,+

એના પર ધ્યાન આપો, જેથી તમને સમજણ મળે.

 ૨ હું તમને સારી સલાહ આપીશ,

મારી શીખવેલી વાતોનો ત્યાગ કરશો નહિ.+

 ૩ હું મારા પિતાનો ડાહ્યો* દીકરો હતો,+

હું મારી માનો લાડકો દીકરો હતો.+

 ૫ બુદ્ધિ* મેળવ, સમજણ મેળવ,+

મારી વાતો ભૂલીશ નહિ, એનાથી મોં ફેરવીશ નહિ.

 ૭ બુદ્ધિ સૌથી મહત્ત્વની છે,+ એટલે એ પ્રાપ્ત કર,

ભલે તું ગમે એ મેળવે, પણ સમજણ મેળવવાનું ચૂકતો નહિ.+

 ૯ એ તારા માથા પર ફૂલોનો તાજ મૂકશે

અને સુંદર મુગટથી તારી શોભા વધારશે.”

૧૦ બેટા, મારી વાતો સાંભળ અને એ પ્રમાણે કર,

તો તારું આયુષ્ય ઘણું લાંબું થશે.+

૧૧ હું તને બુદ્ધિના માર્ગે ચાલવાનું શીખવીશ,+

હું તને સાચા માર્ગે દોરી જઈશ.+

૧૨ તું ચાલીશ ત્યારે કોઈ નડતર તને રોકશે નહિ,

તું દોડીશ ત્યારે તને ઠોકર વાગશે નહિ.

૧૩ શિસ્તનો* સ્વીકાર કરજે, એને છોડતો નહિ,+

તું જે શીખ્યો છે એને યાદ રાખજે, કેમ કે એ તારું જીવન છે.+

૧૪ દુષ્ટોના માર્ગમાં પગ મૂકતો નહિ,

ખરાબ લોકોના રસ્તે ચાલતો નહિ.+

૧૫ એ રસ્તાથી દૂર રહેજે, ત્યાં ફરકતો પણ નહિ,+

એ રસ્તે જતો નહિ અને તારા માર્ગે ચાલ્યો જા.+

૧૭ તેઓ દુષ્ટતાની રોટલીથી પોતાનું પેટ ભરે છે

અને હિંસાનો દ્રાક્ષદારૂ પીએ છે.

૧૮ નેક માણસનો માર્ગ સવારના પ્રકાશ જેવો છે,

જે બપોર થતાં સુધી વધતો ને વધતો જાય છે.+

૧૯ દુષ્ટોનો માર્ગ ઘોર અંધકાર જેવો છે,

તેઓ શાનાથી ઠેસ ખાય છે, એ પણ તેઓ જાણતા નથી.

૨૦ બેટા, મારા શબ્દો પર ધ્યાન આપ,

મારી વાતો કાને ધર.

૨૧ એને તારી નજર આગળથી દૂર થવા ન દે,

એને તારા દિલમાં સંઘરી રાખ.+

૨૨ એનો સ્વીકાર કરનાર માણસ જીવશે,+

તેનું આખું શરીર તંદુરસ્ત રહેશે.

૨૩ સૌથી વધારે તું તારા દિલની સંભાળ રાખ,+

કેમ કે એમાંથી જીવનનો ઝરો વહે છે.

૨૪ તારા મોંમાંથી ખરાબ શબ્દો ન નીકળે,+

તારા હોઠોમાંથી છળ-કપટની વાતો ન નીકળે.

૨૫ તારી નજર તારા માર્ગ પર રાખ,

તારી આંખો રસ્તા પરથી ફંટાવા ન દે.+

૨૬ તારા માર્ગમાંથી નડતરો દૂર કર,*+

એટલે તારા બધા માર્ગો સલામત થશે.

૨૭ ડાબે કે જમણે વળતો નહિ,+

બૂરાઈના માર્ગમાં પગ મૂકતો નહિ.