හෙබ්‍රෙව්

9 කලින් වලංගු වූ ගිවිසුම යටතේ දෙවිට කළ සේවයට අදාළ නීතිරීතිද+ නමස්කාරය සඳහා පොළොව මත ශුද්ධස්ථානයක්ද+ තිබිණ. 2 කූඩාරමක් ලෙස ඉදි කළ එම ශුද්ධස්ථානයේ මුල් කාමරයෙහි+ පහන් රුකද+ මේසයද+ පුදන රොටිද+ දක්නට ලැබිණ. එය හඳුන්වනු ලැබුවේ “ශුද්ධස්ථානය” ලෙසය.+ 3 එම කූඩාරමේ දෙවෙනි තිරය පිටුපස+ “අතිශුද්ධස්ථානය”+ යනුවෙන් හැඳින්වූ කාමරයක් තිබිණ. 4 එහි රනින් සාදන ලද සුවඳ දුම් භාජනයක්ද+ රන්වලින් ඇතුළත හා පිටත සම්පූර්ණයෙන්ම ආලේප කරන ලද+ ගිවිසුම් පෙට්ටියද+ තිබිණ. එම පෙට්ටියේ මන්නා දැමූ+ රන් භාජනයද දලු හටගත් ආරොන්ගේ සැරයටියද+ ගිවිසුම ලියා තිබුණු ගල් පුවරුද තබන ලදි.+ 5 පෙට්ටිය මත මහත් තේජසකින් යුත් කෙරුබ්වරුන්ගේ රූප දෙකක් තබා තිබූ අතර+ ඒවායේ සෙවණැල්ලෙන් පව්වලට සමාව ලබාගන්නා ස්ථානයේ පිහිටි එම පෙට්ටියේ පියන වැසී තිබිණ.+ කෙසේනමුත් ඒ දේවල් ගැන බොහෝ විස්තර කතා කිරීමට මෙය සුදුසු අවස්ථාවක් නොවේ.

6 ඒ දේවල් එලෙස ඉදි කළ පසු පූජකයෝ දෙවිට ඉටු කළ යුතු සේවය සඳහා+ ශුද්ධ කූඩාරමේ පළමු කාමරයට නිතරම ඇතුල් වෙති.+ 7 නමුත් දෙවෙනි කාමරයට ඇතුල් වන්නේ උත්තම පූජකයා පමණි. ඒ අවුරුද්දකට එක් වතාවකි.+ ඔහු එයට ඇතුල් වන විට යම් ලේ ප්‍රමාණයක් රැගෙන යන අතර+ එම ලේ තමා වෙනුවෙනුත්+ සෙනඟ නොදැනුවත්කමින් කළ පව් වෙනුවෙනුත් ඔප්පු කරයි.+ 8 මුලින් තිබූ ඒ ශුද්ධ කූඩාරම පැවති කාලයේදී අතිශුද්ධස්ථානයට* පිවිසෙන මඟ+ විවෘත වී නොතිබූ බව+ දෙවි තම බලය මගින් පැහැදිලි කර ඇත. 9 එම කූඩාරම කලින් නියම කර තිබූ මෙම කාලයේදී+ සිදු වන දේවලට සංකේතයක් වන අතර+ මේ වන තුරු පරිත්‍යාග සහ පූජා එහි ඔප්පු කරනු ලැබේ.+ කෙසේවෙතත් දෙවිට සේවය කරන මිනිසාට දෙවි ඉදිරියේ සම්පූර්ණයෙන්ම+ නිදොස් වූ හෘදය සාක්ෂියක් ලබා දීමට ඒවාට නුපුළුවන.+ 10 නමුත් එම පරිත්‍යාග සහ පූජාවන් විවිධ කෑම+ බීමවලට+ මෙන්ම චාරිත්‍රානුකූලව පවිත්‍ර වීමේ පිළිවෙත්වලට+ පමණක් අදාළ වේ. ඒ අනුව එම නීතික අවශ්‍යතා අදාළ වූයේ බාහිර දේවලට පමණක් බව පැහැදිලිය.+ එලෙසම ඒවා පනවනු ලැබුවේ දෙවිගේ අරමුණට එකඟව සෑම දෙයක්ම නිවැරදි කිරීමට නියමිත කාලය පැමිණෙන තුරුය.+

11 නමුත් අප දැන් අද්දකිමින් සිටින ආශීර්වාදවලට මඟ පෑදූ ක්‍රිස්තුස් උත්තම පූජකයෙකු ලෙස පැමිණි විට+ ඔහු ඇතුල් වූයේ මිනිසුන් නොසෑදූ මෙලොවෙහි තිබෙන දේවලට සම්බන්ධයක් නැති වඩාත් ශ්‍රේෂ්ඨ මෙන්ම පරිපූර්ණ කූඩාරම තුළටය.+ 12 ඔහු ඇතුල් වූයේ එළුවන්ගේවත් වස්සන්ගේවත් ලේ රැගෙන නොව+ තමාගේම ලේ රැගෙනය.+ එසේ ඔහු එක් වරක් අතිශුද්ධස්ථානයට ඇතුල් වී අපට සදාකාලික ගැලවීමක් ලබා දුන්නේය.+ ඒ නිසා ඒ දේ නැවත කිරීමට ඔහුට සිදු වන්නේ නැත. 13 මන්ද අපවිත්‍ර අය වෙනුවෙන්+ එළුවන්ගේ+ සහ ගවයන්ගේ ලේද+ වැස්සියකගේ අළුද+ ඔවුන් මත ඉසිනු ලබන විට ඔවුන්ව නැවතත් පවිත්‍ර අය ලෙස සැලකීමට+ දෙවිට හැකි නම්, 14 ක්‍රිස්තුස්ගේ ලෙයින්+ ඊටත් වඩා කොපමණ මහත් දෙයක් ඉටු වේද! එලෙස ක්‍රිස්තුස් දෙවිගේ සදාකාලික බලයේ ක්‍රියාකාරිත්වයට එකඟව කැළැලක් රහිත තම ජීවිතය පුද කර+ අපගේ හෘදය සාක්ෂිය නිෂ්ඵල ක්‍රියාවලින්+ පවිත්‍ර කර+ අපට ජීවමාන දෙවි වෙනුවෙන් පරිශුද්ධ සේවයක් කිරීමේ අවස්ථාව+ ලබා දුන්නේය.

15 ඔහු අලුත් ගිවිසුමක මැදිහත්කරුවෙකු වන්නේ ඒ නිසාය.+ ඔහු එසේ ක්‍රියා කරන්නේ කැඳවනු ලැබූ අයට සදාකාලික උරුමයක් ලැබෙන බවට වූ පොරොන්දුව ලබා දීම සඳහාය.+ ඒ සෑම දෙයකටම මඟ විවෘත කළේ ඔහුගේ මරණයයි. ඒ මරණය තුළින් ගෙවනු ලැබූ වන්දිය මාර්ගයෙන්+ ඔවුහු කලින් තිබූ ගිවිසුම යටතේ කළ වැරදිවලින්+ නිදහසක් ලබති. 16 මන්ද දෙවි සමඟ ගිවිසුමක් තිබෙන විට+ ඒ ගිවිසුමට සම්බන්ධව සිටින පුද්ගලයා මිය ගිය බව ඔප්පු විය යුතුයි. 17 එසේ වන්නේ ගිවිසුමක් වලංගු වීමට මරණයක් සිදු විය යුතු නිසාය. එහෙයින් ගිවිසුමට සම්බන්ධ වන පුද්ගලයා ජීවත් වන තුරු ඒ ගිවිසුම ක්‍රියාත්මක වන්නේ නැත. 18 කලින් පැවති ගිවිසුම+ ලේවලින් වලංගු කරනු ලැබුවේ ඒ නිසාය.+ 19 මන්ද නීතියට ඇතුළත් වූ සෑම ආඥාවක්ම මෝසෙස් මුළු සෙනඟට පැවසූ පසු+ ඔහු වස්සන්ගෙත් එළුවන්ගෙත් ලේ සමඟ වතුරද තද රතු පාට ලොම්ද හිසොප්ද+ ගෙන ගිවිසුම ලියා තිබුණු ලියවිල්ල මතත් මුළු සෙනඟ මතත් ඉසිමින්, 20 “දෙවි ඔබ සමඟ ඇති කරගත් ඔබ කීකරු වීමට බැඳී සිටින ගිවිසුම මේ ලේ මාර්ගයෙන් ස්ථිර වෙයි” කියා පැවසුවේය.+ 21 එසේම ඔහු කූඩාරමටද+ ජනයාට සේවය කරන විට භාවිත කරන සියලු භාජනවලටද ලේ ඉස්සේය.+ 22 නීතියට අනුව සෑම දෙයක්ම පාහේ පවිත්‍ර කරනු ලබන්නේ ලේ මාර්ගයෙනි.+ ඒ අනුව ලේ වැගිරීමක් සිදු වන්නේ නැත්නම්+ පව්වලට සමාවක් ලැබෙන්නේද නැත.+

23 එමනිසා ස්වර්ගයේ තිබෙන දේවල ආකෘතියක්+ වන එම දේවල් එලෙස පවිත්‍ර කිරීම අවශ්‍ය විය.+ නමුත් ස්වර්ගික දේවල් පවිත්‍ර කරනු ලබන්නේ එම පූජාවලට වඩා උතුම් පූජාවලිනි. 24 මන්ද ක්‍රිස්තුස් සැබෑ දෙයෙහි ආකෘතියක්+ වන මිනිසුන් විසින් සාදන ලද+ අතිශුද්ධස්ථානයකට ඇතුල් වූයේ නැත. ඒ වෙනුවට ඔහු දැන් ස්වර්ගයට ඇතුල් වී+ ඇති අතර අප වෙනුවෙන් දෙවි ඉදිරියෙහිම පෙනී සිටියි.+ 25 නමුත් උත්තම පූජකයාට සෑම අවුරුද්දක් පාසාම+ සතුන්ගේ ලේ* රැගෙන අතිශුද්ධස්ථානයට ඇතුල් වීමට+ සිදු වුණත් ක්‍රිස්තුස්ට බොහෝ වරක් තම ජීවිතය පූජා කිරීමට අවශ්‍ය වන්නේ නැත. 26 එසේ වුණා නම් පොළොවේ දරුවන් බිහි වුණු දා*+ පටන් බොහෝ වරක් දුක් විඳීමට ඔහුට සිදු වනු ඇත. නමුත් පවතින මෙම සමාජයේ අවසාන කාල පරිච්ඡේදයේදී+ මෙලොවට පැමිණි ඔහු+ තම ජීවිතය පූජා කිරීමෙන් පාපය පහ කර ඇත.+ ඒ දේ ඔහුට නැවත වරක් කිරීමට අවශ්‍ය වන්නේ නැත.+ 27 සාමාන්‍යයෙන් මිනිසුන්+ මිය යන්නේ එක් වරක් පමණි. ඉන්පසුව ඔවුන්ට විනිශ්චයක් තිබේ.+ 28 එලෙසම ක්‍රිස්තුස් බොහෝදෙනෙකුගේ පව් ඉසිලීම සඳහා+ තම ජීවිතය එක් වරක්+ පූජා කළේය. ඒ දේ නැවත කිරීමට ඔහුට අවශ්‍ය වන්නේ නැත. ඔහු නැවත දෙවෙනි වරටත්+ පැමිණෙන විට+ ඔහු පැමිණෙන්නේ පාපය සම්බන්ධයෙන් පියවර ගැනීමට නොවේ.+ ඒ වෙනුවට ඔහු පැමිණෙන්නේ තම ගැලවීම සඳහා ඔහු දෙස මහත් ඕනෑකමින් බලා සිටින අය වෙනුවෙනි.+