ලෙවී කතාව

7 “‘වන්දි පූජාව සම්බන්ධ නීතිය මෙයයි.+ වන්දි පූජාව ඉතා ශුද්ධ දෙයකි.+ 2 දවන පූජා සඳහා සතුන්ව මරන ස්ථානයේදීම+ වන්දි පූජාව සඳහා ගෙනෙන සතාවද මැරිය යුතුයි. උගේ ලේ+ පූජාසනයේ සෑම පැත්තටම ඉසිය+ යුතුයි. 3 උගේ සියලු තෙල්+ කොටස් එනම්, තෙලින් පිරුණු උගේ වලිගයද බඩවැල් වටා ඇති සම්පූර්ණ තෙල් තට්ටුවද 4 වකුගඩු දෙකද ඒවා මත තිබෙන තෙල්ද තුනටිය පෙදෙසේ තිබෙන තෙල් තට්ටුවද ඉවතට ගත යුතුයි. අක්මාව වටා තිබෙන තෙල්ද වකුගඩු සමඟම ඉවතට ගත යුතුයි.+ 5 පූජකයා, ඒවා පූජාසනය මත දවා යෙහෝවා දෙවි වන මට ඔප්පු කළ යුතුයි.+ එය වන්දි පූජාවකි. 6 සෑම පූජකයෙකුම එයින් අනුභව කළ යුතුයි.+ එය අනුභව කළ යුත්තේ ශුද්ධ තැනකදීය. මන්ද එය ඉතා ශුද්ධය.+ 7 වන්දි පූජාව පාප පූජාව මෙන් වන්නේය. ඒ දෙකටම තිබෙන්නේ එකම නීතියයි.+ පාපවලට සමාව ලබාගන්නා පිණිස වන්දි පූජාව ඔප්පු කරන පූජකයාට එම පූජාව අයිති වන්නේය.

8 “‘පූජකයෙකු යමෙකු වෙනුවෙන් දවන පූජාවක් ඔප්පු කරනවා නම් ඔප්පු කරන එම සතාගේ හම+ අයිති වන්නේ පූජකයාටය.

9 “‘යමෙකු ධාන්‍ය පූජාවක් ලෙස උදුනේ+ පුලුස්සන ලද යමක් හෝ තාච්චියේ+ බදින ලද යමක් හෝ කබලේ+ පුලුස්සන ලද යමක් හෝ ඔප්පු කරනවා නම් එය අයිති වන්නේ පූජාව ඔප්පු කරන පූජකයාටය.+ 10 නමුත් තෙල්+ මිශ්‍ර කළ ධාන්‍ය පූජා සහ වියළි+ ධාන්‍ය පූජා සියල්ල ආරොන්ගේ පුත්‍රයන්ට අයිති වන්නේය. එම පූජා ඔවුන් සියලුදෙනා අතරේ සම සේ බෙදාගත යුතුයි.

11 “‘යෙහෝවා දෙවි වන මට ඔප්පු කරන හවුල් පූජාව+ සඳහා නීතිය මෙයයි. 12 යමෙකු තම ස්තුතිය+ ප්‍රකාශ කරන පිණිස හවුල් පූජාවක් ඔප්පු කරනවා නම් ඔහු එම ස්තුති පූජාව සමඟ තෙල් මිශ්‍ර කර සාදාගත් මුද්දක හැඩැති මුහුන් නොදැමූ රොටි සහ තෙල් තැවරූ මුහුන් නොදැමූ සිහින් රොටි ගෙනා යුතුයි.+ එමෙන්ම සිහින් පිටි හා තෙල් හොඳට මිශ්‍ර කර සාදාගත් මුද්දක හැඩැති රොටිද ගෙනා යුතුයි. 13 ඔහු එම රොටි සමඟ මුහුන් දැමූ+ මුද්දක හැඩැති රොටිද ගෙනා යුතුයි. ඔහු ස්තුති පූජාවක් ලෙස ඔප්පු කරන හවුල් පූජා සමඟ ඒවා ඔප්පු කළ යුතුයි. 14 ඔහු ගෙනා සෑම රොටි වර්ගයකින්ම එක රොටිය බැගින් වෙන් කළ යුතුයි. ඒවා යෙහෝවා දෙවි වන මට දෙනු ලබන ශුද්ධ කොටසය.+ එම කොටස අයිති වන්නේ හවුල් පූජාවේ ලේ පූජාසනය මත ඉසින පූජකයාටය.+ 15 ස්තුති පූජාවක් ලෙස ඔප්පු කරන හවුල් පූජාවක මස් ඔප්පු කළ දවසේම අනුභව කළ යුතුයි. එය පසුවදා උදෑසන වන තෙක් ඉතුරු නොකළ යුතුයි.+

16 “‘යමෙකු භාරයක්+ ලෙස හෝ සිය කැමැත්තෙන්ම+ හෝ පූජාවක් ඔප්පු කරනවා නම් පූජාව ඔප්පු කරන දවසේම එය කෑ යුතුයි. එයින් යමක් ඉතුරු වුණොත් එය පසුවදා කෑමටද ගත හැකියි. 17 එහෙත් තුන්වන දවස දක්වා මස් ඉතුරු වුණොත් එය ගින්නෙන් දැවිය යුතුයි.+ 18 නමුත් හවුල් පූජාවේ මස් තුන්වන දවසේ අනුභව කළොත් මම එම පූජාව පිළි නොගන්නෙමි.+ පූජාව ඔප්පු කළ තැනැත්තාට එයින් ප්‍රයෝජනයක් අත් වන්නේ නැත.+ එය ඉතා පිළිකුල් දෙයක් ලෙස සැලකේ. එය කෑමට ගත් තැනැත්තා එම වරදට ගණන් දිය යුතුයි.+ 19 පවිත්‍රව සිටින සියලුදෙනාටම පූජාව සඳහා ඔප්පු කළ සතාගේ මාංසය අනුභව කළ හැකියි. නමුත් එම මාංසය යම් අපවිත්‍ර දෙයක ස්පර්ශ වුණොත්+ එය නොකෑ යුතුයි. එය ගින්නෙන් දැවිය යුතුයි.

20 “‘යමෙකු අපවිත්‍රව සිටියදී යෙහෝවා දෙවි වන මට ඔප්පු කරන ලද හවුල් පූජාවේ මාංසය අනුභව කළොත් ඔහුව මරා දැමිය යුතුයි.+ 21 යමෙකු තමාව අපවිත්‍ර කළ හැකි ඕනෑම දෙයක් එනම්, අපවිත්‍ර මිනිසෙකුව+ හෝ අපවිත්‍ර යමක් හෝ අපවිත්‍රයයි සලකන සතෙකුව+ හෝ ඉතා පිළිකුල්සහගත වූ දෙයක්+ හෝ ස්පර්ශ කළ පසු යෙහෝවා දෙවි වන මට ඔප්පු කළ හවුල් පූජාවේ මාංසය අනුභව කළොත් එම තැනැත්තාව මරා දැමිය යුතුයි.’”

22 යෙහෝවා දෙවි තවදුරටත් මෝසෙස්ට මෙසේ කීවේය. 23 “ඔබ ඊශ්‍රායෙල් සෙනඟට මෙසේ කියන්න. ‘ඔබ ගවයෙකුගේ හෝ බැටළුවෙකුගේ හෝ එළුවෙකුගේ හෝ තෙල් කොටස් කිසිසේත් නොකෑ යුතුයි.+ 24 නමුත් මිය ගිය සතෙකුගේ හෝ වෙනත් සතෙකු විසින් මරා දැමූ+ සතෙකුගේ හෝ තෙල් කොටස් වෙන ඕනෑම දෙයක් සඳහා ප්‍රයෝජනයට ගත හැකියි. එහෙත් ඒවා අනුභව නොකළ යුතුයි. 25 යමෙකු යෙහෝවා දෙවි වන මට ගින්නෙන් ඔප්පු කරන ලද පූජාවක තෙල් කොටස් අනුභව කළොත් ඔහුව මරා දැමිය යුතුයි.+

26 “‘ඔබ ජීවත් වන කවර තැනකදී හෝ වේවා ලේ+ කොහෙත්ම නොකෑ යුතුයි. කුරුල්ලෙකුගේ ලේ හෝ වේවා මෘගයෙකුගේ ලේ හෝ වේවා ඔබ නොකෑ යුතුයි. 27 යමෙකු ලේ අනුභව කළොත් ඔහුව මරා දැමිය යුතුයි.’”+

28 යෙහෝවා දෙවි තවදුරටත් මෝසෙස්ට මෙසේ කීවේය. 29 “ඊශ්‍රායෙල් සෙනඟට මෙසේ කියන්න. ‘යමෙකු යෙහෝවා දෙවි වන මට හවුල් පූජාවක් ඔප්පු කරනවා නම් ඔහු එම පූජාවෙන් කොටසක් යෙහෝවා දෙවි වන මා වෙතට ගෙනා යුතුයි.+ 30 ඔහු සතාගේ තෙල්+ කොටස් හා උගේ පපු පෙදෙස ගෙන යෙහෝවා දෙවි වන මට ගින්නෙන් ඔප්පු කළ යුතුයි. ඔහු සතාගේ තෙල් කොටස් සමඟ පපු පෙදෙස යෙහෝවා දෙවි වන මා ඉදිරියේ ඒ මේ අත සෙලවිය යුතුයි. එය දෙවිට පිළිගන්වන පිණිස කරන සෙලවීමේ පූජාවකි.+ 31 පූජකයා සතාගේ තෙල් කොටස් පූජාසනය මත දැවිය යුතුයි.+ එහෙත් උගේ පපු පෙදෙස ආරොන්ටත් ඔහුගේ පුත්‍රයන්ටත් අයිති වන්නේය.’+

32 “‘හවුල් පූජාව වශයෙන් ගෙනෙන සතාගේ දකුණු ගාතය ශුද්ධ කොටසක්+ ලෙස පූජකයාට දෙන්න. 33 දකුණු ගාතය අයිති වන්නේ ආරොන්ගේ පුත්‍රයන් අතරින් හවුල් පූජාවේ ලේ සහ තෙල් කොටස් ඔප්පු කරන තැනැත්තාටය.+ 34 ඊශ්‍රායෙල් සෙනඟ මට ගෙනෙන හවුල් පූජාවලින් සෙලවීමේ පූජාව+ සඳහා වෙන් කරන සතාගේ පපු පෙදෙස සහ ශුද්ධ කොටසක් ලෙස වෙන් කරන සතාගේ ගාතය මම ගන්නෙමි. මම එය ඊශ්‍රායෙල් සෙනඟගෙන් රැගෙන පූජකයා වන ආරොන්ටත් ඔහුගේ පුත්‍රයන්ටත් දෙන්නෙමි. එය බොහෝ කාලයකට වලංගු වන නියෝගයකි.

35 “‘යෙහෝවා දෙවි වන මට ගින්නෙන් ඔප්පු කරන පූජාවලින් ආරොන්ට සහ ඔහුගේ පුත්‍රයන්ට හිමි වන කොටස එයයි. යෙහෝවා දෙවි වන මාගේ පූජකයන් ලෙස ඔවුන්ව පත් කළ+ දවසේ සිට ඔවුන්ට එම කොටස හිමි වන්නේය. 36 යෙහෝවා දෙවි වන මා ඊශ්‍රායෙල් සෙනඟ අතරින් ඔවුන්ව තෝරා පූජකයන් ලෙස සේවය කිරීමට ඔවුන්ව අභිෂේක+ කළ දවසේ නියම කළ ලෙසම ඔවුන්ට එම කොටස දිය යුතුයි. එය ඔවුන්ගේ සියලු පරම්පරාවලදී බොහෝ කාලයක් පුරා පිළිපැදිය යුතු නියෝගයකි.’”+

37 දවන පූජාව,+ ධාන්‍ය පූජාව,+ පාප පූජාව,+ වන්දි පූජාව,+ අභිෂේක කිරීමේ පූජාව+ සහ හවුල් පූජාව+ සඳහා නීති ඒවාය. 38 යෙහෝවා දෙවි සීනයි පාළුකරයේදී තමාට පූජා ඔප්පු කරන ලෙස ඊශ්‍රායෙල් සෙනඟට අණ කළ අවස්ථාවේදී එම නියමයන් දුන්නේය.+ යෙහෝවා දෙවි සීනයි කන්දේදී+ මෝසෙස්ට පැවසූ ආකාරයටම එය වාර්තා වී ඇත.