දානියෙල්

9 මේදිය ජාතිකයෙකු වූ+ අහෂ්වේරොෂ්ගේ පුත්‍රයා වන දාරියුස්+ කල්දිවරුන්ගේ රාජ්‍යයේ රජකමට පත් විය.+ ඔහු රජකම් කළ පළමුවන අවුරුද්දේදී 2 දානියෙල් වන මම අනාගතවක්තෘ යෙරෙමියාගේ ලියවිලි සෝදිසි කර බලා,+ යෙරුසලම කොපමණ කාලයක් පුරා පාළුවට යන්න ඉඩහැර තිබුණාද කියා තේරුම්ගත්තෙමි.+ යෙහෝවා දෙවි යෙරෙමියාට හෙළි කර තිබූ පරිදි එය අවුරුදු හැත්තෑවක් විය.+ 3 එබැවින් මම නිරාහාරව සිට ගෝණි රෙදි ඇඳ, හිස මත අළු දමාගෙන+ සැබෑ දෙවි වන යෙහෝවාට ඉතා බැගෑපත්ව+ කන්නලව් කළෙමි.+ 4 මම මගේ දෙවි වන යෙහෝවාට අප කළ පව් ගැන කියමින් මෙසේ යාච්ඤා කළෙමි.+

“යෙහෝවා දෙවියනි, සැබෑ දෙවි ඔබයි. ඔබ ඉතා ශ්‍රේෂ්ඨ වූ+ ගරුබිය ලැබීමට වටිනා දෙවි කෙනෙක්. ඔබට ප්‍රේම කරමින් ඔබේ ආඥාවලට කීකරු වන අයට+ ඔබ ප්‍රේමය* නොඅඩුව පෙන්වනවා.+ ඔබ ඔවුන් සමඟ කළ ගිවිසුම කිසිදා කඩ කරන්නේ නැහැ.+ 5 අපි ඔබට විරුද්ධව කැරලිගසමින්+ පව් කළා.+ අපි ඔබේ ආඥාවලට හා තීන්දුවලට විරුද්ධ වෙමින් දුෂ්ට ලෙස ක්‍රියා කළා.+ 6 ඔබේ සේවකයන් වන අනාගතවක්තෘවරු ඔබේ නාමයෙන් අපේ රජවරුන්ටත් අධිපතීන්ටත් අන් සියලු වැසියන්ටත් කතා කළා. අපේ මුතුන්මිත්තන්ටත් ඔවුන් කතා කළා.+ නමුත් අපි ඔවුන් කී දේට සවන් දුන්නේ නැහැ.+ 7 යෙහෝවා දෙවියනි, ඔබ සැබවින්ම ධර්මිෂ්ඨයි. නමුත් අපි ඔබට ද්‍රෝහිව කටයුතු කළා. ඔබ යූදා දේශයේ, යෙරුසලමේ හා මුළු ඊශ්‍රායෙල් දේශයේ වැසියන්ව පන්නා දමා අවට ජාතීන්ගේ හා දුර ඈත ජාතීන්ගේ අතට ඔවුන්ව භාර දුන්නේ ඒ නිසයි.+ අද අපි ලැජ්ජාවට පත්ව සිටින්නෙත් ඒ නිසයි.+

8 “යෙහෝවා දෙවියනි, අපි ඔබට විරුද්ධව පව් කළා. අපේ රජවරුන්ද අධිපතීන්ද මුතුන්මිත්තන්ද ඔබට විරුද්ධව පව් කළා. අප නින්දාවට පත්ව සිටින්නේ අපේම පව්කාරකම නිසයි.+ 9 යෙහෝවා අපේ දෙවියනි, ඔබ සමාව දීමට කැමති+ දයාවන්ත දෙවි කෙනෙක්.+ නමුත් අපි ඔබට විරුද්ධව කැරලිගැසුවා.+ 10 යෙහෝවා අපේ දෙවියනි, අපි ඔබේ හඬට සවන් දුන්නේ නැහැ. ඔබේ සේවකයන් වන අනාගතවක්තෘවරුන් මාර්ගයෙන් ඔබ දුන් නීතිවලට අනුව අපි ජීවත් වුණේ නැහැ.+ 11 මුළු ඊශ්‍රායෙල් ජාතියම ඔබේ නීතිය ගණනකටවත් නොගෙන ඔබට අකීකරු වුණා. ඔවුන් ඔබට සවන් නොදී ඔබව අත්හැර ගියා.+ එබැවින් ඔබේ සේවකයා වූ මෝසෙස්ට ඔබ දුන් නීතියේ සඳහන් සියලුම ශාප අප පිටට පැමිණියා.+ දිවුරුමකින් ස්ථිර කළ ඒ සියල්ල අප පිටට පැමිණීමට ඔබ ඉඩහැරියේ, අපි සැබෑ දෙවි වන ඔබට විරුද්ධව පව් කළ නිසයි. 12 ඔබ අපිටත් අපේ පාලකයන්ටත්+ අනතුරු ඇඟවූ ලෙසම මහත් විපතක් අප පිටට ගෙන ආවා.+ යෙරුසලමේ සිදු වූ ඒ විපත තරම් දරුණු විපතක් අහසින් යට වෙන කිසිම තැනක සිදු වී නැහැ.+ 13 මෝසෙස්ගේ නීතියේ ලියා තිබෙන ලෙසම+ සෑම විපතක්ම අප පිටට පැමිණියා.+ යෙහෝවා අපේ දෙවියනි, ඒ සියල්ල සිදු වූ පසුත් පසුතැවිලි වී ඔබේ අනුමැතිය දිනාගැනීමට අපි කිසිවක් කළේ නැහැ.+ අපේ වැරදි මාර්ගවලින් ඉවත් වෙන්නවත් ඔබේ විශ්වාසවන්තකම අගය කරන්නවත් අපි පෙලඹුණේ නැහැ.+

14 “යෙහෝවා දෙවියනි, ඔබ සුදුසු කාලය පැමිණෙන තෙක් බලා සිට විපත්තිය අප පිටට ගෙනාවා.+ යෙහෝවා දෙවියනි, ඔබගේ සෑම ක්‍රියාවක්ම ධර්මිෂ්ඨයි. නමුත් අපි ඔබේ හඬට සවන් දුන්නේ නැහැ.+

15 “යෙහෝවා දෙවියනි, ඔබේ මහත් බලය යොදාගෙන ඔබේ සෙනඟව ඔබ ඊජිප්තු දේශයෙන් පිටතට ගෙනාවා.+ ඔබේ නාමය ගෞරවයට පත් කළ ඒ බලවත් ක්‍රියාව අද වන තුරුත් කිසිවෙකුට අමතක වී නැහැ.+ නමුත් අපි දුෂ්ට ලෙස ක්‍රියා කරමින් පව් කළා.+ 16 අනේ යෙහෝවා දෙවියනි, ඔබේ නුවර වන යෙරුසලම හා ඔබේ සෙනඟ අවට ජාතීන්ගේ නින්දා අපහාසවලට ලක් වී තිබෙනවා.+ අපිත් අපේ මුතුන්මිත්තනුත් පව් කළ නිසයි ඒ දේ සිදු වුණේ.+ ඔබ සැමදා ධර්මිෂ්ඨ ලෙස ක්‍රියා කරනවා.+ එබැවින් දැනුත් ඔබේ කෝපය පහ කර ඔබේ ශුද්ධ කන්ද වූ+ ඔබේ නුවර වන යෙරුසලමට කරුණාව පෙන්වන්න. 17 අපේ දෙවියනි, දැන් ඔබේ සේවකයාගේ යාච්ඤාවටත් කන්නලව්වලටත් සවන් දෙන්න. පාළුවට ගොස් තිබෙන ඔබේ ශුද්ධස්ථානය දෙස+ නැවත බලා කරුණාව පෙන්වන්න.+ අනේ යෙහෝවා දෙවියනි, ඔබේ නාමය උදෙසා එසේ කරන්න. 18 මාගේ දෙවියනි, අපේ කන්නලව්වලට සවන් දෙන්න.+ ඔබේ නාමය දරන අපේ නුවර+ පාළුවට ගොස් තිබෙන ආකාරය දෙස බලන්න. අපි ඔබ ඉදිරියේ මෙසේ කන්නලව් කරන්නේ අපේ ධර්මිෂ්ඨ ක්‍රියා නිසා නොවෙයි.+ නමුත් ඔබ මහත් සේ අනුකම්පාව පෙන්වන දෙවි කෙනෙකු වන නිසයි.+ 19 අනේ යෙහෝවා දෙවියනි, අපිට සවන් දෙන්න.+ අනේ යෙහෝවා දෙවියනි, අපිට සමාව දෙන්න.+ මන්ද මේ සෙනඟත් මේ නුවරත් ඔබේ නාමය දරනවා.+ යෙහෝවා, මාගේ දෙවියනි, දැන් ප්‍රමාද නොවී+ ඔබේ නාමය වෙනුවෙන් ක්‍රියා කරන්න.”+

20 මම යාච්ඤාවෙන් මගේ පාප+ හා මගේ සෙනඟ වන ඊශ්‍රායෙල්වරුන්ගේ පාප+ ගැන මෙසේ ප්‍රකාශ කරමින් සිටියෙමි. මගේ දෙවි වන යෙහෝවා ඉදිරියේ ඔහුගේ ශුද්ධ කන්ද+ වෙනුවෙන් කන්නලව් කළෙමි. 21 මා යාච්ඤා කර අවසන් වෙන්නත් කලින් ගාබ්‍රියෙල්*+ මා ඉදිරියට ආවේය. ඔහු මා ළඟට ආවේ සැන්දෑවේ තෑගි පූජාව ඔප්පු කරන වේලාවේදීය.+ මා මීට පෙර දුටු දර්ශනයේ විඩාවට පත්ව සිටියදී මා ඉදිරියට ආවෙත් ඔහුමය.+ 22 ඔහු මට සියල්ල පැහැදිලිව තේරුම් කර දෙමින් මෙසේ කීවේය.

“දානියෙල්, ඔබට සියල්ල පැහැදිලිව අවබෝධ කර දෙන පිණිස මම ආවෙමි.+ 23 ඔබ කන්නලව් කරන්න පටන්ගත් මොහොතේම මට පණිවිඩයක් ලැබිණ. මම ඒ ගැන ඔබට දැන්වීමට ආවෙමි. මන්ද ඔබ බොහෝ ප්‍රේම ලත් තැනැත්තෙකි.+ ඉතින් මා දැන් කියන්න යන දේට හොඳින් සවන් දෙන්න.+ ඔබ දකින දේ හොඳින් තේරුම්ගන්න.

24 “ඔබේ සෙනඟ+ හා ඔබේ ශුද්ධ නුවර+ වෙනුවෙන් සති හැත්තෑවක් නියම කර තිබේ. එම කාලය නියම කර තිබෙන්නේ අපරාධ තුරන් කිරීමට,+ පාපය ඉවත් කිරීමට,+ වැරදිවලට සමාව ලබා දීමට+ හා ධර්මිෂ්ඨකම සදහටම පිහිටුවීමටයි.+ දර්ශනය හා අනාවැකිය ස්ථිර කිරීමට+ හා අතිශුද්ධස්ථානය කැප කිරීමටද එම කාලය වෙන් කර තිබේ.+ 25 යෙරුසලම යළි පිහිටුවා ගොඩනැඟීමට+ නියෝගයක් නිකුත් කරන අවස්ථාවේ සිට+ නායකයා වන+ මෙසියස්ගේ+ පැමිණීම දක්වා සති හතක්ද සති හැටදෙකක්ද ගත වන බව අවබෝධ කරගන්න.+ ප්‍රධාන මංසන්ධියක්ද අගලක්ද ඇතුව දුෂ්කර කාලයකදී නුවර නැවත ගොඩනඟනු ලබන්නේය.

26 “සති හැටදෙක අවසන් වූ පසු මෙසියස්ව මරා දමනු ලබන්නේය.+ ඔහුට අයිති කිසිම දෙයක් ඉතුරු වන්නේ නැත.+

“මතු පැමිණෙන පාලකයෙකුගේ යටත්වැසියෝ නුවර හා ශුද්ධස්ථානය+ විනාශ කරන්නෝය.+ ශුද්ධස්ථානය ජලගැල්මකට හසු වී විනාශ වී යන්නේය. අවසානය දක්වාම යුද්ධ පවතින්නේය. නියම කර තිබෙන ලෙසම එය විනාශ වී පාළුවට යන්නේය.+

27 “ඔහු බොහෝදෙනෙකු උදෙසා සතියක් පුරා+ ගිවිසුමට බැඳී සිටින්නේය.+ සතිය මැදදී සත්ව පූජා හා තෑගි පූජා ඔප්පු කිරීම ඔහු නවත්වන්නේය.+

“විනාශය සිදු කරන තැනැත්තා පිළිකුල් දේවල පියාපත් මත නැඟ එන්නේය.+ විනාශ කරනු ලබන දේට නියම කළ ලෙසම සිදු වන්නේය. එය මුළුමනින්ම විනාශ වනු ඇත.”+