යෙසායා
42 මෙන්න, මාගේ අනුමැතිය ඇති+ මාගේ සේවකයා!+ මා තෝරාගත්+ සේවකයා මොහුය. මම සෑම අතින්ම ඔහුට සහය වෙමි.+ මාගේ බලය ඔහුට නොඅඩුව දෙන්නෙමි.+ සියලු ජාතීන්ට ඔහු යුක්තිය ඉටු කර දෙන්නේය.+ 2 ඔහු කෑගසන්නේවත් ප්‍රධාන වීථිවල ශබ්ද නඟා කතා කරන්නේවත් නැත.+ 3 ඔහු තැළුණු බට ගසක් පොඩි කරන්නේවත්+ නිවී යන පහන් තිරයක් නිවා දමන්නේවත් නැත. ඔහු විශ්වාසවන්ව ක්‍රියා කර යුක්තිය ඉටු කර දෙයි.+ 4 පොළොව පුරාම යුක්තිය ඉටු කිරීමට ඔහු අදිටන් කරගෙන සිටියි.+ ඔහු දුර්වල වී තම වෑයම අත්හරින්නේ නැත. ඔහුව නවතා දැමීමට කිසිවෙක් සමත් වන්නේද නැත. ඔහුගේ නීති ක්‍රියාත්මක වන තුරු දූපත්වල වැසියෝ ආශාවෙන් බලා සිටින්නෝය.+
5 අහස්තලය සාදා+ එය දිගහැරියාවූ,+ පොළොවත්+ එහි සියල්ලත් සෑදුවාවූ,+ ලෝවැසියන්ට+ ජීවිතයද+ හුස්මද+ දෙන්නාවූ උදාර තැනැත්තාද සැබෑ දෙවිද වන යෙහෝවා මෙසේ කියන්නේය. 6 “යෙහෝවා දෙවි වන මම ධර්මිෂ්ඨ අරමුණක් ඉටු කිරීම සඳහා ඔබව කැඳෙව්වෙමි.+ මම ඔබේ අතින් අල්ලාගතිමි.+ මම ඔබව ආරක්ෂා කර සියලු ජනයාට සහතිකයක්* ලබා දෙන පිණිසත්+ ජාතීන්ට ආලෝකය දෙන පිණිසත්+ ඔබව යවන්නෙමි. 7 අන්ධ අයට පෙනීම ලබා දෙන්නත්+ සිරකරුවන්ව නිදහස් කරන්නත්+ අඳුරු සිරකුටිවල හිඳගෙන සිටින අයව එළියට කැඳවන්නත්+ මම ඔබව පත් කළෙමි.
8 “මාගේ නාමය යෙහෝවාය.+ මට හිමි ගෞරවය වෙන කිසිවෙකු සමඟ මම බෙදා නොගන්නෙමි.+ මට ලැබිය යුතු ප්‍රශංසාව+ දේවතා රූපයකට දීමට ඉඩ නොදෙන්නෙමි.+
9 “මා පෙර කී අනාවැකි ඉටු වී තිබේ.+ දැන් මම අලුත් යමක් ගැන ඔබට පවසන්නෙමි. එය ඉටු වීමට පෙර මම ඔබට ඒ ගැන දන්වන්නෙමි.”+
10 නාවිකයෙනි, ධීවරයෙනි,+ පොළොවේ ඈත කෙළවරේ සිට+ යෙහෝවා දෙවිට අලුත් ප්‍රශංසා ගීයක්+ ගයන්න. දූපත්වල වැසියෙනි,+ ඔබත් ඔහුට ප්‍රශංසා ගී ගයන්න. 11 පාළුකරයේද+ ඒ අවට පිහිටි නුවරවලද කේදාර්වරුන්ගේ+ ගම්මානවලද පර්වත මතද ජීවත් වන සියල්ලෙනි,+ ඔබේ හඬ නඟන්න. කඳු මුදුන්වලට ගොස් ප්‍රීති ඝෝෂා නඟන්න. 12 ඔවුහු සියල්ලෝම යෙහෝවා දෙවිට ගෞරවය දෙත්වා!+ දූපත්වල වැසියෝද දෙවිට ප්‍රශංසා කරත්වා!+
13 යෙහෝවා දෙවි බලවන්තයෙකු මෙන්ද+ රණශූරයෙකු මෙන්ද එඩිතර ලීලාවෙන් පැමිණෙයි.+ දෙවි යුද්ධයට සැරසෙයි. ඔහු හඬ නඟා+ තම සතුරන් ඉදිරියට ගොස් ඔවුන්ව අන්ත පරාජයට පත් කරයි.+
14 “මම බොහෝ කල් පියවර නොගෙන+ නිහඬව බලා සිටිමි.+ මම මාවම පාලනය කරගත්තෙමි.+ එහෙත් දැන් මම දරුවෙකු බිහි කරන ස්ත්‍රියක මෙන් කෑගසමි. මම හති දමා හයියෙන් හුස්ම ගන්නෙමි.+ 15 මම කඳුද හෙල්ද විනාශ කර ඒවායෙහි ගස් වැල් දවා දමන්නෙමි.+ මම ගංගා, වැව් හා පොකුණු වියළි බිම් බවට හරවන්නෙමි.+ 16 මම අන්ධ අයට තමන් කිසිදා නොගිය මඟක ඇවිදින්න සලස්වන්නෙමි.+ ඔවුන් නොදන්නා මාර්ගයක ඔවුන්ව ගෙන යන්නෙමි.+ අඳුරු තැන් මම ආලෝකවත් කර+ රළුබිම් සමතලා කරමි.+ මම ඔවුන්ව කිසිදා අත් නොහරිමි.”+
17 දේවතා රූප කෙරෙහි විශ්වාසය තබන සියල්ලෝම පලා දුවන්නෝය.+ දේවතා රූපයකට, “ඔබයි අපේ දෙවි”+ කියා පවසන ඒ සියලුදෙනාම ලැජ්ජාවට පත් වනු ඇත.
18 බිහිරිව සිටින සියල්ලෙනි, සවන් දෙන්න. අන්ධව සිටින සියල්ලෙනි, ඔබේ ඇස් ඇර බලන්න.+ 19 මාගේ සේවකයා තරම් අන්ධ වූ කෙනෙක් සිටියිද? මාගේ පණිවිඩකරුවා තරම් බිහිරි අයෙක් තවත් සිටියිද? ආශීර්වාද ලැබූ තැනැත්තා තරම් හෝ යෙහෝවා දෙවිගේ සේවකයා තරම් හෝ අන්ධව සිටින කෙනෙක් සිටියිද?+ 20 ඔබ බොහෝ දේ දුටුවත් ඒ කිසිවකට ඔබ අවධානය දුන්නේ නැත.+ ඔබ අසාගෙන සිටියත් ඒ කිසිවක් සිතට ගත්තේ නැත.+ 21 යෙහෝවා දෙවි තම ධර්මිෂ්ඨකම සියල්ලන්ට පෙනෙන සේ+ තම නීතිය මොන තරම් ශ්‍රේෂ්ඨද+ කියා පෙන්වා දී තිබේ. ඔහු මහත් ආශාවකින් තම නීතිය උසස් බව ප්‍රකාශ කරන්නේය. 22 එහෙත් මේ සෙනඟ තම සතුරන්ගේ ගොදුරක් බවට පත් වී ඇත. කොල්ලකරුවන් ඇවිත් ඔවුන්ගේ සියලු වස්තු පැහැරගෙන ගොස් තිබේ.+ ඔවුහු වළක වැටී ඉන් ගොඩ ඒමට නොහැකිව සිටිති. ඔවුන්ව සිරකුටිවල සිර කර තබා ඇත.+ ඔවුන්ව ගලවාගැනීමට හෝ, “ඔවුන්ව පිටතට ගන්න” කියා පැවසීමට හෝ කිසිවෙක් නැත.+
23 ඔබ අතරින් මේ දේට ඇහුම්කන් දෙන්නේ කවුද? පසු කලෙක ප්‍රයෝජන ලබාගන්නා පිණිස හොඳින් අවධානය දෙන්නේ කවුද?+ 24 යාකොබ්ව සතුරන් අතට පත් වීමට ඉඩහැරියේ කවුද? ඊශ්‍රායෙල්වරුන්ව කොල්ලකරුවන් අතට භාර දුන්නේ කවුද? ඒ, යෙහෝවා දෙවිය. අපි ඔහුට විරුද්ධව පව් කළෙමු. අපි දෙවිගේ මාර්ගවල ගමන් කිරීමට කැමැත්තක් නොදැක්වූවෙමු. ඔහුගේ නීති ගණනකටවත් ගත්තේ නැත.+ 25 එබැවින් ඔහු තම දැවෙන කෝපය පිට කළේය. යුද්ධයෙන් දරුණු ලෙස පීඩා විඳින්න අපට ඉඩහැරියේය.+ යුද්ධය ගිනිදලු මෙන් අප වටා ඇවිළුණේය.+ එහෙත් අපි එයින් පාඩමක් ඉගෙනගත්තේ නැත.+ ගිනිදලු අපව දවා දැමුවේය. එහෙත් අපි එය ගණනකටවත් ගත්තේ නැත.+