මතෙව්

25 “පහන් රැගෙන+ මනාලයා හමු වන්න+ පිටත්ව ගිය අවිවාහක තරුණියන් දහදෙනෙකුට ස්වර්ග රාජ්‍යය සමානයි. 2 ඔවුන් අතරෙන් පස්දෙනෙක් නුවණ නැති අයයි.+ අනික් පස්දෙනා නුවණ ඇති අයයි.+ 3 මන්ද නුවණ නැති අය තම පහන් ගෙන ගියත් තෙල් ගෙන ගියේ නැහැ. 4 නමුත් නුවණ ඇති අය තමන්ගේ පහන් සමඟ තෙල් පිරවූ බඳුන්ද ගෙන ගියා. 5 මනාලයා එන්න ප්‍රමාද වෙද්දී ඒ සියල්ලන්ම නිදිබර වී නිදාගත්තා.+ 6 එකවරම ‘මෙන්න මනාලයා ඇවිත්! ඔහුව හමු වන්න පිටත්ව යන්න’ කියන හඬක්+ මධ්‍යම රාත්‍රියේදී ඔවුන්ට ඇසුණා. 7 එවිට ඒ සියලු තරුණියන් නැඟිට තම පහන් සකස් කළා.+ 8 නුවණ නැති අය, නුවණ ඇති අය ළඟට ගොස්, ‘අපේ පහන් නිවීගෙන යනවා. ඒ නිසා ඔබේ තෙල්වලින් ටිකක් අපට දෙන්න’+ කියා ඉල්ලුවා. 9 නුවණ ඇති අය+ මෙසේ පිළිතුරු දුන්නා. ‘අපි ඔබට තෙල් දුන්නොත් අපි දෙගොල්ලන්ටම තෙල් මදි වෙන්න පුළුවන්. ඒ නිසා තෙල් විකුණන්නන් ළඟට ගොස් තෙල් මිල දී ගන්න.’ 10 ඔවුන් තෙල් මිල දී ගැනීමට පිටත්ව යන අතරතුර මනාලයා පැමිණි අතර සූදානම්ව සිටි තරුණියන් ඔහු සමඟ විවාහ උත්සවයට ගියා.+ ඉන්පසුව දොර වසා දමනු ලැබුවා. 11 අනික් තරුණියන් පසුව ඇවිත්, ‘මහත්මයාණෙනි, මහත්මයාණෙනි, අපට දොර අරින්න’+ කියා පැවසුවා. 12 එවිට ඔහු මෙසේ පිළිතුරු දුන්නා. ‘ඇත්තෙන්ම මම ඔබව හඳුනන්නේ නැහැ.’+

13 “එමනිසා සෝදිසියෙන් සිටින්න.+ මන්ද ඔබ ඒ දවසවත් පැයවත් දන්නේ නැහැ.+

14 “පිටරට+ යන්න සූදානම් වූ මිනිසෙකුටත්+ ස්වර්ග රාජ්‍යය සමාන කළ හැකියි. ඔහු තම දාසයන්ව කැඳවා තමා සතු දේ ඔවුන්ට භාර දුන්නා.+ 15 ඔහු ඒවා භාර දුන්නේ එකිනෙකාගේ හැකියාව අනුවයි.+ ඔහු එක් කෙනෙකුට තලෙන්ත* පහක්ද තව කෙනෙකුට දෙකක්ද තවත් කෙනෙකුට එකක්ද බැගින් දී පිටරට ගියා. 16 තලෙන්ත පහ ලැබූ තැනැත්තා වහාම ගොස් ඒවායින් වෙළඳාම් කොට තව පහක් උපයාගත්තා.+ 17 එලෙසම තලෙන්ත දෙක ලැබූ තැනැත්තාද තවත් දෙකක් උපයාගත්තා. 18 නමුත් එක තලෙන්තයක් පමණක් ලැබූ තැනැත්තා ගොස් පොළොවෙහි වළක් හාරා, තම ස්වාමියා දුන් රිදී මුදල එහි සඟවා තැබුවා.

19 “බොහෝ කලකට පසු+ ඒ දාසයන්ගේ ස්වාමියා ඔවුන් සමඟ ගණන් හිලව් බැලීමට+ පැමිණියා. 20 එවිට තලෙන්ත පහ ලැබූ තැනැත්තා තවත් තලෙන්ත පහක් ගෙනැවිත්, ‘ස්වාමීනි, ඔබ තලෙන්ත පහක් මට භාර දුන්නා. මෙන්න, මම තව තලෙන්ත පහක් උපයාගත්තා’+ කියා පැවසුවා. 21 ඔහුගේ ස්වාමියා, ‘ඔබ ඉතා යහපත්, විශ්වාසවන්ත දාසයෙක්!+ මට ඔබ ගැන ඉතාමත් සතුටුයි. ඔබ ස්වල්පයක් ගැන විශ්වාසවන්තව කටයුතු කළා.+ බොහෝ දේවල් භාරව සිටීමට මම දැන් ඔබව පත් කරනවා.+ ඇවිත් ඔබේ ස්වාමියා සමඟ ප්‍රීති වන්න’+ කියා ඔහුට පැවසුවා. 22 ඊළඟට තලෙන්ත දෙක ලැබූ තැනැත්තා ඉදිරියට ඇවිත්, ‘ස්වාමීනි, ඔබ මට තලෙන්ත දෙකක් භාර දුන්නා. මෙන්න, මම තවත් තලෙන්ත දෙකක් උපයාගත්තා’+ කියා පැවසුවා. 23 ඔහුගේ ස්වාමියා ඔහුව අමතා, ‘ඔබත් ඉතා යහපත්, විශ්වාසවන්ත දාසයෙක්! මට ඔබ ගැනත් ඉතාමත් සතුටුයි. ඔබට දුන් ස්වල්ප දේ ගැන ඔබ විශ්වාසවන්තව කටයුතු කළා. දැන් බොහෝ දේවල් භාරව සිටින්න මම ඔබව පත් කරනවා.+ ඇවිත් ඔබේ ස්වාමියා සමඟ ප්‍රීති වන්න’+ කියා පැවසුවා.

24 “අන්තිමට එක් තලෙන්තයක් ලැබූ තැනැත්තා ඉදිරියට ඇවිත්,+ ‘ස්වාමීනි, ඔබ වපුරන්නේ නැති තැන්වලින් කපාගන්නා, පොළා නොගත් තැන්වලින් රැස් කරගන්නා තද හිතක් ඇති මිනිසෙකු බව මම දැනගෙන හිටියා. ඒ නිසා, 25 මම භය වී+ ඔබේ තලෙන්තය පොළොවේ වළක් හාරා සඟවා තැබුවා. මෙන්න, ඔබ සතු දේ’ කියා කිව්වා. 26 එවිට ඔහුගේ ස්වාමියා ඔහුට මෙසේ පිළිතුරු දුන්නා. ‘ඔබ නම් ඉතා දුෂ්ට, කම්මැළි දාසයෙක්! මා වපුරන්නේ නැති තැන්වලින් කපාගත් බවත් මා පොළන්නේ නැති තැන්වලින් රැස් කරගත් බවත් ඔබ දැනගෙන සිටියා නොවෙයිද? 27 එසේනම් මගේ රිදී මුදල් බැංකුකරුවන්ට දී ඔවුන් ළඟ එය තැන්පත් කරන්න ඔබට තිබුණා. එවිට මා නැවත පැමිණි විට මා සතු දේ පොලියත් සමඟ මට ලැබෙන්න තිබුණා.+

28 “‘එමනිසා ඔහුගෙන් ඒ තලෙන්තය ගෙන තලෙන්ත දහයක් ඇති තැනැත්තාට දෙන්න.+ 29 මන්ද යමක් ඇති සෑම කෙනෙකුටම තවත් දෙනු ලබනවා. එවිට ඔහුට බොහෝ දේවල් භුක්ති විඳිය හැකියි. නමුත් යමෙකුට නැත්නම් ඔහුට තිබෙන දේ පවා ඔහුගෙන් ගනු ලබනවා.+ 30 කිසි වැඩකට නැති මේ දාසයාව පිටතට ඇද දමා අන්ධකාරයට දමන්න. එහිදී හඬමින් හා දත්මිටි කමින් සිටින්න ඔහුට සිදු වෙයි.’+

31 “මනුෂ්‍ය පුත්‍රයා+ තම තේජසින් සියලු දේවදූතයන් සමඟ එන අවස්ථාවේදී+ ඔහු තම තේජවත් සිංහාසනයේ ඉඳගනියි.+ 32 එවිට සියලු ජාතීන් ඔහු ඉදිරියට රැස් කරනු ලබයි.+ ඉන්පසුව එඬේරෙකු එළුවන්ගෙන් බැටළුවන් වෙන් කරන්නා සේ+ ඔහු මිනිසුන්ව වෙන් කරයි.+ 33 ඔහු බැටළුවන්ව තම දකුණු පැත්තටත්+ එළුවන්ව තම වම් පැත්තටත්+ දමයි.

34 “එවිට රජ තම දකුණු පැත්තේ සිටින අයට මෙසේ කියයි. ‘මාගේ පියාණන්ගෙන් ආශීර්වාද ලද්දෙනි,+ එන්න. පොළොවේ දරුවන් බිහි වූ දා*+ සිට ඔබට සූදානම් කර තිබෙන රාජ්‍යය+ උරුමයක් වශයෙන් ලබාගන්න.+ 35 මන්ද මට බඩගිනි වූ විට ඔබ මට කන්න යමක් දුන්නා.+ මට පිපාස වූ විට ඔබ මට බොන්න යමක් දුන්නා. ආගන්තුකයෙකුව සිටි මාව ඔබ සාදරයෙන් පිළිගත්තා.+ 36 මට ඇඳුම් නොතිබුණු විට+ ඔබ මට ඇඳුම් ලබා දුන්නා. මට අසනීප වූ විට ඔබ මට සාත්තු කළා. මම සිරගෙයි සිටි විට+ ඔබ මාව බලන්න ආවා.’ 37 එවිට ධර්මිෂ්ඨ අය ඔහුට මේ වචනවලින් පිළිතුරු දෙයි. ‘ස්වාමීනි, ඔබ බඩගින්නෙන් සිටිනවා දැක අපි ඔබට කන්න යමක් දුන්නේ කවදාද? පිපාසයෙන් සිටිනවා+ දැක ඔබට බොන්න යමක් දුන්නේ කවදාද?+ 38 ඔබ ආගන්තුකයෙක් හැටියට සිටිනවා දැක ඔබව සාදරයෙන් පිළිගත්තේ කොයි කාලයේද? ඔබට ඇඳුම් නැති බව දැක ඔබට ඇඳුම් ලබා දුන්නේ කවදාද? 39 ඔබ අසනීප වී සිටිනවා දැක අපි ඔබට සාත්තු කළෙත් ඔබ සිරගෙයි සිටිනවා දැක ඔබව බලන්න ආවෙත් කවදාද?’ 40 එවිට රජ+ ඔවුන්ට මෙසේ උත්තර දෙයි. ‘ඇත්තෙන්ම මා ඔබට කියන්නේ, මගේ මේ සහෝදරයන්+ අතරින් සුළුම+ තැනැත්තන්ගෙන් කෙනෙකුට හෝ ඔබ එසේ කළා නම් ඔබ ඒ දේ කළේ මටයි.’+

41 “ඊළඟට ඔහු තම වම් පැත්තේ සිටින්නන්ට මෙසේ කියයි. ‘ශාප ලද්දෙනි, මා වෙතින් ඉවත් වී+ යක්ෂයාටත් ඔහුගේ දූතයන්ටත් සූදානම් කර තිබෙන+ සදාකාල ගින්නට යන්න.+ 42 මන්ද මට බඩගිනි වූ විට ඔබ මට කන්න කිසිවක් දුන්නේ නැහැ.+ මට පිපාස වූ විට+ ඔබ මට බොන්න යමක් දුන්නේ නැහැ. 43 ආගන්තුකයෙකුව සිටි මාව ඔබ සාදරයෙන් පිළිගත්තේ නැහැ. ඇඳුම් නැතුව සිටි විට ඔබ මට ඇඳුම් දුන්නේ නැහැ.+ අසනීප වී සිටියත් සිරගෙයි සිටියත්+ ඔබ මාව බලාගත්තේ නැහැ.’ 44 එවිට ඔවුන්ද මේ වචනවලින් පිළිතුරු දෙයි. ‘ස්වාමීනි, අපි ඔබට උපකාර නොකළා කියා පවසන්නේ කොහොමද? අපි ඔබ බඩගින්නෙන් හෝ පිපාසයෙන් හෝ ආගන්තුකයෙකු හැටියට හෝ ඇඳුම් නැතුව හෝ අසනීපව හෝ සිරගෙයි හෝ සිටිනවා දැක්කේ කවදාද?’ 45 එවිට ඔහු ඔවුන්ට මෙසේ පිළිතුරු දෙයි. ‘ඇත්තෙන්ම මා ඔබට කියන්නේ, මේ ඉතා සුළු තැනැත්තන්ගෙන් එක් කෙනෙකුට වුණත්+ ඔබ එසේ කළේ නැත්නම්+ ඔබ ඒ දේ නොකළේ මටයි.’+ 46 ඔවුන්ට හිමි වන්නේ සදාකාල මරණයයි.+ නමුත් ධර්මිෂ්ඨයන්ට සදාකාල ජීවනය හිමි වෙයි.”+