යෙසායා

“එහෙත් ඔබ නිරාහාරව සිටියදීත් ක්‍රියා කරන්නේ ඔබේම කැමැත්තට අනුවයි. ඔබ බලහත්කාරයෙන් ඔබේ සේවකයන්ගෙන් වැඩ ගන්නහුය.+ 4 ඔබ නිරාහාරව සිටින්නේ හොඳ චේතනා ඇතුව නොවෙයි.+ එහි අවසානයේදී ඔබ එකිනෙකා සමඟ අඬදබර කරමින් දරුණු ලෙස ගහගන්නහුය.+ මේ ආකාරයට නිරාහාරව සිටියොත් මා ඔබේ හඬට සවන් දෙයි කියා ඔබ සිතුවාද? 5 නිරාහාරව සිටීමෙන් මා බලාපොරොත්තු වන්නේ එයද? ගෝණි රෙදි හා අළු මත හිඳගෙන+ පන් ගසක් මෙන් ඔළුව නවාගෙන දුක්මුසුව සිටින්න+ කියාද මා ඔබෙන් ඉල්ලා සිටින්නේ? මේ වගේ නිරාහාරව සිටීම යෙහෝවා දෙවි වන මා පිළිගනියි කියා ඔබ සිතනවාද?+

6 “ඔබ අසාධාරණ ලෙස බැඳ තැබූ අයගේ විලංගු අහක් කර දමා+ ඔවුන් පිට පැටවූ බරෙන් ඔවුන්ව නිදහස් කරන්න.+ පීඩාවට පත් වූ අසරණයන්ව නිදහස් කර+ සියලු වියගස් කඩා දමන්න.+ ඔබ ඒ ආකාරයට නිරාහාරව සිටීම නොවෙයිද මා ඔබෙන් බලාපොරොත්තු වන්නේ? 7 බඩගින්නේ සිටින අය සමඟ ඔබේ කෑම බෙදාගන්න.+ පීඩිත වූ අසරණ අයට ඔබේ නිවසේ රැකවරණය දෙන්න.+ නිර්වස්ත්‍රව සිටින කෙනෙකු දුටුවොත් ඔහුට අඳින්න වස්ත්‍රයක් දෙන්න.+ ඔබේම පවුලේ අයගේ අවශ්‍යතා නොසලකා නොහරින්න.+ ඔබ එලෙස ක්‍රියා කළොත් මා ඔබ ගැන සතුටු වන්නේ නැද්ද?

8 “ඔබ එලෙස කටයුතු කරන්නේ නම් හිරු උදා වන්නාක් මෙන් ඔබේ ජීවිතය ආලෝකවත් වී+ ඔබ ඉක්මනින්ම සුවය ලබනු ඇත.+ ඔබේ ධර්මිෂ්ඨකම ඔබට ඉදිරියෙන් ගමන් කරයි.+ යෙහෝවා දෙවි වන මම තේජස විහිදුවමින් ඔබ පිටුපසින් ගමන් කර ඔබට රැකවරණය ලබා දෙන්නෙමි.+ 9 ඔබ අයැදින විට යෙහෝවා දෙවි වන මම පිළිතුරු දෙන්නෙමි. ඔබ පිහිට පතන විට+ මම ඔබ ළඟ සිටින්නෙමි.

“ඔබ අන් අය මත දැමූ වියගහ අහක් කර,+ තවදුරටත් ඔවුන්ට විරුද්ධව ඇඟිල්ල දික් කරමින්+ දුෂ්ට දේ කතා නොකරන්න.+ 10 ඔබව තෘප්තියට පත් කරන දෙයින් කුසගින්නෙන් පෙළෙන අයව පෝෂණය කර+ අගහිඟකම් ඇති අයගේ අවශ්‍යතා ගැන බලන්න. ඔබ එසේ කරනවා නම් අඳුරු ස්ථානයක පවා ඔබේ ආලෝකය දීප්තිමත්ව බැබළෙයි. එය දහවල් ආලෝකය මෙන් බැබළී අන්ධකාරය පහ කර දමයි.+ 11 යෙහෝවා දෙවි වන මම නිරතුරුවම+ ඔබට මඟ පෙන්වමි.+ වියළි දේශයක සිටින ඔබව මම තෘප්තියට පත් කර+ ඔබේ ඇටවලට සවියක් ලබා දෙමි.+ ඔබ වතුර ඇති උයනක් මෙන්ද+ කිසිදා සිඳී නොයන දිය උල්පතක් මෙන්ද වනු ඇත. 12 ජනයා ඔබේ කීම අසා කාලාන්තරයක් පුරා පාළුවට ගොස් තිබුණු ඔබේ ස්ථාන යළි ගොඩනඟනු ඇත.+ ඔබ පරම්පරා ගණනාවක් පුරා පැවති අත්තිවාරම් නැවත ඉදි කරන්නහුය.+ ‘බිඳී ගිය පවුරු අලුත්වැඩියා කරන,+ වාසස්ථාන යළි පිහිටුවන පිණිස මංමාවත් ගොඩනඟන්නාවූ තැනැත්තා’ ලෙස ඔබව හඳුන්වනු ලබයි.

13 “මා වෙනුවෙන් වෙන් කළ ශුද්ධ දවසක් වන සබතේදී ඔබ කැමති දේවල් කිරීමෙන් වළකින්න.+ යෙහෝවා දෙවි වන මට ගෞරවයක් ලැබෙන ආකාරයෙන් සබත පැවැත්වීමෙන් සතුටක් ලබන්න.+ ඔබේ කැමැත්තට අනුව කටයුතු කිරීමෙන් හා වැදගැම්මකට නැති දේ කතා කිරීමෙන් වැළකී සබත් දවසට නිසි ගෞරවය ලබා දෙන්න. 14 එසේ කළොත් යෙහෝවා දෙවි වන මට සේවය කිරීමෙන් ලැබෙන සතුට ඔබ අද්දකිනු ඇත.+ මම ඔබව පොළොවේ උස් තැන්වලට ගෙන යන්නෙමි.+ ඒ වගේම, ඔබේ පිය වූ යාකොබ්ගේ උරුමය භුක්ති විඳින්න සලස්වමි.+ යෙහෝවා දෙවි වන මම එය පැවසුවෙමි. එබැවින් එය එසේම සිදු වන්නේය.”+