යෙරෙමියා
51 යෙහෝවා දෙවියන් මෙහෙම කියනවා.
2 ධාන්‍ය පොළන අයව මම බැබිලෝනියට යවනවා.
ඔවුන් ඇයව පොළලා ඇගේ දේශය පාළු කරනවා.
විපත්ති ගේන දවසේදී ඔවුන් හැම පැත්තකින්ම ඇයට විරුද්ධව එනවා.+
3 දුනුවායන්ට දුන්න නමලා විදින්න ඉඩ දෙන්න එපා.
සෙබළුන්ට යුද ඇඳුමෙන් සැරසෙන්න ඉඩ දෙන්න එපා.
ඇගේ තරුණයන්ට කිසිම අනුකම්පාවක් පෙන්නන්න එපා.+
ඇගේ මුළු හමුදාවම විනාශ කරන්න.
4 ඔවුන් මැරුම් කාලා කල්දිවරුන්ගේ දේශයේ වැටිලා ඉඳියි.
දරුණු විදිහට පහර කාලා ඇගේ පාරවල්වල වැටිලා ඉඳියි.+
5 ඊශ්‍රායෙල් සහ යූදා වැන්දඹුවක් වෙලා නැහැ. ඔවුන්ගේ දෙවියන් ඒ කියන්නේ ස්වර්ගයේ සේනාවල අධිපති වන යෙහෝවා ඔවුන්ව අතහැරලා නැහැ.+
ඒත් ඔවුන්ගේ දේශය* ඊශ්‍රායෙල්ගේ ශුද්ධ තැනැත්තාණන් සලකන්නේ පාපයෙන් පිරුණු තැනක් විදිහටයි.
ඇගේ වැරදි නිසා විනාශ වෙන්න එපා.
මොකද යෙහෝවා ඇයට දඬුවම් කරන කාලය ඇවිල්ලා.
ඇය කරපු දේවල්වලට හරියන දඬුවම ඔහු ඇයට දෙනවා.+
7 බැබිලෝනිය හිටියේ යෙහෝවාගේ අතේ තියෙන රන් කුසලානයක් වගෙයි.
ඇය මුළු පොළොවම මත් කළා.
8 එක මොහොතකින් බැබිලෝනිය වැටිලා විනාශ වෙලා ගියා.+
ඇය ගැන වැලපෙන්න.+
ඇගේ වේදනාව නැති කරන්න බෝල්සම් තෛලය ගෙන්නගන්න. සමහරවිට ඒකෙන් ඇයට සුවයක් ලැබෙයි.”
9 “අපි බැබිලෝනිය සුව කරන්න හැදුවා. ඒත් ඇයව සුව කරන්න බැහැ.
ඇයව අතහැරලා අපි ආපහු අපේ දේශවලට යමු.+
මොකද ඇගේ වැරදි අහස උසට නැඟලා.
වලාකුළු ළඟටම ඉහළට නැඟලා.+
10 යෙහෝවා අපි වෙනුවෙන් යුක්තිය ඉටු කරලා දුන්නා.+
එන්න, අපේ දෙවි වන යෙහෝවා කරපු දේවල් ගැන අපි සියොන්වලදී කතා කරමු.”+
11 “ඊතල තියුණු කරගන්න.+ පලිස් අතට ගන්න.*
යෙහෝවා දෙවියන් යුද්දෙට යන්න මේදිය රජවරුන්ගේ හිත් පෙලඹුවා.+
මොකද ඔහු අදහස් කරගෙන ඉන්නේ බැබිලෝනිය විනාශ කරන්නයි.
ඒක තමයි යෙහෝවා දෙන දඬුවම. ඔහුගේ මාලිගාවට කරපු දේට ඔහු දෙන දඬුවම.
12 බැබිලෝනියේ පවුරුවලට පහර දෙන්න සංඥාවක් දෙන්න.*+
ආරක්ෂාව තව වැඩි කරන්න. මුරකරුවන්ව රඳවන්න.
මඟ රැකගෙන ඉන්න අයව ඒ ඒ තැන්වලට යවන්න.
මොකද යෙහෝවා දෙයක් සැලසුම් කරලා තියෙනවා.
බැබිලෝනියේ සෙනඟට විරුද්ධව කරනවා කියලා පොරොන්දු වුණ දේ ඔහු අනිවාර්යයෙන්ම කරනවා.”+
13 “ජල ධාරා මත ඉඳගෙන ඉන්න,+ යස ඉසුරෙන් පොහොසත් ස්ත්‍රිය,+
ඔබේ අවසානය ඇවිත්.
ඔබ ලාභ උපයපු කාලය දැන් ඉවරයි.+
14 ස්වර්ගයේ සේනාවල අධිපති වන යෙහෝවා තමන් ගැනම දිවුරලා මෙහෙම කියනවා.
‘පළඟැටි රංචුවක් වගේ විශාල සමූහයකින් මම ඔබව පුරවනවා.
ඔවුන් ඔබව පරාජය කරලා ජය ඝෝෂා නඟයි.’+
15 තම බලයෙන් මේ පොළොව හැදුවේ ඔහුයි.
තම ප්‍රඥාවෙන් සරුසාර භූමිය ස්ථිරව පිහිටෙව්වේ ඔහුයි.+
තම නුවණින් අහස්තලය දිගහැරියේ ඔහුයි.+
17 හැම කෙනෙක්ම වැඩ කරන්නේ දැනුම් තේරුම් නැති මෝඩයන් වගේ.
තමන් හදන රූප නිසා කම්මල්කරුවන් හැමෝවම ලැජ්ජාවට පත් කරනවා.+
මොකද ඔහු හදන රූප* නිකම්ම නිකම් බොරුවක්.
ඒ රූපවලට කිසි ජීවයක් නැහැ.+
18 ඒවා මායාවක් විතරයි,*+ හරිම මෝඩ වැඩ.
විනිශ්චය කරන දවසේදී ඒවා නැත්තටම නැති වෙලා යනවා.
19 ඒත් යාකොබ්ගේ උරුමය වන තැනැත්තා ඒ රූප වගේ නෙමෙයි.
හැම දෙයක්ම හැදුවේ ඔහුයි.
ඔහුව හඳුන්වන්නේ ස්වර්ගයේ සේනාවල අධිපති වන යෙහෝවා කියලයි.”+
20 “මම ඔබව සලකන්නේ යුද්දේදී පාවිච්චි කරන මුගුරක්, ආයුධයක් වගෙයි.
මම ඔබ මාර්ගයෙන් ජාතීන්ව කුඩු කරනවා.
රාජ්‍යයන් විනාශ කරනවා.
21 ඔබ මාර්ගයෙන් මම අශ්වයන්වත් අසරුවන්වත් පොඩි කරලා දානවා.
යුධ රථත් ඒවා පදවන අයවත් කුඩු කරලා දානවා.
22 ස්ත්‍රීන් සහ පුරුෂයන්වත්
දරුවන් සහ මහලු අයවත්
තරුණයන් සහ තරුණියන්වත් මම ඔබ මාර්ගයෙන් නැති කරලා දානවා.
23 එඬේරුන් සහ ඔවුන්ගේ රැළවලුත්
ගොවියන් සහ හාන්න පාවිච්චි කරන සතුනුත්
ආණ්ඩුකාරයන් සහ නිලධාරීන්වත් මම ඔබ මාර්ගයෙන් පොඩි කරලා දානවා.
24 සියොන්වලදී ඔබ ඉස්සරහා ඔවුන් කරපු හැම දුෂ්ට දේකටම ලැබෙන්න ඕනෙ දඬුවම
මම බැබිලෝනියටත් කල්දියාවේ සෙනඟටත් දෙනවා”+ කියලා යෙහෝවා කියනවා.
“ඔබට විරුද්ධව මම මගේ අත දිගහැරලා කඳු පර්වතවල ඉන්න ඔබව පෙරළලා දානවා.
මම ඔබව පිච්චිලා ගිය කන්දක් කරනවා.”
26 “ප්‍රධාන ගල විදිහටවත් මුල් ගල විදිහටවත් තියන්න කිසිම කෙනෙක් ඔබෙන් ගලක් ගෙනියන්නේ නැහැ.
මොකද ඔබ හැමදාටම පාළුවට යනවා”+ කියලා යෙහෝවා කියනවා.
27 “සංඥාවක් විදිහට දේශයේ කණුවක් හිටවන්න.+
ජාතීන් අතරේ හොරණෑවක් පිඹින්න.
ඇයට විරුද්ධව සටනට යන්න ජාතීන්ව තෝරගන්න.
ඇයට විරුද්ධව අරරත්,+ මින්නි සහ අෂ්කෙනස්+ කියන රාජ්‍යයන් කැඳවන්න.
ඇයට විරුද්ධව යුද්ධයට යන්න හමුදා නිලධාරියෙක්ව පත් කරන්න.
රොත්ත පිටින් එන පළඟැටියන් වගේ අශ්වයන්ව එවන්න.
28 ඇයට පහර දෙන්න ජාතීන්ව තෝරගන්න.
මේදියාවේ රජවරුන්වත්+ ආණ්ඩුකාරයන්වත් නිලධාරීන් හැමෝවමත්
ඔවුන් යටතේ තියෙන හැම දේශයක්මත් ඇයට විරුද්ධව යවන්න.
29 හැමෝම පුදුම වෙන විදිහට බැබිලෝනිය කිසිම මිනිසෙක් නැති තැනක් කරන්න යෙහෝවා තීරණය කරලා තියෙනවා.
ඒ තීරණය ඔහු අනිවාර්යයෙන්ම ක්‍රියාත්මක කරනවා.
ඒ නිසා පොළොව දෙදරුම් කයි. ඒක හෙල්ලිලා යයි.+
30 බැබිලෝනියේ යුධ දක්ෂයන් සටන අතහැරලා දාලා.
ඔවුන් බලකොටුවලට වෙලා ඉඳගෙන ඉන්නවා.
ඔවුන්ගේ ශක්තිය නැති වෙලා.+
ඔවුන් ස්ත්‍රීන් වගේ වෙලා.+
ඇගේ නිවහනට ගිනි තියලා.
ඇගේ දොරටුවලට දාන පොලු කඩලා දාලා.+
31 පණිවිඩකරුවන් පිට පණිවිඩකරුවන් එනවා.
වාර්තාකරුවන් එක් කෙනා පිට එක් කෙනා දුවගෙන එනවා.
ඔවුන් එන්නේ නගරය හැම පැත්තෙන්ම අල්ලගෙන කියලා බැබිලෝනියේ රජට දන්වන්නයි.+
32 සතුරන් තොටුපොළවල් අල්ලගෙන කියලා දන්වන්නයි.+
පැපිරස් බෝට්ටුවලට ගිනි තියලා කියලා දන්වන්නයි.
සෙබළු බයෙන් වෙවුලනවා කියලා දන්වන්නයි.”
33 ස්වර්ගයේ සේනාවල අධිපති සහ ඊශ්‍රායෙල්වරුන්ගේ දෙවි වන යෙහෝවා මෙහෙම කියනවා.
“බැබිලෝනි දියණිය හරියට කමතක් වගෙයි.
ඇයව පාගලාම දාන්න කාලය ඇවිත්.
ළඟදීම ඇගේ අස්වැන්න නෙළන කාලය එනවා.”
බඳුනක් හිස් කරලා පැත්තකින් තියනවා වගේ ඔහු මාව පැත්තකින් තිබ්බා.
විශාල සර්පයෙක් වගේ ඔහු මාව ගිලලා දැම්මා.+
මගේ වටින දේවලින් ඔහු බඩ පුරවගත්තා.
ඔහු මාව වීසි කරලා දැම්මා.*
35 ‘බැබිලෝනිය මට කරපු දරුණු දේවල් ඇය පිටටත් ගේන්න’ කියලා සියොන් දියණිය කියනවා.+
‘මගේ ලේ හලපු වරදට කල්දියාවේ සෙනඟට දඬුවම් කරන්න’ කියලා යෙරුසලම කියනවා.”
36 ඒ නිසා යෙහෝවා මෙහෙම කියනවා.
මම ඇගේ මුහුද වේළිලා යන්නත් දිය උල්පත් හිඳිලා යන්නත් සලස්වනවා.+
38 ඔවුන් හැමෝම තරුණ සිංහයන් වගේ ගර්ජනා කරනවා.
සිංහ පැටව් වගේ ගොරවනවා.”
39 “ඔවුන් ආශාවන්ගෙන් මත් වෙලා ඉද්දී මම උත්සවයක් සූදානම් කරලා ඔවුන්ව මත් කරවනවා.
එහෙම කරන්නේ ඔවුන්ට ඇති වෙන කල් සතුටු වෙන්න ඉඩ දෙන්නයි.+
ඊටපස්සේ ඔවුන් සදාකාල නින්දකට වැටෙයි.
ඒ නින්දෙන් ඔවුන් ආයේ අවදි වෙන්නේ නැහැ”+ කියලා යෙහෝවා කියනවා.
40 “බැටළු පැටවුන්ව වගේ මම ඔවුන්ව මරන්න ගෙනියනවා.
එළුවන් එක්ක ගෙනියන බැටළුවන් වගේ මම ඔවුන්ව මරන්න ගෙනියනවා.”
බැබිලෝනියට වුණ දේ දැකලා ජාතීන් බය වෙන විදිහ බලන්න!
42 මුහුද ඇවිත් බැබිලෝනිය යට කරලා දැම්මා.
රළ පහරින් ඇය සම්පූර්ණයෙන්ම වැහිලා ගියා.
43 ඇගේ නගරවලට වෙලා තියෙන දේ දැකලා මිනිස්සු පුදුම වෙනවා. ඒවා දිය පොදක් නැති කාන්තාරයක් වෙලා.
ඒවා කිසිම කෙනෙක් පහු කරගෙන යන්නෙවත් කිසිම කෙනෙක් ජීවත් වෙන්නෙවත් නැති දේශයක් වෙලා.+
ජාතීන් ඔහු ළඟට තවත් ඇදිලා එන්නේ නැහැ.
බැබිලෝනියේ පවුර කඩාගෙන වැටෙනවා.+
45 මගේ සෙනඟෙනි, ඇගෙන් ඉවත් වෙලා පිටතට එන්න!+
ගින්නක් වගේ ඇවිළිලා තියෙන යෙහෝවාගේ කේන්තියෙන්+ ඔබේ ජීවිතය බේරගන්න පලා දුවන්න.+
46 දේශයේදී අහන්න ලැබෙන ආරංචිය නිසා හිතේ ශක්තිය නැති කරගන්නවත් බය වෙන්නවත් එපා.
දේශයේ වෙන දරුණු දේවල් ගැනත් එක පාලකයෙක් තව පාලකයෙක්ට විරුද්ධ වෙන විදිහ ගැනත්
එක අවුරුද්දකදී ඔබට ආරංචි වෙයි.
ඊළඟ අවුරුද්දෙත් ඒවා ගැන අහන්න ලැබෙයි.
47 ඒ නිසා බලන්න!
මම බැබිලෝනියේ තියෙන රූප විනාශ කරන කාලය එනවා.
ඇගේ මුළු දේශයම ලැජ්ජාවට පත් කරනවා.
මැරුම් කන ඇගේ සෙනඟ ඇය තුළම වැටිලා ඉඳියි.+
48 අහසත් පොළොවත් ඒවාවල තියෙන හැම දෙයක්මත්
බැබිලෝනිය ගැන සතුටින් කෑගහයි.+
මොකද විනාශ කරන්නන් උතුරේ ඉඳන් ඇය ළඟට එනවා”+ කියලා යෙහෝවා කියනවා.
49 “බැබිලෝනිවරු ඊශ්‍රායෙල්වරුන්ව මරලා දැම්මා.+
පොළොවේ හැම පැත්තකින්ම ආපු අයවත් බැබිලෝනියේදී මරලා දැම්මා.
50 කඩුවෙන් බේරුණු ඔබ හැමෝම, දිගටම දුවන්න. නවතින්නේ නැතුව දුවන්න.+
දුර ඈත ඉන්න ඔබ, යෙහෝවාව සිහි කරන්න.
යෙරුසලම ඔබේ මතකයට නඟාගන්න.”+
51 “අපිට කරපු නින්දා අපිට ඇහුණා. ඒ නිසා අපි ලැජ්ජාවට පත් වුණා.
52 “ඒ නිසා බලන්න!
මම බැබිලෝනියේ තියෙන රූප විනාශ කරන කාලය එනවා” කියලා යෙහෝවා කියනවා.
“ඇගේ දේශය පුරාම තුවාල වුණ අය කෙඳිරිගායි.”+
උසට තියෙන ඇගේ බලකොටු ශක්තිමත් කරගත්තත්
විනාශ කරන්නන්ව මම ඇයට විරුද්ධව එවනවා”+ කියලා යෙහෝවා කියනවා.
54 “ඇහුම්කන් දෙන්න! බැබිලෝනියෙන් කෑගහන හඬක් ඇහෙනවා.+
කල්දිවරුන්ගේ දේශයෙන් මහා විනාශයක හඬක් ඇහෙනවා.+
55 මොකද යෙහෝවා බැබිලෝනිය විනාශ කරනවා.
ඇගේ බලවත් හඬ ඔහු නිහඬ කරනවා.
ඇගේ සතුරන් මුහුදේ රළ පහර වගේ ඝෝෂා කරයි.
ඔවුන්ගේ හඬ හැමෝටම ඇහෙයි.
56 විනාශ කරන්නා බැබිලෝනියට විරුද්ධව එනවා.+
ඇගේ යුධ දක්ෂයන්ව අල්ලගන්නවා.+
ඔවුන්ගේ දුනු කෑලිවලට කඩලා දානවා.
මොකද යෙහෝවා ලැබෙන්න ඕනෙ දඬුවම ලබා දෙන දෙවි කෙනෙක්.+
ඔහු අනිවාර්යයෙන්ම දඬුවම් කරනවා.+
57 මම ඇගේ අධිපතීන්ටත් බුද්ධිමතුන්ටත් බොන්න දෙනවා.+
ඇගේ ආණ්ඩුකාරයන්ටත් නිලධාරීන්ටත් යුධ දක්ෂයන්ටත් මත් වෙන කල් බොන්න දෙනවා.
ඔවුන් සදාකාල නින්දකට වැටෙයි.
ඒ නින්දෙන් ඔවුන් ආයේ අවදි වෙන්නේ නැහැ.”+ එහෙම කියන්නේ ස්වර්ගයේ සේනාවල අධිපති වන යෙහෝවා කියන නමින් හඳුන්වන රජාණන්.
58 ස්වර්ගයේ සේනාවල අධිපති වන යෙහෝවා මෙහෙම කියනවා.
“බැබිලෝනියේ පවුර කොච්චර පළල් වුණත් ඒක සම්පූර්ණයෙන්ම කඩලා දානවා.+
ඇගේ දොරටු කොච්චර උසට තිබුණත් ඒවාට ගිනි තියනවා.
මිනිස්සු නිකරුණේ වෙහෙසෙනවා.
ජාතීන් කොච්චර වෙහෙසුණත් ඔවුන්ගේ වෙහෙස ගින්නෙන් පිච්චිලා යනවා.”+
59 යූදාවල රජ වුණ ශෙදකියා පාලනය කරපු හතරවෙනි අවුරුද්දේදී රජත් එක්ක බැබිලෝනියට ගිය සෙරායාට අනාගතවක්තෘ යෙරෙමියා මඟ පෙන්වීම් ටිකක් දුන්නා. සෙරායා කියන්නේ මසේයාගේ පුතා වුණ නෙරියාගේ පුතා.+ සෙරායා තමයි රජගේ ඉඳුම් හිටුම් භාරව හිටපු නිලධාරියා. 60 බැබිලෝනිය පිටට එන හැම විපතක් ගැනම යෙරෙමියා එක ලියවිල්ලක ලිව්වා. බැබිලෝනියට විරුද්ධව කියපු හැම දෙයක්ම එයා ලිව්වා. 61 යෙරෙමියා සෙරායාට මෙහෙම කිව්වා. “ඔයා බැබිලෝනියට ගියාම, ඒක පේන තැනකට ආවාම මේකේ තියෙන දේවල් හඬ නඟලා කියවන්න. 62 ඊටපස්සේ මෙහෙම කියන්න. ‘යෙහෝවා දෙවියනි, මේ නගරය විනාශ වෙනවා කියලා ඔබ කිව්වා. ඒක හැමදාටම කිසි මනුස්සයෙක්වත් සතෙක්වත් නැති පාළු තැනක් වෙනවා කියලා ඔබ කිව්වා.’+ 63 ඔයා මේ ලියවිල්ලේ තියෙන දේවල් කියවලා ඉවර වුණාම ඒකට ගලක් බැඳලා ඒක යුප්‍රටීස් ගඟ මැදට වීසි කරන්න. 64 ඊටපස්සේ මෙහෙම කියන්න. ‘බැබිලෝනිය ගිලෙන්නෙත් මේ විදිහටම තමයි. මම ඇය පිටට ගේන විපත්තිය නිසා ඇය ආයේ කවදාවත් උඩට මතු වෙන්නේ නැහැ.+ ඇගේ සෙනඟ වෙහෙසට පත් වෙයි.’”+
මේ වෙන කල් සඳහන් වුණේ යෙරෙමියා කියපු දේවල්.