Mapisarema

67 Mwari achatinzwira nyasha, otikomborera;+

Achaita kuti chiso chake chipenye patiri+—Sera—

 2 Kuti nzira yenyu izivikanwe munyika,+

Noruponeso rwenyu kumarudzi ose.+

 3 Marudzi ngaakurumbidzei, haiwa Mwari;+

Marudzi ose zvawo, ngaakurumbidzei.+

 4 Mapoka emarudzi ngaafare ashevedzere nomufaro,+

Nokuti muchatonga marudzi nokururama;+

Kana ari mapoka emarudzi, muchaatungamirira ari panyika. Sera.

 5 Marudzi ngaakurumbidzei, haiwa Mwari;+

Marudzi ose zvawo, ngaakurumbidzei.+

 6 Nyika ichabereka zvibereko zvayo;+

Mwari, iye Mwari wedu, achatikomborera.+

 7 Mwari achatikomborera,+

Migumo yose yenyika ichamutya.+