Vatongi

 2 “Nekuda kwebvudzi risina kusungwa* muIsraeri,

Nekuda kwekuzvipira kwevanhu,+

Rumbidzai Jehovha!

 4 Jehovha, pamakabuda kubva muSeiri,+

Pamakafamba muchibuda munyika yeEdhomu,

Nyika yakazununguka, denga rakatsvotsvoma,

Makore akadururira mvura pasi.

 5 Makomo akanyunguduka* pamberi paJehovha,+

Kunyangewo gomo reSinai pamberi paJehovha,+ Mwari waIsraeri.+

 6 Mumazuva aShamgari+ mwanakomana waAnati,

Mumazuva aJaeri,+ migwagwa yakanga isingafambwe;

Vanhu vaingofamba netunzira tudiki.

 7 Vagari vekumamisha muIsraeri vakanga vasisiko;

Vakanga vasisiko kusvikira ini Dhibhora+ ndasimuka,

Kusvikira ndasimuka saamai muIsraeri.+

 8 Vakasarudza vamwe vanamwari;+

Hondo ikabva yatanga pamagedhi.+

Hapana nhoo kana pfumo zvaioneka,

Pakati pevarume 40 000 muIsraeri.

 9 Mwoyo wangu unotsigira vatungamiriri vehondo vaIsraeri,+

Vakazvipira kuenda pamwe chete nevanhu.+

10 Imi vatasvi vemadhongi akatsvukuruka,

Imi munogara pamakapeti akanaka,

Nemi munofamba mumugwagwa,

Fungisisai zvinhu izvi!

11 Kunzvimbo dzinonwira zvipfuwo mvura kwainzwika manzwi evaya vanocherera zvipfuwo mvura;

Ainzwika ikoko achirondedzera mabasa akarurama aJehovha,

Mabasa akarurama evanhu vake vanogara kumamisha muIsraeri.

13 Vaya vakasara vakabva vadzika vachiuya kuvakuru vakuru;

Vanhu vaJehovha vakadzika kwandiri kuzorwa nevane simba.

14 Kuna Efremu ndiko kwakabva vaya vari mubani;

Vari kukutevera, haiwa iwe Bhenjamini, pakati pevanhu vako.

Vatungamiriri vehondo vakaburuka vachibva kwaMakiri,+

Uye kuna Zebhuroni kwakabva vaya vakabata tsvimbo yemunhu anosarudza vanopinda muchiuto.*

15 Machinda aIsakari aiva naDhibhora,

Zvakanga zvakaita Isakari, ndizvo zvaiva zvakaita Bheraki.+

16 Wakanga wakagarirei pasi uine tsapo* mbiri pamusana pako,

Uchivateerera vachiridzira zvipfuwo zvavo nyere?+

17 Giriyedhi akaramba ari mhiri kwaJodhani;+

Uye Dhani akarambirei akagara nengarava?+

Asheri akagara pamhenderekedzo yegungwa asina chaari kuita,

Akaramba achigara pedyo nenzvimbo dzake dzinosvikira ngarava.+

18 Vanhu vekwaZebhuroni vakaisa upenyu hwavo pangozi* zvekuda kusvika pakufa;

Naftari akadarowo,+ panzvimbo dzakakwirira.+

19 Madzimambo akauya, akarwa;

Madzimambo eKenani akabva arwa+

MuTaanaki, pedyo nemvura yeMegidho.+

20 Nyeredzi dzakarwisa dziri kudenga;

Dzakarwa naSisera dziri mumakwara adzinotenderera dziri.

21 Rukova rwaKishoni rwakavakukura,+

Rukova rwekare kare, irwo rukova rwaKishoni.

22 Mahwanda emabhiza akabva atinhira

Mabhiza ake ehondo paaimhanya zvinotyisa.+

23 ‘Tukai Merozi,’ yakadaro ngirozi yaJehovha,

‘Chokwadi, tukai vagari vayo,

Nekuti havana kuuya kuzobatsira Jehovha,

Kuzobatsira Jehovha vaine vanhu vane simba.’

24 Jaeri+ ndiye akakomborerwa kupfuura vamwe vakadzi

Iye mudzimai waHebheri+ muKeni;

Akakomborerwa kupfuura vamwe vakadzi vanogara mumatende.

26 Akatambanudzira ruoko rwake kuhoko yetende,

Ruoko rwake rwerudyi kusando.*

Uye akarovera hoko mumusoro maSisera akaupwanya,

Akapwanya musoro wake akauboora.+

27 Akawira pakati petsoka dzemukadzi iyeye; akadonha, ndiye tasa;

Akawira pakati petsoka dzake, achibva ati rabada;

Paakadonhera, ndipo paakati rabada akundwa.

28 Mukadzi akatarisa panze nepahwindo,

Amai vaSisera vakadongorera nepahwindo remaburi maburi,

‘Nei ngoro yake yanonoka kuuya?

29 Vakadzi vekwake vakachenjera kupfuura vese vaimupindura;

Naiyewo airamba achingozviudza kuti,

30 ‘Vanofanira kunge vari kugovana zvinhu zvavapamba,

Murwi mumwe nemumwe achiwana musikana* mumwe chete, vasikana* vake vaviri,

Vachipa Sisera jira rakapambwa rakaiswa rumwe ruvara, vachimupa jira rakapambwa rakaiswa rumwe ruvara,

Vapambi vachiwana nguo yakamendwa, jira rakaiswa rumwe ruvara, nguo mbiri dzakamendwa,

Kuti vaise mumitsipa yavo.’

31 Saka vavengi venyu vese ngavaparare,+ haiwa Jehovha,

Asi vaya vanokudai ngavaite sezuva riri kubuda richibwinya.”