Bacha ba bang e ka ’na eaba ha ba tsebe phapang pakeng tsa boinehelo le kolobetso. Mohlomong ba bang ba ipolella hore ba se ba ntse ba inehetse ho Jehova, empa ha ba e-s’o lokele ho kolobetsoa. Empa na see ke se ka etsahalang? Ha u inehela ke ha u rapela, u tšepisa Jehova hore u tla mo sebeletsa ka ho sa feleng. ’Me ha u kolobetsoa, u bontša ba bang hore u se u ntse u inehetse ho Jehova. Kahoo, pele u kolobetsoa u lokela ho utloisisa hore na ho inehela ho Molimo ho bolela’ng. Ha u inehela ho Jehova, u ua mo bolella hore joale u ikemiselitse ho mo sebeletsa ka ho sa feleng. U mo tšepisa hore ho mo sebeletsa e tla ba hona ho tlang pele bophelong ba hao. Eo ke tšepiso e tebileng!—Mat. 5:33. w16.03 1:14, 15