Labohlano, la 8 May
Motho ea bohlale o khetha mantsoe ka hloko ’me mantsoe a hae aa susumetsa.—Liprov. 16:23.
E le hore u be mosuoe ea atlehang, etsa bonnete ba hore ka linako tsohle lintho tseo u li buang ha u ruta kapa u fa bara le barali ba bo rona keletso, li tumellanong le Bibele. Kahoo, hore u atlehe, u lokela ho ithuta Bibele le lingoloa tse thehiloeng ho eona. (Liprov. 15:28) Ha u ntse u ithuta, hlokomela kamoo lingoloa tsa Bibele li hlalosang litemana kateng, e le hore u ka li sebelisa ka tsela e nepahetseng. Hape ha u ntse u ruta, leka ka matla ho finyella lipelo tsa bamameli. U ka ntlafatsa tsela eo u rutang ka eona ka hore u kope thuso ho baholo ba nang le phihlelo le ho sebelisa litlhahiso tseo ba u fang tsona. (1 Tim. 5:17) Baholo e lokela ho ba batho ba khonang ho khothatsa bara le barali ba bo rona. Leha ho le joalo, ka linako tse ling baholo ba lokela ho ba eletsa le ho ba khalemela. Maemong ana ka bobeli, ba lokela ho ba mosa. Haeba u le lerato, u le mosa ebile u theha lintho tseo u li rutang Lentsoeng la Molimo, u tla ba mosuoe ea atlehang hobane u tla be u etsisa Mosuoe e Moholo, e leng Jesu.—Mat. 11:28-30; 2 Tim. 2:24. w24.11 24 ¶16
LA 4-10 MAY
ESAIA 58-59
Pina ea 21 le Thapelo | Seo re Tl’o Ithuta Sona (1 mots.)
1. U ka Etsa’ng Hore Jehova a u Hlohonolofatse?
(10 mets.)
E-ba motho ea amohelang baeti le ea fanang (Esa 58:7-9)
Etsa hore ho sebeletsa Jehova e be eona ntho e tlang pele bophelong ba hao (Esa 58:13, 14; w06 6/15 22 ¶9)
Kholiseha hore Jehova o tla u hlokomela (Esa 59:1; w13 1/15 13 ¶5-6)
IPOTSE: ‘Ke hobane’ng ha Jehova a sa ka a hlohonolofatsa Baiseraele, hona ke ithuta’ng ho se ba etsahalletseng?’ (Esa 58:1-5; it-E “Ho Itima Lijo” ¶3-mwbr)
2. Matlotlo a Patiloeng
(10 mets.)
Esa 59:11—Esaia o ne a bolela’ng ha a re Baiseraele ba ne ba “rora joaloka libere”? (it-E “Bere” ¶6-mwbr)
U ithutile’ng ’malong oa Bibele oa bekeng ee?
3. ’Malo oa Bibele
(4 mets.) Esa 59:1-12 (th khaolo ea 10)
4. Ha u Qala Moqoqo
(3 mets.) KA NTLO LE NTLO. Qala moqoqo u sebelisa pampitšana. (lmd thuto ea 1 ntlha ea 5)
5. Ha u Qala Moqoqo
(4 mets.) BUA LE BATHO HA MONYETLA O HLAHA. Buisana le motho ka molaetsa o hlahang ho lintlha tsa A bukaneng ea Rata Batho. (lmd thuto ea 2 ntlha ea 4)
6. Puo
(5 mets.) lmd lintlha tsa A ntlha ea 16—Sehlooho: Re Lokela ho Lula re Rapela. (th khaolo ea 8)
Pina ea 100
7. “Itloaetseng ho Amohela Baeti”
(15 mets.) Puisano.
Pauluse o ile a khothalletsa Bakreste hore ba ‘itloaetse ho amohela baeti.’ (Bar 12:13) Haeba re itloaetsa ho amohela baeti re tla ba batho ba thabileng.—Pr 11:25.
Shebellang VIDEO ea E-ba Motsoalle oa Jehova—E-ba le Kamohelo ea Baeti ebe u botsa bamameli lipotso tse latelang:
Ho latela video ee, ho amohela baeti ho bolela’ng?
Ke melemo efe eo u e fumanang ha u amohela baeti?
Jehova o re behela mohlala o motle oa ho fana. (Lik 14:17) Bala Deuteronoma 10:17, 18 ebe u botsa bamameli lipotso tse latelang:
Jehova o bontša joang hore u amohela baeti ebile oa fana?
Ke melemo efe eo re e fumanang ha re bontša kamohelo ea baeti ho batho bao re sa ba tloaelang?
Ke batho bafe ka Bibeleng ba ileng ba bontša kamohelo ea baeti, hona u ithuta’ng mohlaleng oa bona?
U ka rata ho bontša kamohelo ea baeti ho mang, hona ke’ng seo u batlang ho mo etsetsa sona?
8. Thuto ea Bibele ea Phutheho
(30 mets.) lfb thuto ea 82-83
Lintlha Tse Phethelang (3 mets.) | le Thapelo
Sehlooho se Ithutoang ka la 4-10 May, 2026
2 Ntlafatsa ‘Tsebo ea Hao ea ho Ruta Hantle’ Mosebetsing oa Boboleli