ምሳሌ

24 ብእኩያት ኣይትቕናእ፣

ምሳታቶም ክትሓብር እውን ሃንቀው ኣይትበል።+

 2 ልቦምሲ ዓመጻ ይሓስብ፡

ከናፍሮም ድማ ሽግር ይዛረብ።

 3 ቤት* ብጥበብ ትህነጽ፣+

ብምስትውዓል ከኣ ትጸንዕ።

 4 ክፍልታታ ብፍልጠት፡

ብዅሉ ዓይነት ክቡርን ባህ ዜብልን መዛግብቲ ይመልእ።+

 5 ጥበበኛ ሰብ ሓያል እዩ፣+

ሰብ ድማ ብፍልጠት ሓይሉ ይውስኽ።

 6 ብጥበባዊ መምርሒ ተዋጋእ፣+

ብብዙሓት ኣማኸርቲ ኸኣ ዓወት* ይርከብ።+

 7 ዓሻ ንናይ ሓቂ ጥበብ ኪረኽባ ኣይክእልን፣+

ኣብ ኣፍ ደገ ኸተማ ዚብሎ የብሉን።

 8 እከይ ዚሓስብ፡

ጐይታ ተንኰል ይብሃል።+

 9 ብዕሽነት ዚምሃዝ ተንኰል፡* ሓጢኣት እዩ፣

መላገጺ ድማ ብሰብ ፍንፉን እዩ።+

10 ብመዓልቲ ጭንቂ ተስፋ እንተ ቘሪጽካ፡

ሓይልኻ ቝሩብ ይኸውን።

11 ነቶም ናብ ሞት ዚውሰዱ ኣናግፎም፣

ነቶም ሰንከልከል እናበሉ ናብ ማሕረዲ ዚኸዱ ኸኣ ኣይትሕደጎም።+

12 “ብዛዕባ እዚ ግና ኣይፈለጥናን” እንተ ኢልካ፡

እቲ ልቢ* ዚምርምርሲ ኣየስተውዕሎንዶ፧+

እወ፡ እቲ ዚቋመተካ* ኺፈልጥ፡

ንነፍሲ ወከፍ ሰብ እውን ከከም ተግባሩ ኺፈድዮ እዩ።+

13 ወደየ፡ ጽቡቕ እዩ እሞ፡ መዓር ብላዕ፣

ኣብ ጎጎኡ ዘሎ መዓር መቐረቱ ጥዑም እዩ።

እንተ ረኺብካያስ፡ ብሩህ መጻኢ ኺህልወካ እዩ፣

ተስፋኻ እውን ኣይኪቝረጽን እዩ።+

15 ኣብ ጥቓ ቤት ጻድቕ ብኽፍኣት ኣይተድቢ፣

ነታ መዕረፊቱ ኣይተጥፍኣያ።

16 ጻድቕሲ ሸውዓተ ሳዕ ይወድቕ እሞ መሊሱ ይትንስእ፣+

እኩያት ግና ብመዓት ይዕንቀፉ።+

17 ጸላኢኻ ምስ ዚወድቕ፡ ባህ ኣይበልካ፣

ምስ ዚዕንቀፍ ከኣ፡ ልብኻ ኣይተሓጐስ።+

18 እንተ ዘይኰነስ፡ የሆዋ ነዚ ርእዩ ኺጕሂ፡

ካብኡ* ድማ ቍጥዓኡ ኺመልስ እዩ።+

19 ብገበርቲ ኽፉእ ኣይትሕረቕ፣*

ብእኩያት ኣይትቕናእ።

20 ንኽፉእሲ ብሩህ መጻኢ የብሉን፣+

መብራህቲ እኩያት ድማ ይጠፍእ እዩ።+

ምስ ዓለውቲ* ኸኣ ኣይትሕበር፣+

22 መዓቶምሲ ብሃንደበት ይልዓል እዩ።+

24 እቲ ንእኩይ፡ “ጻድቕ ኢኻ” ዚብሎ፡+

ብህዝብታት ኪርገም፡ ብኣህዛብ እውን ኪዅነን እዩ።

25 እቶም ዚገንሕዎ ግና ጽቡቕ ኪረኽቡ እዮም፣+

ኣብ ልዕሊኦም ጽቡቕ በረኸት ኪወርድ እዩ።+

27 ናይ ወጻኢ ዕዮኻ ኣሰናዱ፡ ኣብ ግራት ከኣ ኵሉ ኣዳሉ፣

ድሕሪኡ፡ ቤትካ* ህነጽ።

29 “ከምታ ዝገበረኒ ኽገብሮ እየ፣

ከም ግብሩ ኽፈድዮ እየ” ኣይትበል።+

30 ኣነ ብግራት ሃካይ፡

ብኣታኽልቲ ወይኒ እቲ ልቢ ዘይብሉ ሓለፍኩ።+

31 ጻህያይ ውሒጥዋ ኸኣ ረኣኹ፣

ምድራ ብኣምዐ ተሸፊኑ፡

መንደቓ ድማ ፈሪሱ ነበረ።+

32 ነዚ ተዓዚበ ኣብ ልበይ ኣንበርክዎ፣

ንዕኡ ርእየ ኸኣ እዚ ዚስዕብ ተመሃርኩ፦*

33 ቍሩብ ትድቅስ፡ ቍሩብ ትኽስ ትብል፡

ከተዕርፍ ኢልካ ቝሩብ ኣእዳውካ ተጣምር፣

34 ሽዑ፡ ድኽነትካ ኸም ሽፍታ፡

ስእነትካ ድማ ከም ኣጽዋር እተዓጥቀ ሰብኣይ ይመጸካ።+