Mga Kawikaan

Ang marunong na anak ay nagpapasaya sa kaniyang ama,+

Pero ang mangmang na anak ay nagpapahirap sa kaniyang ina.

 2 Walang silbi ang kayamanang nakuha sa masamang paraan,

Pero katuwiran* ang nagliligtas mula sa kamatayan.+

 3 Hindi hahayaan ni Jehova na magutom ang mga matuwid,+

Pero ipagkakait niya sa masasama ang mga gusto nila.

 4 Kahirapan ang dulot ng kamay na tamad,+

Pero yaman ang dala ng kamay na masipag.+

 5 Ang anak na may kaunawaan ay nagtitipon ng ani sa tag-araw,

Pero ang anak na kahiya-hiya ay natutulog nang mahimbing sa panahon ng pag-aani.+

 6 Mga pagpapala ang nasa ulo ng matuwid,+

Pero itinatago ng bibig ng masama ang karahasan.

 7 Ang reputasyon ng* matuwid ay magdudulot ng pagpapala,+

Pero ang pangalan ng masama ay mabubulok.+

 8 Ang marunong* ay tatanggap ng tagubilin,*+

Pero ang nagsasalita nang may kamangmangan ay aapak-apakan.+

 9 Ang mga lumalakad nang tapat ay panatag,+

Pero ang mga liko ang daan ay malalantad.+

10 Ang kumikindat para manlinlang ay magdudulot ng kirot,+

At ang nagsasalita nang may kamangmangan ay aapak-apakan.+

11 Ang bibig ng matuwid ay bukal ng buhay,+

Pero itinatago ng bibig ng masama ang karahasan.+

12 Poot ang pinagmumulan ng mga pagtatalo,

Pero pag-ibig ang nagtatakip sa lahat ng kasalanan.+

13 Karunungan ang nasa mga labi ng may kaunawaan,+

Pero ang pamalo ay para sa kulang sa unawa.*+

14 Ang marunong ay nagpapahalaga* sa kaalaman,+

Pero ang bibig ng mangmang ay nagdadala ng kapahamakan.+

16 Ang ginagawa ng matuwid ay umaakay sa buhay,

Pero ang bunga ng masama ay umaakay sa kasalanan.+

17 Ang nakikinig sa disiplina ay umaakay sa mga tao sa daan ng buhay,*

Pero ang nagwawalang-bahala sa saway ay nagiging dahilan para maligaw ang iba.

18 Ang taong may itinatagong poot ay nagsisinungaling,+

At ang nagkakalat ng paninira* ay mangmang.

19 Kapag maraming sinasabi, hindi maiiwasang magkamali,+

Pero ang nagpipigil ng kaniyang dila* ay matalino.+

20 Gaya ng pinakamagandang klase ng pilak ang dila ng matuwid,+

Pero maliit ang halaga ng puso ng masama.

21 Ang salita ng matuwid ay nagpapalusog* sa marami,+

Pero ang mangmang ay namamatay dahil sa kakulangan ng unawa.+

22 Ang pagpapala ni Jehova ang nagpapayaman,+

At hindi niya iyon dinaragdagan ng kirot.*

23 Para sa mangmang, ang paggawi nang kahiya-hiya ay parang laro lang,

Pero ang karunungan ay taglay ng taong may kaunawaan.+

24 Ang kinatatakutan ng masama ay mangyayari sa kaniya,

Pero ang ninanais ng matuwid ay ipagkakaloob sa kaniya.+

25 Pagdaan ng bagyo, mawawala na ang masama,+

Pero ang matuwid ay gaya ng pundasyon na hindi magigiba kailanman.+

26 Gaya ng sukà sa mga ngipin at usok sa mga mata,

Ganiyan ang taong tamad para sa amo niya.*

27 Ang pagkatakot kay Jehova ay nagpapahaba ng buhay,+

Pero ang mga taon ng masasama ay paiikliin.+

28 Ang inaasam* ng mga matuwid ay nagpapasaya sa kanila,+

Pero ang pag-asa ng masasama ay maglalaho.+

29 Ang daan ni Jehova ay kanlungan para sa walang kapintasan,+

Pero kapahamakan ito para sa mga gumagawa ng masama.+

30 Ang matuwid ay hindi kailanman babagsak,+

Pero ang masama ay hindi na maninirahan sa lupa.+

31 Ang bibig ng matuwid ay pinagmumulan* ng karunungan,

Pero ang di-tapat na* dila ay puputulin.

32 Alam ng mga labi ng matuwid kung ano ang kanais-nais,

Pero ang bibig ng masama ay di-tapat.*