AmaHubo
Kumqondisi. Ihubo likaDavide.
139 O Jehova, ungihlolile futhi uyangazi. +
2 Uyazi lapho ngihlala nalapho ngisukuma. +
Ubona imicabango yami ukude. +
5 Ngemuva nangaphambi kwami, ungizungezile;
Ubeka isandla sakho phezu kwami.
6 Ulwazi olunjalo angikwazi ukuluqonda.*
Luphakeme kakhulu, angikwazi ukulufinyelela. *+
8 Ukube bengingakhuphukela ezulwini, ubuyobe ulapho,
9 Ukube bengingandiza ngamaphiko okuntwela kokusa
Ukuze ngiyohlala ngasolwandle olukude kakhulu,
10 Ngisho nalapho isandla sakho besiyongihola
Nesandla sakho sokudla besiyongibamba. +
11 Uma ngithi: “Ngokuqinisekile ubumnyama buzongimboza!”
Khona-ke ubusuku obungizungezile bebuyoba ukukhanya.
12 Ngisho nobumnyama bebungeke bube mnyama kakhulu kuwe,
Kodwa ubusuku bebuyokhanya njengemini; +
Ubumnyama buyafana nokukhanya kuwe. +
14 Ngiyakudumisa ngenxa yokuthi ngenziwe ngendlela emangalisayo. +
Imisebenzi yakho iyamangalisa, +
Ngikwazi kahle lokhu.
15 Amathambo ami ayengafihlekile kuwe
Lapho ngenziwa ekusithekeni,
Lapho ngelukwa ekujuleni komhlaba. +
16 Amehlo akho angibona ngisho ngisewumbungu;
Zonke izitho zawo zazilotshiwe encwadini yakho
Ngokuqondene nezinsuku ezabunjwa ngazo,
Kungakabi bikho nesisodwa sazo.
17 Ave iyigugu imicabango yakho kimi! +
O Nkulunkulu, yeka indlela eminingi ngayo! +
18 Uma ngizama ukuyibala, miningi kunezinhlayiya zesihlabathi. +
Lapho ngiphaphama, ngisenawe. *+
19 O Nkulunkulu, ukube nje ubungambulala omubi! +
Khona-ke abantu abanodlame* bebeyosuka kimi,
20 Labo abakhuluma izinto ngawe ngezinhloso ezimbi;*
Bayizitha zakho ezidelela igama lakho. +