Psalms

11 Tot Jehovah het ek my toevlug geneem.+

Hoe durf julle vir my siel sê:

“Vlug soos ’n voël na julle berg!+

 2 Want kyk! die goddeloses span die boog,+

Hulle sit hulle pyl op die boogsnaar reg,

Om in die donker op die opregtes van hart te skiet.+

 3 Wanneer selfs die fondamente afgebreek word,+

Wat moet die regverdige dan doen?”

 4 Jehovah is in sy heilige tempel.+

Jehovah—in die hemel is sy troon.+

Sy oë sien, sy stralende oë ondersoek+ die mensekinders.

 5 Jehovah ondersoek die regverdige sowel as die goddelose,+

En Sy siel haat beslis elkeen wat geweld liefhet.+

 6 Hy sal valstrikke, vuur en swael+ op die goddeloses laat reën,

En ’n verskroeiende wind, as die deel van hulle beker.+

 7 Want Jehovah is regverdig;+ hy het regverdige dade lief.+

Die regskapenes sal sy aangesig sien.+