Psalms

48 Jehovah is groot en baie lofwaardig+

In die stad van ons God,+ op sy heilige berg.+

 2 Mooi weens sy verhewenheid, die vreugde van die hele aarde,+

Is die berg Sion aan die afgeleë kante van die noorde,+

Die stad van die Grootse Koning.+

 4 Want kyk! die konings het volgens afspraak byeengekom,+

Hulle het saam verbygetrek.+

 5 Hulle het gesien; en daarom was hulle verbaas.

Hulle het ontsteld geraak, hulle is in paniek op die vlug gejaag.+

 6 Bewing het hulle daar aangegryp,+

Geboortepyne soos dié van ’n vrou wat geboorte gee.+

 8 Net soos ons gehoor het, so het ons gesien+

In die stad van Jehovah van die leërs, in die stad van ons God.+

God sal dit tot onbepaalde tyd stewig vestig.+ Sela.

 9 Ons het oor u liefderyke goedhartigheid gepeins, o God,+

In u tempel.+

10 Soos u naam,+ o God, so is u lof

Tot aan die grense van die aarde.

U regterhand is vol regverdigheid.+

11 Laat die berg Sion+ hom verbly,

Laat die afhanklike dorpe van Juda bly wees+ weens u regterlike beslissings.+

12 GAAN rondom Sion en trek daaromheen,+

Tel sy torings.+

13 Rig julle hart op sy skans.+

Besigtig sy woontorings,

Sodat julle dit aan die toekomstige geslag kan vertel.+

14 Want hierdie God is ons God tot onbepaalde tyd, ja, vir ewig.+

Hy sal ons lei totdat ons sterf.+