Psalms
Vir die musiekleier: Vir Nehilot.* ’n Melodie van Dawid.
2 Skenk aandag aan my geroep om hulp,
o my Koning en my God, want ek bid tot u.
3 O Jehovah, u sal my stem in die oggend hoor.+
In die oggend sal ek u vertel wat my bekommer,+ en ek sal hoopvol wag.
4 Want u is nie ’n God wat bly is oor goddeloosheid nie.+
Niemand wat sleg is, mag by u bly nie.+
5 Niemand wat hoogmoedig is, mag in u teenwoordigheid staan nie.
U haat almal wat goddeloos optree.+
6 U sal dié vernietig wat leuens vertel.+
Jehovah haat mense wat gewelddadig en bedrieglik is.*+
7 Maar danksy u groot lojale liefde+ sal ek in u huis ingaan,+
en ek sal uit eerbiedige vrees vir u in die rigting van u heilige tempel* neerbuig.+
9 Want niks wat hulle sê, kan vertrou word nie.
Daar is niks behalwe vyandigheid in hulle nie.
10 Maar God sal hulle skuldig verklaar.
Hulle eie planne sal hulle ondergang veroorsaak.+
Mag hulle verdryf word as gevolg van hulle baie oortredings,
want hulle het teen u in opstand gekom.
11 Maar almal wat beskerming by u kom soek, sal bly wees.+
Hulle sal altyd van vreugde uitroep.
U sal hulle beskerm,*
en dié wat u naam liefhet, sal bly wees as gevolg van u.