Psalms

5 Luister tog na my woorde,+ o Jehovah;

Verstaan tog my gesug.

 2 Skenk tog aandag aan die geluid van my hulpgeroep,+

O my Koning+ en my God, want tot u bid ek.+

 3 O Jehovah, in die oggend sal u my stem hoor;+

In die oggend sal ek my tot u rig en op die uitkyk wees.+

 4 Want u is nie ’n God wat in goddeloosheid behae skep nie;+

Niemand wat sleg is, mag selfs ’n rukkie by u vertoef nie.+

 5 Geen grootpraters mag hulle voor u oë stel nie.+

U haat almal wat beoefen wat skadelik is;+

 6 U sal die leuenaars vernietig.+

’n Man van bloedvergieting+ en bedrog+ word deur Jehovah verfoei.

 7 Wat my betref, deur die oorvloed van u liefderyke goedhartigheid+

Sal ek in u huis ingaan,+

Ek sal my neerbuig in die rigting van u heilige tempel in die vrees vir u.+

 8 O Jehovah, lei my in u regverdigheid+ weens my vyande;+

Maak u weg voor my gelyk.+

 9 Want in hulle mond is niks betroubaars nie;+

Hulle binneste is inderdaad teëspoed.+

Hulle keel is ’n oop graf;+

’n Gladde tong gebruik hulle.+

10 God sal hulle beslis skuldig ag;+

Hulle sal val weens hulle eie planne.+

Laat hulle deur die menigte van hulle oortredings verstrooi word,+

Want hulle het teen u in opstand gekom.+

11 Maar almal wat hulle toevlug tot u neem, sal bly wees;+

Tot onbepaalde tyd sal hulle met vreugde uitroep.+

En u sal toegang tot hulle versper,

En dié wat u naam liefhet, sal jubel in u.+

12 Want u sal almal seën wat regverdig is,+ o Jehovah;

Soos met ’n groot skild+ sal u hulle met goedkeuring omring.+