Psalms
33 Roep uit van vreugde, o regverdiges, as gevolg van Jehovah.+
Dit is gepas dat dié wat reg lewe, hom loof.
2 Loof Jehovah met die harp.
Sing lofliedere* vir hom met ’n tiensnarige instrument.
Speel met vaardigheid op die snaarinstrumente en roep uit van vreugde.
5 Hy is lief vir regverdigheid en geregtigheid.+
Die aarde is gevul met Jehovah se lojale liefde.+
7 Hy maak die seewaters soos ’n dam bymekaar.+
Hy sit die onstuimige waters in stoorkamers.
8 Laat die hele aarde Jehovah vrees.+
Laat die inwoners van die vrugbare land ontsag vir hom hê.
9 Want hy het gepraat, en dit was so.+
Hy het die bevel gegee, en dit het stewig gestaan.+
10 Jehovah het die planne* van die nasies op niks laat uitloop.+
Hy het die planne* van die volke laat misluk.+
11 Maar die besluite* van Jehovah sal vir ewig bly staan.+
Die gedagtes van sy hart is van geslag tot geslag.
13 Jehovah kyk af vanuit die hemel.
Hy sien al die mense.+
14 Vanuit sy woonplek
kyk hy aandagtig na die inwoners van die aarde.
15 Hy is die Een wat almal se harte vorm.
Hy ondersoek al hulle werke.+
16 Geen koning word deur ’n groot leërmag gered nie.+
’n Magtige man word nie deur sy groot krag gered nie.+
18 Kyk! Die oog van Jehovah waak oor dié wat hom vrees,+
dié wat op sy lojale liefde wag,
19 om hulle van die dood te red,
en om hulle tydens hongersnood aan die lewe te hou.+
20 Ons wag op Jehovah.
Hy is ons helper en ons skild.+