યશાયા

હાથથી ઇશારો કરો અને સૈનિકોને બોલાવો,

જેથી તેઓ અમીરોના દરવાજાઓમાં ઘૂસી જાય.

મેં શૂરવીર યોદ્ધાઓને મારો ગુસ્સો ઠાલવવાનો હુકમ કર્યો છે,

તેઓ બડાઈ હાંકીને ખુશ થાય છે.

 ૪ ઘણા લોકોના ઘોંઘાટ જેવો

પર્વતો પરના ટોળાનો અવાજ સાંભળો!

ભેગી થયેલી પ્રજાઓ+

અને રાજ્યોનો શોરબકોર સાંભળો!

 ૫ તેઓ દૂર દેશથી,

હા, પૃથ્વીના* છેડાથી આવે છે.+

યહોવા અને તેમના ક્રોધનાં હથિયારો

આખી પૃથ્વીને ખેદાન-મેદાન કરવા આવે છે.+

 ૭ એટલે દરેક હાથ ઢીલો પડી જશે,

દરેક માણસનું દિલ બીકથી કાંપી ઊઠશે.+

બાળકને જન્મ આપતી સ્ત્રીની જેમ,

વેદના અને દુઃખથી તેઓ પીડાશે.

 ૯ જુઓ! યહોવાનો દિવસ આવે છે,

રોષ અને ગુસ્સાથી ભભૂકતો ક્રૂર દિવસ,

દેશને ડરામણો બનાવતો દિવસ,+

એમાંના પાપીઓનો સંહાર કરતો દિવસ.

૧૦ આકાશનાં તારાઓ અને નક્ષત્રો*+

પ્રકાશ પાથરશે નહિ.

સૂર્ય ઊગે તોપણ અજવાળું આપશે નહિ,

ચંદ્ર પણ રોશની આપશે નહિ.

૧૧ હું પૃથ્વીના લોકો પાસેથી તેઓની બૂરાઈનો

અને દુષ્ટ માણસો પાસેથી તેઓના અપરાધનો હિસાબ માંગીશ.+

હું ઘમંડીઓનું ઘમંડ તોડી પાડીશ

અને જુલમીઓનું અભિમાન ઉતારી નાખીશ.+

૧૨ હું એમ કરીશ કે ચોખ્ખા સોના કરતાં,

હા, ઓફીરના* સોના+ કરતાં મનુષ્યોની વધારે અછત પડશે.+

મારા ધગધગતા કોપને દિવસે,

મારા ક્રોધથી ધરતીને એની જગ્યાએથી હલાવી દઈશ.+

૧૪ શિકારીથી ભાગતી હરણીની જેમ અને પાળક વગરનાં ઘેટાંની જેમ,

તેઓ પોતાના લોકો પાસે પાછા ફરશે,

તેઓ પોતાના દેશમાં નાસી જશે.+

તેઓનાં ઘરો લૂંટી લેવામાં આવશે,

તેઓની પત્નીઓ પર બળાત્કાર થશે.

૧૭ હું તેઓની વિરુદ્ધ માદીઓને ઊભા કરીશ,+

જેઓને મન ચાંદી નકામી છે,

જેઓને સોનાની કંઈ પડી નથી.

તેઓ બાળકો પર રહેમ કરશે નહિ

કે છોકરાઓ પર દયા બતાવશે નહિ.

૨૦ એમાં ફરી કદી વસ્તી થશે નહિ,

પેઢી દર પેઢી એમાં કોઈ રહેશે નહિ.+

કોઈ અરબી માણસ ત્યાં તંબુ બાંધશે નહિ,

કોઈ ઘેટાંપાળક પોતાનાં ઘેટાંને ત્યાં લઈ જશે નહિ.

૨૧ રણનાં જાનવરો એમાં બેસશે,

તેઓનાં ઘરો ઘુવડોનું રહેઠાણ બની જશે.

ત્યાં શાહમૃગો રહેવાં લાગશે+

અને જંગલી બકરા* કૂદાકૂદ કરશે.