მათეს სახარება

23 მაშინ იესომ მიმართა თავის მოწაფეებსა და სხვებს: 2 „მოსეს ადგილი მწიგნობრებმა და ფარისევლებმა დაიკავეს. 3 ამიტომ, რასაც ისინი გეტყვიან, ყველაფერი გააკეთეთ და დაიცავით, ოღონდ მათსავით ნუ მოიქცევით, რადგან ისინი არ აკეთებენ იმას, რასაც ამბობენ.+ 4 კრავენ მძიმე ტვირთს და ხალხს ზურგზე ჰკიდებენ,+ თვითონ კი თითის განძრევაც არ სურთ მის დასაძვრელად.+ 5 ყველაფერს სხვების დასანახავად აკეთებენ.+ იფართოებენ ფილაქტერიებს*+ და იგრძელებენ ტანსაცმლის ფოჩებს,+ 6 უყვართ საპატიო ადგილები ნადიმებზე და წინა ადგილები სინაგოგებში,+ 7 მოედნებზე რომ ესალმებიან და ხალხი რაბის* რომ უწოდებს. 8 თქვენ კი ნუ გიწოდებენ რაბის, რადგან მხოლოდ ერთი მოძღვარი გყავთ,+ ხოლო თქვენ ყველანი ძმები ხართ; 9 ნურც მამას უწოდებთ ვინმეს დედამიწაზე, რადგან ერთი მამა გყავთ+ — ზეციერი; 10 ნურც წინამძღოლს გიწოდებენ, რადგან ერთი გყავთ წინამძღოლი — ქრისტე. 11 თქვენ შორის უდიდესი თქვენი მსახური იყოს;+ 12 ვინც თავს აიმაღლებს, დამდაბლდება,+ ხოლო ვინც თავს დაიმდაბლებს, ამაღლდება.+

13 ვაი თქვენ, მწიგნობრებო და ფარისევლებო, თვალთმაქცებო! ზეციერ სამეფოში შესასვლელს უკეტავთ ხალხს, არც თქვენ შედიხართ და არც მათ უშვებთ, ვისაც შესვლა სურთ.+ 14 *——

15 ვაი თქვენ, მწიგნობრებო და ფარისევლებო, თვალთმაქცებო!+ შემოივლით ზღვასა და ხმელეთს, რომ ერთი მაინც მოაქციოთ და ვისაც მოაქცევთ, ის თქვენზე მეტად დაიმსახურებს გეენის სასჯელს.

16 ვაი თქვენ, ბრმა მეგზურებო,+ რომ ამბობთ, თუ ვინმე ტაძარს დაიფიცებს, არაფერია, მაგრამ, თუ ვინმე ტაძრის ოქროს დაიფიცებს, ვალდებულია, შეასრულოსო ფიცი.+ 17 უგუნურებო და ბრმებო! რა უფრო მნიშვნელოვანია: ოქრო თუ ტაძარი, ოქროს რომ წმენდს?! 18 იმასაც ამბობთ, თუ ვინმე სამსხვერპლოს დაიფიცებს, არაფერია, მაგრამ, თუ ვინმე მასზე მიტანილ ძღვენს დაიფიცებს, ვალდებულია, შეასრულოსო ფიცი. 19 ბრმებო, რა უფრო მნიშვნელოვანია: ძღვენი თუ სამსხვერპლო, ძღვენს რომ წმენდს?! 20 ამიტომ, ვინც სამსხვერპლოს იფიცებს, ის მხოლოდ სამსხვერპლოს კი არ იფიცებს, არამედ ყველაფერს, რაც მასზეა; 21 ვინც ტაძარს იფიცებს, მხოლოდ ტაძარს კი არ იფიცებს, არამედ მასაც, ვინც მასში მკვიდრობს.+ 22 ვინც ზეცას იფიცებს, ის იფიცებს ღვთის ტახტსაც და მასზე მჯდომსაც.

23 ვაი თქვენ, მწიგნობრებო და ფარისევლებო, თვალთმაქცებო! სწირავთ პიტნის, კამისა და ძირის მეათედს,+ მაგრამ დაივიწყეთ უფრო მნიშვნელოვანი კანონში: სამართალი,+ გულმოწყალება+ და ერთგულება. ესეც უნდა გაგეკეთებინათ და არც ის უნდა დაგევიწყებინათ.+ 24 ბრმა მეგზურებო,+ სასმელს წურავთ, ქინქლა რომ არ შეგყვეთ,+ ამ დროს კი აქლემს ყლაპავთ!+

25 ვაი თქვენ, მწიგნობრებო და ფარისევლებო, თვალთმაქცებო! სასმისსა და ჯამს გარედან წმენდთ,+ შიგნით კი სიხარბითა*+ და თავშეუკავებლობით ხართ სავსე.+ 26 ბრმა ფარისეველო, ჯერ შიგნიდან გაწმინდე სასმისი და ჯამი, რომ გარედანაც გასუფთავდეს.

27 ვაი თქვენ, მწიგნობრებო და ფარისევლებო, თვალთმაქცებო!+ შეთეთრებულ სამარხებს+ ჰგავხართ, რომლებიც ლამაზი კი ჩანს, მაგრამ შიგნით მკვდრების ძვლებითა და ყოველგვარი უწმინდურებითაა სავსე. 28 თქვენც მართლები ჩანხართ ადამიანთა თვალში, მაგრამ შიგნით თვალთმაქცობითა და უკანონობით ხართ სავსე.+

29 ვაი თქვენ, მწიგნობრებო და ფარისევლებო, თვალთმაქცებო!+ წინასწარმეტყველებს სამარხებს უშენებთ, მართალთ სამარხებს უმკობთ+ 30 და ამბობთ, ჩვენი მამა-პაპის დროს რომ გვეცხოვრა, მათი თანამონაწილე არ ვიქნებოდითო წინასწარმეტყველთა სისხლის ღვრაში. 31 ამით საკუთარი თავის წინააღმდეგ მოწმობთ, რომ წინასწარმეტყველთა მკვლელების შთამომავლები ხართ;+ 32 ბარემ აავსეთ თქვენი მამა-პაპის საწყაო!

33 გველებო, გველგესლას ნაშიერნო,+ როგორ გაექცევით გეენის სასჯელს?!+ 34 ამიტომ გიგზავნით წინასწარმეტყველებს,+ ბრძენებსა და მასწავლებლებს.+ ზოგ მათგანს მოკლავთ+ და ძელზე გააკრავთ, ზოგს გაშოლტავთ+ სინაგოგებში და ერთი ქალაქიდან მეორეში განდევნით,+ 35 რათა თქვენ მოგეკითხოთ ყველა მართლის სისხლი, რაც კი მიწაზე დაღვრილა, მართალი აბელის+ სისხლიდან ზაქარიას, ბარაქიას ძის, სისხლამდე, რომელიც ტაძარსა და სამსხვერპლოს შორის მოკალით.+ 36 ჭეშმარიტებას გეუბნებით: ეს ყველაფერი მოეკითხება ამ თაობას!

37 იერუსალიმო, იერუსალიმო, წინასწარმეტყველთა მკვლელო და შენთან გამოგზავნილთა ჩამქოლავო!+ რამდენჯერ მოვინდომე შენი შვილების შეკრება, როგორც კრუხი იკრებს ფრთებქვეშ თავის წიწილებს, მაგრამ არ ინდომეთ.+ 38 აჰა, ოხრად გრჩებათ თქვენი ტაძარი.+ 39 გეუბნებით: ამიერიდან ვეღარ მიხილავთ, სანამ არ იტყვით, კურთხეულიაო იეჰოვას* სახელით მომავალი!“+