Yisaya
28 Mawa na motole* ya lofundo* ya balangwi-masanga ya Efraime+
Mpe na fololo ya nkembo na yango ya kitoko,
Oyo ezali kokauka, oyo ezali likoló ya lobwaku oyo ebotaka malamu, ya baoyo vinyo elongi bango!
2 Talá! Yehova akotinda moto ya makasi mpe ya nguya.
Lokola mbula ya mopɛpɛ makasi, ya bankake mpe ya mabanga, mbula ya mopɛpɛ makasi oyo ezali kobebisa,
Lokola mbula ya mopɛpɛ makasi mpe ya bankake, ya mai ya makasi oyo ezali kozindisa,
Akokweisa yango na mabele na makasi mpenza.
4 Mpe fololo ya nkembo na yango ya kitoko oyo ezali kokauka,
Oyo ezali likoló ya lobwaku oyo ebotaka malamu,
Ekokóma lokola figi ya ebandeli liboso ya eleko ya molunge.
Ntango moto amoni yango, akomɛla yango wana ezali naino na lobɔkɔ na ye.
5 Na mokolo yango, Yehova ya mampinga akokóma na miso ya bato na ye oyo bakotikala+ lokola motole ya nkembo mpe lokola motole ya fololo ya kitoko. 6 Mpe akokóma elimo ya bosembo na miso ya moto oyo afandi mpo na kosambisa, mpe lokola nguya na miso ya baoyo bazali kopusa etumba, elongwa na porte ya engumba.+
7 Ná baoyo mpe babungi nzela mpo na vinyo;
Masanga na bango oyo elangwisaka epesi bango kizunguzungu.
Nganga-nzambe mpe mosakoli babungi nzela mpo na masanga oyo elangwisaka;
Vinyo ebulunganisi bango,
Mpe masanga na bango oyo elangwisaka epesi bango kizunguzungu;
Emonaneli na bango ebungisi bango nzela,
Bazali kozwa ekateli ya malamu te.+
8 Mpo bamesa na bango etondi na biloko ya bosɔtɔ oyo basanzi
—Esika ezali te oyo ezangi yango.
9 Nani oyo bakopesa ye boyebi,
Mpe nani oyo bakolimbolela ye nsango?
Na baoyo batiki komɛlisa mabɛlɛ,
Baoyo balongoli bango na mabɛlɛ?
10 Mpo ezali “mitindo likoló ya mitindo, mitindo likoló ya mitindo,
Mobeko likoló ya mobeko, mobeko likoló ya mobeko,*+
Awa moke, kuna moke.”
11 Mpo akoloba na bato oyo na nzela ya bato ya likukuma* mpe na monɔkɔ ya bapaya.+ 12 Liboso alobaki na bango ete: “Esika ya kopema yango oyo. Moto oyo alɛmbi apema; esika ya kimya yango oyo,” kasi baboyaki koyoka.+ 13 Bongo Yehova akoloba na bango boye:
“Mitindo likoló ya mitindo, mitindo likoló ya mitindo,
Awa moke, kuna moke,”
Mpo ntango bakotambola
Bábɛta libaku mpe bákwea makalekale
Mpe bábukana, bázwama na motambo mpe bákangama.+
14 Yango wana bóyoka liloba ya Yehova, bino bato oyo bozali komikumisa,
Bino bayangeli ya bato oyo bazali na Yerusaleme,
15 Mpo bolobi ete:
Ntango mpela ya pwasa oyo ezindisaka ekoleka,
Ekokómela biso te,
Mpo tokómisá lokuta esika na biso ya kokima
Mpe tomibombi na kati ya lokuta.”+
16 Yango wana talá oyo Yehova Nkolo Mokonzi-Oyo-Aleki-Nyonso alobi:
“Talá na Siona, nazali kotya libanga oyo emekami ezala moboko,+
Libanga ya ntina mingi oyo ezali na motuya,+ ya moboko ya solosolo.+
Moto oyo azali komonisa kondima akozala na nsɔmɔ te.+
Mbula ya mabanga ekokɔmbɔla ekimelo ya lokuta,
Mpe mai ekozindisa esika ya kobombana.
Ntango mpela ya pwasa ekoleka
Ekonyatanyata bino.
Kaka nsɔmɔ nde ekosala ete bákanga ntina ya likambo oyo bayokaki.”*
20 Mpo mbeto ezali mokuse mingi mpe moto akokoka komisembola likoló na yango te,
Mpe elamba ya mbeto* ezali moke mingi mpo moto amizipa na yango.
21 Mpo Yehova akotɛlɛma lokola na Ngomba Perazime;
Akoningana lokola na lobwaku* oyo ezali pene na Gibeone,+
Mpo asala likambo na ye, likambo na ye ya kokamwa,
Mpo asala mosala na ye, mosala moko oyo esalemá naino te.+
Mpo bansinga na bino ekangama makasi te,
Mpo nayoki epai ya Nkolo Mokonzi-Oyo-Aleki-Nyonso, Yehova ya mampinga,
23 Bótya litoi mpe bóyoka mongongo na ngai;
Bótya likebi mpe bóyoka oyo nazali koloba.
24 Motimoli atimolaka nde mokolo mobimba liboso alona mboto?
Abalolaka mabele mpe abongisaka yango nde ntango nyonso?+
25 Ntango alalisi etando na yango,
Nsima na yango nde apalanganisaka kumini ya moindo mpe alonaka kumini,
Alonaka te blé, miyɛ, ɔrje na bisika na yango,
Mpe blé ya mbuma makasi+ na ndelo ya elanga?
27 Mpo banyatanyataka kumini ya moindo na eloko ya kotutela te;+
Mpe balekisaka pine ya pusu likoló ya kumini te.
Kasi babɛtaka kumini ya moindo nde na lingenda,
Mpe kumini na fimbo.
28 Moto anikaka nde blé oyo esalelamaka mpo na mampa?