Ohabolana

16 Omanin’ny olona ao am-pony ny teny holazainy,*

Fa avy amin’i Jehovah kosa ny valin-teny omeny.*+

 2 Heverin’ny olona hoe mety* daholo izay ataony,+

Fa i Jehovah kosa mandinika ny antony anaovany an’izany.*+

 3 Ankino amin’i Jehovah daholo izay ataonao,+

Dia hahomby izay kasainao hatao.

 4 Nataon’i Jehovah hanatanterahana ny fikasany ny zava-drehetra,

Ka na ny ratsy fanahy aza haringana, amin’ny andro hahitana loza.+

 6 Ny fitiavana sy tsy fivadihana no andrakofana fahadisoana,+

Ary izay matahotra an’i Jehovah dia miala amin’ny ratsy.+

 7 Rehefa mahafinaritra an’i Jehovah ny ataon’ny olona,

Dia ataony mihavana aminy na dia ny fahavalony aza.+

 8 Aleo kely azo tamin’ny marina,+

Toy izay be dia be azo tamin’ny tsy rariny.+

 9 Mety ho efa mandamina tsara an’izay hataony ny olona, ao am-pony ao,

Nefa i Jehovah no mitarika ny diany.+

10 Didim-pitsarana avy amin’Andriamanitra no tokony holazain’ny mpanjaka,+

Ary tsy tokony hamadika ny rariny mihitsy izy.+

11 Avy amin’i Jehovah ny fandanjana marina sy ny mizana marina.

Avy aminy daholo koa ny vatomizana ao anaty kitapo.+

12 Maharikoriko ny mpanjaka ny fanao ratsy,+

Satria ny fahamarinana no manamafy orina ny seza fiandrianany.+

14 Toy ny olona nirahina hamono olona ho faty ny hatezeran’ny mpanjaka,+

Fa ny hendry kosa mahay mampitony* an’izany.+

15 Ho sambatra izay ankasitrahan’ny mpanjaka,

Satria hoatran’ny rahona mitondra orana amin’ny lohataona ny fankasitrahany.+

18 Ho lavo izay mirehareha,

Ary hianjera izay manambony tena.+

19 Aleo manetry tena miaraka amin’ny mpandefitra,+

Toy izay mifampizara harena* amin’ny olona manambony tena.

20 Hahomby* ny olona mandinika tsara an’izay ataony,

Ary sambatra izay matoky an’i Jehovah.

21 Izay manana fo hendry no hatao hoe mahira-tsaina,+

Ary izay manao teny mahafinaritra* no maharesy lahatra olona.+

22 Raha lalin-tsaina ny olona, dia loharanon’aina ho azy izany,

Fa ny tsisy saina kosa faizin’ny hadalany ihany.

23 Ny fon’ny hendry mahatonga azy hifidy tsara an’izay hoteneniny,+

Ka maharesy lahatra olona ny zavatra lazainy.

24 Toho-tantely ny teny mahafinaritra,

Ka sady mamy no manasitrana ny taolana.+

25 Misy lalana eritreretin’ny olona hoe mety,

Nefa any amin’ny fahafatesana no hiafarany.+

26 Mikely aina miasa mafy ny mpiasa satria te hihinan-kanina.

Miasa mafy mantsy izy satria noana.*+

27 Zava-dratsy no fongarin’ny olona tsy misy ilana azy,+

Ary toy ny afo mandoro ny teniny.+

28 Mampisy ady fotsiny ny mpanakorontana,*+

Ary mampisaraka ny mpinamana be ny mpanendrikendrika.+

29 Mitaona ny namany hanao ratsy ny olona tia herisetra,

Sady mitarika azy any amin’ny lalan-diso.

31 Satroboninahitra tsara tarehy* ny volofotsy,+

Raha ao amin’ny lalan’ny fahamarinana no ahazoana azy.+

32 Aleo olona tsy mora tezitra+ toy izay lehilahy matanjaka,

Ary aleo olona mahafehy tena* toy izay olona mahazo tanàna ho babo.+

33 Eo am-pofoana no anaovana antsapaka,+

Fa an’i Jehovah kosa ny fanapahan-kevitra rehetra amin’izany.+