Mapisarema

65 Haiwa Mwari, muZiyoni+ mune kurumbidza—runyararo—, nokuda kwenyu;

Uye mucharipirwa mhiko.+

 3 Zvinhu zvine chokuita nokukanganisa zvava nesimba kundipfuura.+

Imi muchafukidza kudarika kwedu.+

 4 Anofara munhu wamunosarudza uye wamunoswededza pedyo,+

Kuti agare muzvivanze zvenyu.+

Tichagutswa nokunaka kweimba yenyu,+

Iyo nzvimbo tsvene yetemberi yenyu.+

 5 Muchatipindura mukururama nezvinhu zvinotyisa,+

Haiwa Mwari woruponeso rwedu,+

Anovimbwa naye navose vari kumiganhu yenyika nevaya vari kure kugungwa.+

 6 Iye ari kusimbisa kwazvo makomo nesimba rake;+

Chokwadi akazvisunga nesimba.+

 7 Iye ari kunyaradza ruzha rwemakungwa,+

Irwo ruzha rwemafungu awo nenyonganyonga yemapoka emarudzi.+

 8 Vanogara kumigumo yenyika vachatya zviratidzo zvenyu;+

Munoita kuti kubuda kwezuva nokuvira kwaro zvishevedzere nomufaro.+

 9 Makafunga nezvenyika, kuti muipe zvinhu zvizhinji;+

Munoipfumisa kwazvo.

Rukova runobva kuna Mwari ruzere nemvura.+

Munogadzirira zviyo zvavo,+

Nokuti ndiwo magadziriro amunoita nyika.+

10 Munonyorovesa miforo yayo, munoenzanisa mavhinga ayo;+

Munoinyorovesa nemvura zhinji; munokomborera zvinomera zvayo.+

11 Makaisa korona pagore nokunaka kwenyu,+

Makwara enyu anodonha mafuta.+

12 Mafuro erenje anoramba achidonha mafuta,+

Zvikomo zvinozvisunga nomufaro.+

13 Mafuro akafukidzwa nemapoka ezvipfuwo,+

Mapani akafukidzwa nezviyo.+

Izvo zvinoshevedzera mukukunda, chokwadi, zvinoimba.+